Tuesday, 29 July 2014

اقراص التمر والجوز

اقراص التمر والجوز

المقادير

4ونص كوب طحين
كوب زبدة
ملعقة كبيرة خميرة
رشة ملح
ملعقة صغيرة سكر
2ملعقة كبيرة لبن
ملعقة كبيرة دهن حر  اختياري
ملعقة كوب هيل
حليب للعجن تقريبا ثلاثة ارباع الكوب حسب الحاجة ممكن اكثر او اقل
الحشوة
تمر وجوز وهيل وزبدة
العمل
اول خطوة اضع الطحين مع رشة الملح والهيل واخلطهم واني احب نكهة الهيل اضيف بالبداية وبالاخير قبل مااضيف الحليب هم اضيف
اضيف الزبدة وتكون بدرجة حرارة الغرفة مااسخن الزبدة اتركها بدرجة حرارة الغرفة وهي تذوب
اضيف الزبدة ودهن الحر واخلط الى ان كل الطحين يختلط مع الزبدة
اضيف الخميرة والسكر بالوسط وفوقهم قليل من الحليب واتركها خمس دقائق ترتفع الخميرة
بعدها اضيف اللبن ويكون بدرجة حرارة الغرفة وابدي اضيف الحليب واعجن
عجينة الكليجة متحتاج عجن زيادة بس المواد تندمج مع بعضها وتكون عجينة طرية وملساء
اغطيها واتركها تتخمر لساعة
احضر الحشوة
احمس التمر بالزبدة مع التحريك الى ان يصير التمر لين
اضيف الهيل واضيف الجوز المقطع وارفعه من النار اتركه يبرد
ابدي اقطع العجين الى اقراص وافتح كل قرص اضع بيه الحشوة واسدها وبعدها افتحه بالشوبك بشكل دائري واصفه بالصينية وبواسطة شوكة او سكين اعمل اشكال على الوجة
امسح الوجة بصفار البيض مخلوط بالنسكافية
واسخن الفرن واشوي الاقراص تقريبا 10دقائق او اقل واحمر الوجة وتكون جاهزة
اطيب كليجة مع الشاي وبالعافية
ايمان(ام حمزة









0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X