Thursday, 6 February 2014

الكسكس المغربي

مشاركة من صديقتنا
Mariam Antwan
الكسكس المغربي
نحتاج الى كسكس يصير مثل السميد



نحتاج الى كيلو لحم يكون مسلوك ومحطوط على جنب
وخضروات من 4 الى 5 جزرات
2 بصل متوسط
كيلو قرع الشجر الاحمر
اذا تحبون تخلون شجر عادي خلو
بتيته تقريبا 5 حبات الى 6 ناعمة 
تنظف الخضروات وتترك جانب على فكرة القرع الاحمر مهم وظروري بالكسكس والا بلاه متسوى الطبخة



نحتاج الى بهارات خاصة عبارة عن 
ملعقة كوب مليانة كركم
ملعقم كوب دارسين القرفة
ملعقة كوب فلفل اسود
ملعقة كوب زنجبيل وملح حسب الطعم والذوق تترك جانب

جدر خاص بالكسكس الفوك بيه ثقوب للتبخير ونطبخ بيه الكسكس والجوا نخلي بيه الخضروات واللحم


نبدي اول شي بالجدر الجوا نخلي بيه بصل اني قطعت راس مكعبات صغار والثاني اجنحة كبار وشوحتهم على الطباخ وضفتلهم البهارات واللحم وحمست سوية
سويت الجزر شرائح عريضة وضفتهم للبصل واللحم
اخذت كوب من ماء اللحم وضفته للجزر واللحم والبصل وتركتهم تقريبا نص ساعة وبعدين يله ضفت البتيته والقرع اخر شي تضيفوه لان يستوي بسرعة
بين مانترك الجزر نجي على الكسكس اني خليت نص الكيس 500 غرام لاربعة اشخاص هل كمية واخلي عليها نص كوب ماي وتقريبا ملعقتين كبار زبد وملعقتين كبار زيت وافرك بيدي وارش ملح واخليه على الجدر الفوك يستوي على البخار
بعد نص ساعة تضيفون خصلة من المعدنوس او الكرفس


هشكل يصير شكل الجدر وبعد النص ساعة من وقت الكسكس اجي اصبه بصينيه او تبسي او نجانة كبير وافركة بيدي واذا شفته بعده ناشف ارش عليه شوية ماي دافي واخلي ملعقة اضافية زبد حسب ماتحبون


ورا ماشفت الجزر بدا يستوي هو والبتيته ضفت اخر شي القرع وتسووه قطع كبيرة كلش حتى تحسون بلذته واتركوه نص ساعة اضافية وتضيفون ماي لحم فد كوبين الى ثلاثة وتركوه وترقبو الكسكس بهل اثناء


النتيجة يخبل تفضلو


0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X