Saturday, 15 February 2014

مجموعة مقبلات


مجموعة مقبلات مقدمة من صديقتنا

Reem Alani

بياز الحمص**بيتنجانيه**سلطه اليونانيه**سلطه المعكرونه بالفطر

السلطه اليونانيه تاخذون من الاسواق الخضره اللي تصير فروزن اللي متكونه من بتيته وبزاليا وجزر وتسلقوها سلقه بسيطه بس شويه تلين المكونات حته وتعوفوها تبرد وتضيفون وراها مايونيز تقريبا 3ملاعق اكل حسب الكميه طبعا...


.سلطه المعكرونه هي تجيبون جدر تملوه مي للنص وتحطون خاشوكه اكل زبد ومن يفور تديرون المعكرونه لحد ما تنسلق وتصفوها .وتجيبون فطر فريش او معلبات بكيفكم اني احب الفريش اكثر وتحمسوه شويه وتضيفوله شويه دبس الرمان وتكدرون متضيفوه بكيفكم وبعدين تديروه فوك المعكرونه وتسوون عله صفح صلصله مكونه من خاشوكين اكل لبن وخاشوكه اكل خردل وخاشوكه اكل مايونيز وشويه ملح وخل وتضيفوها فوك 

الخليط ......وبالعافيه ^__^

بياز الحمص مكوناتها تثرمون باقه معدنوس وبصله متوسطه الحجم وياها كوبين حمص مسلوق تخبطوها سوه وتضيفون ملح وحامض وفلفل اسود ......

.البيتنجانيه مكوناتها بيتنجان يتقطع مكعبات ويتقلى وينشف بورق التنشيف حته تتخلصون من الدهن وتثرمون بصل وفلفل اخضر وتحمسوه حمسهبسيطه بس حته تلين وتضيفولها طماطه اخر شي للبصل والفلفل وبعدين تديروه كله فوق البيتنجان اكو يضيفون خيار هم بس اني ماحب الخيار وياهم وتتبلوها بملح وشويه فلفل اسود وشويه كمون وخاشوكتين اكل تقريبا كجب

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X