Sunday, 16 February 2014

كيكة بالكرانبري


كيكة بالكرانبري
اول صورة هي صورة الكرانبري

الكيكة الكرانبري عبارة عن خطوتين 

اول خطوة احضر القالب والكراميل والكرانبري 
والخطوة الثانية ابدي اسوي الكيكة 
وهذه اول صورة للخطوة الاولى هي عمل الكراميل بوضع الزبد والسكر البني على النار والمقدار راح تتعرفون عليه بالمقادير 
اكيد راح تسألون نكدر نستخدم السكر العادي 
الجواب يصير لكن السكر البني ينطي طعم مميز للكرميل وبالتالي للكيكة 
الكرانبري يكون حامض فمزيج الكراميل والكرانبري حامض حلو وجدا طيب مع الكيك وان شاء الله جربوها وتتعجبون على طعمها المميز




ذوبت الزبد والسكر البني على النار واتاكد ان السكر ذاب وبدا يثخن واطفي النار



احضر القالب امسح الجوانب بالزبد فقط واصب الكراميل



وابدي ارتب الكرانبري فوق الكراميل بحيث اغطي كل القالب حتى من نقلب الكيكة تكون شي مرتب وحلو

صورة 7مقادير الكيكة
 طريقة عمل الكيكة 

بالمقادير مكتوب الفنيلا والبيكنك باودر فقط ملعقة قياسية واقصد بيها ملعقة صغيرة قياسية فقط للتوضيح



اول خطوة كلكم تعرفوها وتعلمناها بالمقادير نشوف الزبد والسكر والبيض 
فاول خطوة هي خلط السكر والزبد لحد ميصير عندي خليط كريمي



بعدها ضفت صفار بيضتين واني ذكرت بالمقادير يفصل البيض واخلط



نسيت اذكر اضيف الفانيلا مع البيض 
ابدي اضيف الطحين والحليب وطبعا واكيد لازم تنخلون الطحين والبيكنك باودر والملح اول وبعدين اضيفه واخلط الى ان يختفي



بكاسة ثانية اخفق بياض البيض وكريم الترتار ممكن الاستغناء عنه او استبداله بملعقة كبيرة خل او ليمون حامض واخفق الى ان يتكون عندي مثل الكريمة ناصعة البياض



ابدي اضيف البياض المخفوق فوق الخليط السابق واستعمل السباتيولا بعملية التقليب



وصبيت خليط الكيك فوق الكرانبري ودخلته الفرن بدرجة ٣٥٠ او ١٧٠ سيليزي الى ان تستوي وممكن اختبارها بعود او شوكة للتاكد من استواها



ومن طلعت من الفرن حركت الجوانب بالسكين حتى اتاكد مملتصقة واتركها فد ١٠ دقائق واقلبها والف عافية 
وطبعا الكيكة وحدها اذا جربوها هم روعة وخاصة الميحب بيها بيض هواية 
شمس


No comments:

Post a Comment

الوصفات الشائعة

counter

Flag Counter