Friday, 7 February 2014

قوزي لحم


مشاركة من الشيف

Ali Adnan

قوزي لحم
نسلق قطع اللحم وبعد ان نشيل الزفره نضيف ورقتين غار وقطعتين جزر وبصله صغيره مقشره وبدون تقطيع و6 حبات هيل و6 حبات كبش قرنفل وعود دارسين وملح ونخليه على نار 
هادئه حد اﻻستواء
وبعدهه نجيب الرز المغسول والمنقوع 10 دقائق نصفيه من الماء نجيب جدر ونضيف الزيت ونقلي شويه شعريه وبعد ان تحمر الشعريه نضيف الرز ونقلبه بالزيت ونضيفله رشه كمون ورشه دارسين و2 قطعه ماجي ورشه كاري ورشه كركم وشويه نومي بصره مطحون ونقلب على مهل على نار هادئه وبعدهه ناخذ من مي اللحم مي مصفى ونضيفه على الرز فوق مستوى الرز باصبع وبعد ان ينشف الماء نهدره طبيعي وبعدهه نسلق 4 بيضات ومن تستوي نقشرهه ونخليهه بماء بارد بيه ملعقة كركم ونتركه ربع ساعه لحد ماياخذ البيض اللون اﻻصفر وبعدهه نقليه لحد مايحمر بعدهه نطلع اللحم من المي ونخليه بتبسي ونرش عليه شويه فلفل اسود وملح وندهن اللحم بالزبد او زيت الزيتون ونخلي بالجعب شويه مي لحم وندخله للفرن ونشعل الفوك الى ان ياخذ اللون البرونزي نصب الرز بالبلم ونضيف فوكاه شويه لوز وكشمش مقلي ونصفط اللحم والبيض يتقطع انصاف ويتصفط على الداير وقبل التقديم رشة معدنوس او كزبره مفروم ناعم على الوجه والف عافية

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X