Friday, 2 January 2015

طريقة صنع الماجي بالبيت


طريقة صنع الماجي بالبيت


ماجي لحم ويمكن نسوية بنفس الطريقة بالدجاج

طبعا استعملت عظام اللحم

ومجمعتة من اسحب اللحم الغنم فخد او كتف

غسلته ووضعته على النار مع ماء واتركه الى ان ترتفع الزفرة ارفعها كلها واتركه 

على نار وسط لنصف ساعة



بعدها ضفت خضروات مشكلة عبارة عن 4جزر 2بصل 3 اعواد كرفس 6فصوص 

ثوم فلفل اخضر واللي يحب فلفل هلابينو الحار ورشة ملح وفلفل اسود وثوم بودرة 

واي 

نوع بهار تحبون وكركم وقطعة زنجبيل طازج

كزبرة اللي يحب طعمها بس مخليت اني اهنا


اهنا بعد اكثر من ساعة ماء اللحم بدى يتركز ويقل والخضروات استوت ارفع العظام اتركها شوية تبرد وهم يكون بالعظم شوية لحم اطلع اللحم اللي عالق بيه واضعه مع خضروات


وكله هرستة مثل ممبين بالصورة وهم نتذوق الطعم ونشوف شكد نحب نضيف كركم بهارات ثوم بودرة حسب ماتحبون


على جهة بملعقتين زيت زيتون على النار ضفت ملعقتين كبار طحين وخلطتهم سوى وبعدها ضفتها للخليط وضليت احرك بيه تقريبا ربع ساعة راح يثخن ويتماسك اكثر


اصبها بقوالب اي نوع قوالب الثلج او هاي قوالب السيليكون وادخلها الفريز تجمد وتتماسك



وهذة شكلها بعد ماجمدت


وصورة ثانية وطعمه طلع كلش طيب ومابية اي مواد حافظة اخليها بكيس كلها بالفريز ومن اريد استعمل اطلع قطعة
او اثنين


بالعافية


ام حمزة (ايمان


0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X