Wednesday, 18 November 2015

صمون


شنو رأيكم بصمون حار من الصبح وية ☕️☕️☕️
احلى شي من تفتحين الصفحة وتشوفين الطريقة كدامج اكيد يصير عندج واهس وراسا طبقيها والطريقة جدا سهلة 
٣ كوب طحين و١ ملعقة كبيرة كوب خميرة و١/٢ ملعقة كوب بيكنك باودر و١/٢ ملعقة كوب ملح كوب جبن عرب مبروش معدنوس يابس اكليل الجبل وبذور الكتان وهذه الكمية حسب الرغبة وملعقة كبيرة سكر واقل من ربع كوب زيت وكوب ماء دافئ كلهااخلطها مع بعضها واعجنها وتكون العجينة طرية متماسكة انركها تختمر بمكان دافي اني شسوي بالشتا افتح الفرن شوية يدفى واطفي من اخلص عجن يكون الفرن دافي اغلف العجينة وادخلها الفرن تحتمر بالفرن لان دافي وهذا يسرع عملية التخمير نصف ساعة كلش كافية اكورها كرات واصفطها بالصينية وانركها ١٠دقائق وابدي اضغط عليها واسطحها وارجع اغطيها واتركها ١٠دقائق ثانية تختمر وادخلها الفرن على حرارة ٤٠٠ ف اي ٢٠٠ م والف عافية 
اني ضفت على الوجه ايضا جبن وهذا حسب الرغبة وممكن تستبدلون الطحينالاسمر بدل الابيض وجبن الشيدر بدل جبن العرب ومليون عافية

     شمس


Sunday, 18 October 2015

كيكة الشوكلاته بالتوفي واللوز المكرمل


كيكة الشوكلاته بالتوفي واللوز المكرمل 

٢ و ١/٢ كوب طحين منخول 
١/٢ كوب كاكاو
٢ ملعقة كبيرة نسكافيه 
٢ ملعقة صغيرة بيكنك باودر 
١ كوب لبن 
١ م ص بيكاربونات الصوديوم 
٣ بيضات 
٢ كوب سكر 
١ كوب زيت 
فانيلا 
١/٣ كوب ماء مغلي 
يخفق البيض جيدا ثم تضاف الفانيلا والسكر ويخفق لحد ما تتكون عندي خليط ابيض 
اضيف نصف المواد الجافة واخلط واضيف البيكاربونات الصوديوم للبن واضيفه واضيف الزيت وبقية المواد الجافة واخلط 
احضر القالب بمسحه بالزبد ورشه بالكاكاو 
حتى تتكون عندي طبقة ملساء عند قلب الكيكة اخر خطوة اضيف الماء المغلي لخليط الكيك واخلطه بالملعقة قبل ادخال القالب للفرن  واديره بالقالب وادخله الفرن بدرجة ١٨٠ م او٣٥٠ ف يكون محمي سابقا اكبر غلط ندخل اي كيكة بفرن بارد 
خليط الكرميل باللوز 
١/٢ كوب سكر 
١/٢ كوب لوز
م ك ماء 
على النار الى ان يذوب ويتكرمل 
افرشه بالصينية واتركه يبرد واكسره قطع 

صوص التوفي 
١/٢ كوب سكر اتركه على النار الى ان يذوب بدون تحريك ويتحول لونه الى البرتقالي اضيف علبة قشطة واحرك واخر شي ضفت ملعقة صغيرة طعم الكرميل او يسمى بالعراق عطر الجكليت ادير الصوص فوق الكيكة وازينه بقطع اللوز المكرمل واقدم بالف عافية 
شمس


وصفة بسكت سهلة وحلوة

وصفة بسكت سهلة وحلوة 😉😉😉

كوكيز او ويفر الشوكلاته 
١ كوب طحين 
١/٢ كوب كاكاو
١/٤ ملعقة كوب بيكاربونات الصودا 
١/٤ ملعقة كوب ملح 
٦ ملاعق زبد 
ثلثين كوب سكر بني 
١/٤ كوب سكر ابيض 
بياض بيضة 
١ ملعقة كوب فانيلا 

اخلط الزبد والسكر حتى يتجانسوون واضيف بياض البيض والفانيلا واخلطهم واخر شي اضيف المواد الجافة واعجنها اسويها على شكل رول والفها بنايلون وادخلها الثلاجة قبل ليلة
 ثاني يوم اقطعها بالسكين بشكل اقراص واشويها بفرن محمي سابقا على ١٨٠ م او ٣٥٠ ف ١٥-٢٠ دقيقة اطلعها من الفرن واتركها تبرد ومراح تبقى دقائق لان الاطفال راح يسوون هجوووووم عليها هههههه بالف عافية وصفة سهلة وخفيفة وممكن تشاركين بنتك او ابنك بشغلها اكيد راح يحسوها اطيب من ايدهم 😀😀😀😀

             شمس 




الوصفات الشائعة

counter

Flag Counter