Wednesday, 23 March 2016

كيكة الجلي




  • مساء الخيرات على الجميع طبعا دا اكلب بالصور وشفتلكم هذه الوصفة يمكن صالي سنة من مصورتها وناسيتها وكلت يستاهلون الحبايب انزلها الهم يستفادون منها يتباهون شوية كدام ازواجهم او ضيوفهم بهيج كيكة شكلها حلو وطعمها رۈۋعـِھّ
    كيكة الجلي
    مقادير الكيكة الاسفنجية ١ و ١/٢ كوب طحين ٢ ملعقة كوب بيكنك باودر رشة ملح ٥ بيض ١ و١/٤ كوب سكر ١ ملعقة كوب فانيلا برش برتقالة ٢ باكيت جلي
    اول الخطوات هو فتح الفرن على حرارة ٣٥٠ فهرنهايت او ١٨٠ مئوي ابدي اضيف البيض يكون بدرجة حرارة الغرفة والسكر والفانيلا بالخلاط واخلط على سرعة عالية لمدة ٢٠ دقيقة انخل الطحين والبيكنك باودر والملح واضيفه على خليط البيض والسكر بالتدريج واحركه باستعمال السباتيولا من تحت الى الاعلى بحركة دائرية الى ان يختفي الطحين ونحاول ما نطول بهذه الخطوة حتى لا نفقد الهواء المتكون من عملية خفق البيض احضر قالب الكيك بمسحه بالدهن ورشه بالطحين والتخلص من الزائد واضيف خليط الكيك بالقالب وادخله الفرن لمدة ٢٥ دقيقة بعد ان استوى الكبك اطلعه من الفرن احرك الجوانب بالسكين واطلعه من القالب واتركه يبرد واغسل القالب وانشفه واحضره للخطوة القادمة احضر باكيت واحد من الجلي حسب تعليمات الباكيت لكن اقلل كمية الماء اذا مكتوب ٢ كوب ماء اني اضيف ١ و ١/٢ كوب حتى يكون متماسك اكثر ويجمد اسرع واضيف الجلي بنفس قالب الكيك وادخله الثلاجة يجمد تماما اخر خطوة ارجع الكيكة الى القالب فوق الجلي بعد ان جمد واحضر الباكيت الثاني بنفس الطريقة اقلل من كمية الماء واضيفه على الكيك وارجع ادخله الثلاجة الى ان يجمد ويفضل ليلة كاملة بعدها يقلب القالب ويقدم بالف عافية اهم شي تبدون تحضروها من قبل بوقت لان تحتاج فترة بالثلاجة ولا تستعجلون عليها ابد لهذا نزلتها هسة حتى تحضروها لباجر وومكن تستعملون أے لون جلي او طعم تحبين
    ادمن شمس





















0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X