Friday, 12 December 2014

طرشي عراقي مشكل


طرشي عراقي مشكل:
المقادير:
٤ كوب خل تفاح او خل تمر اذا تحبون تخلون اكثر من نوع ماكو اشكال اني خليت ٣/٤ الكمية خل تفاح وربع خل البلسميك ما كان عندي خل تمر
٢ كوب ماء
٢/١ كوب عصير الليمون الحامض
كمية من الخضار حسب رغبتكم اني استعملت:
خيار حجم كبير عدد ٢
راس قرنابيط صغير عدد ٢
كيس جزر ناعم baby carrots
فصين او ثلاثة ثوم عجم
(جماعة امريكا موجود elephant garlic بوولمارت يشبه ثوم العجم)
٣ فصوص ثوم عادي مقطع الى قطعتين كل وحدة
عودين او ثلاثة من الكرفس الامريكي celery (صح بالشكل ما يشبه العراقي لكن ينطي نكهة راااائعة الطرشي وتحسون الطعم العراقي المضبوط)
ملعقتين طعام سكر حتى يكسر حموضة الخل
٢/١ ملعقة كوب ثوم مطحون باودر
ملعقة كوب كركم حتى ينطي اللون الأصفر وطعم طيب ايضا
٣-٤ ملاعق طعام كاري الطرشي وهذا يختلف عن الكاري اللي نستعمله بالطبخ اما تاخذوه من المحل العراقي تكولوله نريد كاري الطرشي او بهارات الطرشي او تصنعون خليط مكون من كركم،فلفل اسود،ذرة قرفة او دارسين، كبابة وكمون
٤/١ كوب زيت الزيتون
وأخيرا ٢/١ كوب ملح عادي اني ما استعملت الملح الخشن ما كان عندي استعملت ملح عادي باليود
ملاحظة:
بالنسبة للخضروات انتو اذا تحبون ممكن تخلون:
لهانة
فلفل اخضر او ملون
زيتون
شلغم مقشر ومقطع
الطريقة :
نضع كمية الخل والماء والملح في قدر على نار متوسطة حتى يبدأ بالغليان
في هذه الأثناء نحضر الخضروات ونقطعها الى مكعبات او قطع صغيرة متساوية الحجم تقريبا ونضع الكمية كلها في طاسة او إناء عميق وعريض ونضيفلهم الثوم المطحون والسكر والملح والكركم والكاري (او البهارات) وزيت الزيتون ونلبس كفوف حتى لا تنصبغ الايد باللون الأصفر ونخلطهم مع البهارات بشكل جيد
بهالاثناء يكون خليط الخل والماء والحامض بدا بالغليان نرفعه من النار
نحضر إناء زجاجي او اكثر من واحد حسب ما متوفر عدكم ويكون بيه غطاء محكم أعبي الخضروات بالاناء ثم اضيف خليط الخل للخضروات الى مستوى بحيث يغطيها وممكن استعمل شي ثقل اكبس بيه الخضروات وهي بداخل البرطمان
يترك خارج الثلاجة لمدة ٥ الى ٧ ايام حسب حرارة المكان وأراقب لون الخضروات يتغير وممكن اتذوق منه حتى أتأكد انه صار جاهز
زنوبيا

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X