من نحن

اسمي ايمان  والناس تناديلي  بااسم ابني (ام حمزة ) عراقية من مواليد 1973 خريجة ادارة   احب الطبخ من صغري وكنت دائما احب اجرب واتعلم وصفات بالبداية هواية  جنت اضوج لان جانت تفشل بيدي  وماتنجح اغلب الوصفات  بعدين بالتكرار الحمد لله  تجاوزت هاي المرحلة
اساس حبي للطبخ امي الله يحفظها ويحميها وبعدها بديت اطور نفسي  واتعلم من كل مكان اخذ وصفة اجربها   اضيف الها من لمساتي الخاصة واغير بيها حسب مااحب بالاضافة الى اختراعاتي بالمطبخ احب اخترع اكلات واضيف شغلات من عندي بعضها  تنجح واعتمدها وبعضها تفشل والي ساعدني انه ابدع بالطبخ هو زوجي لانة يحب التغير والتجديد ويكره الروتين مثلي تماما

البداية كانت من اشتراكي بصفحة طبخ عراقية على الفيس  كنت من المشتركات نزلت بعض الاكلات بالصفحة  وادمن الصفحة عجبها شغلي واختارتني كاادمن والحمد لله لقى شغلي محبة الناس خلال فترة بسيطة الناس حبوني وحبوا كل الي اقدمة الهم وشجعوني حتى تكون الي صفحتي الخاصة بالطبخ
بيوم
 28-10-2011
  انشات صفحتي الخاصة على الفيس بوك بااسم اكلاتنا الطيبة والحمد لله لاقت الصفحة نجاح ومحبة الناس  وخلال سنة وشهرين  وصل عدد مشتركين الصفحة اكثر من27 الف مشترك
حاولت انه تكون الصفحة مفيدة بكل الي نقدمة للناس  وتكون بيت مصغر يجمعنا كلنا على محبة والاحترام والتعاون والحمد لله نجحت بهذا الشي
وصرنا كلنا عائلة واحدة نحب بعضنا ونتشارك فرحنا وهمومنا سوية نحجي بكل امور حياتنا ونساعد بعضنا اذا يحتاج ومحد يقصر بااي معلومة يعرفها

عندي الكثير من الوصفات ان شاء الله  اشارككم اياها  طموحي كبير في عالم الطبخ ومن الله التوفيق اتمنى ان تشاركوني وتستمتعوا معي وان يكون هذا الموقع اكبر موسوعة للطبخ يضم اكلاتنا العراقية  وجميع الاكلات العربية والعالمية 
وتقدموا لنا وصفاتكم الخاصة حتى نتعلم منكم ذوقكم الخاص في الطبخهذا الموقع هو تكملة  لصفحتنا على الفيس بوك ومستمرين وياكم بتقديم كل ماهو مفيد ان شاء الله 
تحياتي لكم جميعاااااااا

الوصفات الشائعة

counter

Flag Counter

 

أشترك معنا عن طريق الايميل

X