Monday, 25 September 2017

التوست الخالي من الكلوتين





صباح الورد والياسمين عليكم احبتي
ارجع واتواصل وياكم بوصفة جديدة خالية من الكلوتين وهي التوست
يستفاد منها اللي عنده تحسس من مادة الكلوتين الموجودة بالطحين طبعا توجد انواع من الطحين حاليا متوفرة خالية من الكلوتين وممكن استعمالها ما اعرف وين متوفرة بغداد بس اكيد موجودة واذا ما لكيتوا هذا النوع من الطحين تكدرون تستخدمون هذه الطريقة
واهم شي اللي راح يستفاد منها همة اصحاب السكري لان بقية انواع الطحين الخالية من الكلوتين لا يعني انها خالية من الكاربوهيدرات لكن هذه الطريقة تكون جدا قليلة الكاربوهيدرات حيث القطعة الواحدة بيها ٢.٢٥ غم من بينما التوست العادي الاسمر يحوي على ٢٠ غم كاربوهيدرات وهذا فرق كبير لاصحاب السكري
طولتها عليكم واتمنى تنال رضاكم
المكونات
١و ١/٢ كوب طحين لوز
٦ بيض مفصول البياض عن الصفار
٤ ملاعق كبيرة زبدة مذابة
٣ ملاعق كوب بيكنك باودر
١ ملعقة كوب خل
رشة ملح
العمل
يخفق بياض البيض والخل حتى يتماسك ويصبح لونه ابيض ناصع
يخلط الصفار وبقية المواد مع بعض
يضاف ١/٣ من بياض البيض فوق خليط الصفار ويمزج بالملعقة
يضاف بقية البياض ويخلط بالملعقة
يصب بقالب يكون مغلف بورق خاص للافران او يمسح بالزيت ويوصع الخليط داخله ويدخل الفرن حرارته ١٨٠ م لمدة نصف ساعة والف عافية مفيد صحي ومشبع

شمس  


0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X