Friday, 25 April 2014

طريقة عمل اللبن البيتي





طريقة عمل اللبن البيتي 
حليب كامل الدسم،2%  ،1% ،خالي الدسم براحتكم اني اكثر شي اسوي خالي الدسم وبنفس الطريقة 
بالصور استخدمت حليب ٢٪ 
كالون حليب ( ٤ لتر) ولبن جاهز ( اسميها خثرة ) تقريبا ١/٢ كاسة متوسطة وطبعا الكمية انتي تحددين تكدرين تقللين الحليب  وبالمقابل تقللين كمية الخثرة 
اضع الحليب بجدر على النار الى ان يبدي يريد يفور اطفي واتركه الى ان يبرد قليلا 
شوكت اضيف الخثرة من ادخل اصبعي بالحليب لا يكون بارد ولا حار جدا احس بالحرارة لكن مو الى درجة اسحب اصبعي من الحرارة اضيف الخثرة واغطي بكيس نايلون والقبغ وخاولي فوقه واتركه بمكان دافي لثاني يوم ( بما انه الجو صيف اذا سويتي الصبح لليل يكون جاهز والعكس صحيح ) 
ثاني يوم من صار جاهز اتخلص من الخاولي والنايلون واقبغه واحفظه بالثلاجة يوم كامل ايضا راح يتماسك ويصير ثخين 
اذا استعملتي بنفس اليوم يكثر المي بيه ويصير خفيف 
كلما يكون الحليب دسم كلما يكون اثخن وكلما الخثرة حامضة يكون اللبن حامض
ويارب اكون فدتكم 

                  شمس  















No comments:

Post a Comment

الوصفات الشائعة

counter

Flag Counter