Thursday, 13 March 2014

جرك بالجبن

جرك بالجبن

المقادير

6كوب طحين

 نصف ملعقه كوب سكر

ملعقة ونصف كبيرة خميرة فورية

كوب لبن  زبادي
كوب ونصف جبن فيتا
2بيض منها نطلع صفار واحد نمسح بيه الوجه
ملح
كوب ونصف تقريبا ماء دافى
3/4 كوب زيت
رشة بسيطة محسن الخبز او نصف ملعقة كوب بيكنك باودر
الحشوة
جبن قشقوان وبقدونس
العمل
استعملت اكواب القياس
اول خطوة اخلط الطحين مع الخميرة والسكر والملح والمحسن كلها سوية اخلطها بالعجانة
ضفت الجبن واللبن وطبعا يكون بدرجة حرارة الغرفة ويخلط
اضيف البيض  والزيت ويخلط وابدي اضيف الماء بالتدريج مع العجن ممكن نحتاج اقل من الكمية او اكثر بقليل حسب حاجة العجين
العجينة تكون طرية ومتماسكة
اعجنها زين وبعدها وضعتها بااناء ودهنت الوجة بالزيت وغطيت الاناء كامل بنايلون التغليف وضعتها بمكان دافى تقريبا ساعة الى ان تختمر ويرتفع العجين
بعد متختمر العجينة اقسمها قسم حشيته بالجبن والبقدونس وقسم شكلته بيدي بدون حشوة وفقط وضعت جبن على الوجة او سمسم
الشكل الاول افتح القرص وافرش الجبن والبقدونس والف من الجانبين
وبالاخير اطبق الجانبين سوية مثل ممبين بالصور
واتركها بالصينية على ورق زبدة ترتاح نصف ساعة او اقل
الاشكال الثانية ابرم العجينة اثنين والفهم سوية وبعدها اشكلها والمها مثل ممبين بالصورة10
وقسم من الاشكال سويتها ضفيرة  والفها على نفسها اتركها ترتاح
وبعدها امسح الجرك بصفار البيض المخلوط بالقليل من النسكافية
ادخلها لفرن بحرارة 180  تقريبا الشكل الاول عشر دقائق واحمر الوجة
والثاني يحتاج اكثر 15 دقيقة واحمر الوجة وطبعا راقبوها  لان حرارة الفرن تختلف من واحد للثاني
بعدها اغطي الجرك ورى ميطلع من الفرن ويقدم مع الشاي بالف عافية طعم لذيذ جدااا
ايمان(ام حمزة






No comments:

Post a Comment

الوصفات الشائعة

counter

Flag Counter