Saturday, 28 May 2016

الكبة الموصلية



وصفة من صديقتناKawthar Karim
الكبه الموصليه ..
بالبدايه اهنيكم بقرب حلول شهر رمضان المبارك ..جعله شهر خير وامان وبركه للجميع وخاصه بلدنا وحبيبنا العراق ..يارب يارب
حبايب اشكد جربت طرق بس هذي الطريقه الانجح وتطلع طريه موقويه بس اتبعوا الخطوات ..
المقادير كالاتي .....
مقادير متساويه من البرغل والجريش واذا ماتوفر الجريش سميد خشن ..بس الافضل الجريش لان هوه اساس الكبه الاصليه ..واللحم الهبره الخالي من الدهن او الشحم ...
هنا انه استخدمت 🌸🌸🌸
٤ كوب برغل ناعم
٤ كوب جريش او سميد خشن
٤ كوب لحم هبره خالي من الدهن
ملح /فلفل اسود
الحشوه ..
حوالي كيلو لحم مفروم
بصل مفروم ناعم جدا
سبع بهارات
ورقة غار
ملح
رشة فلفل اسود
كزبره مطحونه
ماء مثلج للعجن
الطريقه🌸🌸🌸🌸
١...نخلط البرغل مع الجريش ونرشه بالماء البارد ونقلبه جيدا ونتركه نصف ساعه ونرجع نقلبه يجوز نحتاج رشه ماء بارد يترك عشر دقاىق ونرجع نضيف اللحم ونعجنها بالفود بروسسر او ماكنة اللحم وكل شويه نضيف ماء مثلج الى ان نحصل على عجينه متماسكه ومبينه جاهزه للعمل ..وطبعا نضيف الملح والفلفل الاسود ..
الحشوه 🌸🌸🌸
بالقدر نضع قليل من الزيت ونضيف البصل ونقلب الى ان يذبل ونضيف الكزبره المطحونه اليابسه وبعدها اللحم المفروم والبهارات كلها والملح ونفلب بس يختلط البصل مع اللحم يعني يبقى اللحم احمر بعده مامستوي ورفعوه من النار ..
اتركوه يبرد واشتغلوه بيه ..بين كيسين نايلون نخلي عجينه ونفردها والحشوه نفرشها ونحكم اغلاقها ..وطبعا هذي الطريقه كلش مريحه والعجينه كذلك ..في طاوه خلو ماء وملح وورقة غار وخلو يفور ونزلو الكبه ومن تطفو رفعوها بصحن مسطح وفرشوا ورق زبده وتركوها تبرد وغلفوها وللفريز ..الف عافيه

Kawthar Karim

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X