Thursday, 5 March 2015

تبسي الدجاج بصلصة الكاچب والطماطم


بنات هذي طريقة تبسي الدجاج بصلصة الكاچب والطماطم
اول شي نحضر الدجاج اني استعملت دجاجة وحدة انتو ممكن تستعملون بس افخاذ اذا تحبون او قطع من صدر الدجاج ماكو اشكال
المواد اللي نحتاجها:
كزبرة مجففة
فلفل اسود رشة صغيرة
كاري
بودرة ثوم او بودرة بصل حسب رغبتكم
بابريكا (فلفل حلو )
عصير ليمونة كبيرة الحجم او ليمونتين متوسطة الحجم
ملعقة اكل كچب
ملعقة اكل معجون طماطم
بصل مقطع الى دوائر او شرائح حسب ما تحبون
بطاطا مقطعة الى شرايح او مكعبات حسب الرغبة
كوبين ماء تقريبا حسب حجم التبسي او قالب الفرن
وطبعا ما ننسى الملح اني طريقتي أملح قطع الدجاج واملح البصل شوية والبطاطا شوية وأخلي ملعقة شاي ملح للماء اللي راح أضيفه للتبسي بهالحالة اضمن الملوحة تكون مضبوطة لا زايد ولا ناقص
نخلط الدجاج بخليط (البهارات المذكورة اعلاه /عصير الليمون /المعجون/الكچب) بإناء واكون فاتحة الفرن على درجة حرارة ٣٩٢ فهرنهايت ما يعادل (٢٠٠) درجة سيليزي
وحامي
اجيب البايركس اخلي بيه الدجاج بشكل متوازي حتى يستوي بطريقة متساوية وبينات الدجاج اخلي البطاطا حتى تمتص الطعم والنكهة والبصل عالوجه وأجيب مقدار كًوبين ماء اخلي عليه واغطيه بورق سيلوفان او فويل ويدخل الفرن لمدة ساعة ونص يكون استوى بالكامل ارفع الحرارة شوًية واشيل السيلوفان بس يتحمر الوجه اطفيه وراح تشوفون الصلصة صارت ثخينة ونكهتها روووعة
وألف عافية مقدما
زنوبيا







0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X