Wednesday, 14 January 2015

وردات المخلمة


وردات المخلمة
خوش اسم مو؟ 

هذي وصفة جدا سهلة تحتاج فقط تحضرون خلطة لحم مثروم ومعدنوس او كرفس وبصل مثل حشو الكبة تقريبا على جهة
وتحضرون بيض كم وحدة مو هواية ويتعمد على عدد الأكواب اللي راح تسووها او الوردات
تستعملون عجينة البف باستري اني اشتريتها مربعات جاهزة انتو تكدرون تقطعوها مربعات اذا عدكم حجم كبير
تحمون الفرن على ٤٥٠ درجة حضروا قالب مفن او قالب كب كيك تجيبون المربعات تدخلوها بمكانها وتضغطوها من الوسط وتخلون بنصها كمية من الحشو وشوية بيض مخفوق ممكن تكثرون من البيض اذا تحبون
تدهنون جوانب الوردات بالبيض المخفوق حتى يعطيه لمعة حلوة ذهبية وتدخلوها الفرن ما تطول ربع الى ثلث ساعة راح تشوفون العجينة نفشت وتغير لونها لانه عدكم خلطة اللحم مستوية اصلا
وبالعافية
الاطفال كلش حبوها ووجبة مغذية وسهلة

وهذا شكلها النهائي راح تطلع القاعدة مثل المربع والاطراف مثل الوردة جدا عجبت الاطفال
زنوبيا

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X