Wednesday, 5 February 2014

كريمة الزبدة السويسرية


 كريمة الزبدة السويسرية 
اول صورة مقادير الكريمة
العمل

اول خطوة صورة 2 احضر قدر ( جدر) بيه ماء على النار حتى يغلي
اخلط البياض والسكر العادي  صورة 3بالمضرب اليدوي 

ملاحظة 
جماعة امريكا البياض البيض موجود بالاسواق جاهز في حالة حبيتوا تستعملوا ٤ بيضات بيض متوسطة تساوي ١/٢ كوب



هسة صورة 4 اشيل الخليط واخلي فوق قدر الماء المغلي واحرك ما اتركه حتى لا يجمد البياض واضل احرك الى ان اشوف المزيج يصير لونه ابيض والسكر ذاب تماما تابعوني بالخطوة التالية 
ملاحظة 
الكاسة او الاناء الخلطت بيه السكر والبياض من احطه فوق القدر يكون قاعدة الكاسة ما تلامس الماء لان احتاج فقط البخار لعملية اذابة السكر بالبياض 
فاذا لا حظتوا اني الجدر ما ترسته تقريبا الربع كافي

هذا شكله  صورة 5واتلمسه بايدي واتحسس السكر اذا حسيته موجود استمر بالخلط الى ان يذوب واذا شفته مندمج مع البياض خلص اشيله وابدي المرحلة القادمة


هسة صورة 6 بعد ان تحسست السكر وتأكدت ذاب بالبياض اشيلة هو وحار وكبل على الخلاط واخلطه بسرعة عالية الى ان يبرد واتحسس الخلاط بايدي اشوفه بارددددددد وتاخذ وقت طويل قد يوصل لل ٣٠ دقيقة

وهذا شكل الخليط صورة 7 بعد خلطته وهو وحار الى ان برد وتكونت عندي نوع من انواع الكريمة عادة تستعمل لتغليف كيكات الاعراس  وممكن ان تستعمل فوق الباي كزينة ايضا وقوامها يكون قريب من قوام المارشميلو من يذوب بالمايكروويف او حمام مائي


اذا لاحظتوا بالخطوات السابقة استعملت المضرب الشبكي هسة صورة 8 راح تجي مرحلة اضافة الزبدة فغيرت المضرب الى مضرب الخلط لان ما اريد ادخل هواء للكريمة فقط اخلط الزبدة بالخليط السابق يعني عملية دمج المكونات 



ابدي اخلط واضيف الزبد صورة 9
طبعا الزبد اني قطعته قطع يعني تقريبا كل قطعة تساوي ملعقة كبيرة وتكون بدرجة حرارة الغرفة يعني مو اتركها الى تذوب كلش وابدي اضيف قطعة واخلط الى تختفي اضيف القطعة الثانية وهكذا الى اخلص كل كمية الزبد واضيف الفانيلا ملعقة او ٢ صغيرة قياسية تساوي ملعقة او ملعقتين كوب واخلط 
ممكن الاستغناء عن الفانيلا واضيف اي نكهة او طعم موجودة بالاسواق العديد من النكهات نكهة اللوز او الليمون او الفراولة او غيرها براحتكم

بعد ان ضفت الزبد صورة 10 راح تمر الكريمة ب ٣ مراحل 

المرحلة الاولى راح تصبح سائلة وتصورون ان الكريمة خربت لا عادي استمر بالخلط 
المرحلة الثانية راح تتكتل وهم مخربت استمر بالخلط 
المرحلة الثالثة هي الكريمة اصبحت جاهزة ثخينة متماسكة ناعمة 
سرعة الخلاط تكون على المتوسط 
مرحلة الخلط تاخذ وقت لا تستعجلون



هذه المرحلة الاخيرة  صورة 11للكريمة تصير ثخينة وناعمة ومتماسكة



هنا شكل الكريمة اوضح 
هسة بعد ان خلصنا بدي نلون نقسم الكريمة حسب الالوان التحتاجوها وتضيفون اللون وتخلطون زين حتى تندمج الالوان
ممكن حفظها بالثلاجة اهم شي نغطيها زين حتى لا يبيس وجهها 
يفضل وضعها بالثلاجة فترة ثم نشتغل بيها وقبل ما نشتغل بيها نطلعها قبل فترة 
هذه الكريمة كلش حلوة لعمل الورد والزينة وتشوفون لمعتها شلون مطية جمالية للكيك

شمس



0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X