Tuesday, 11 February 2014

بطاطا وباذنجان مشرح ومحشي لحم مفروم


مشاركة من الشيف

Ali Adnan 
بطاطا وباذنجان مشرح ومحشي لحم مفروم مع رز ابيض بطاطا عدد2 باذنجان عدد2 تقشر ونشرحهه بالعرض بحيث مانقطع بالكامل ونرشهه شويه ملح ونخليهه على صفحه 
نجيب ربع كيلو لحم مفروم ونضيف عليه بصله صغيره مفرومه ونضيف شويه كزبره مفرومه ورشة ملح وفلفل اسود ونعجن اللحم ونتركه شويه ..
هسه نجيب تبسي ونخليه على النار ونقلي بيه بصله مفرومه شرايح وفليفله حلوه شرايح وفصين ثوم وطماطه عدد 1 مفروم ونقليهم جيد ونضيف ملعقة طعام كبيره معجون ورشة فلفل اسود ورشة نومي بصره وملعقتين دبس رمان ونضيف عليه 3 كاسات مي ونخليه على نار هادئه ....
هسه نجيب البطاطا والباذنجان ونحشي الفراغات باللحم اللي سوينا ونزل البطاطا والباذنجان بالتبسي بحيث تبقه الاماكن اللي حشيناها ليفوق ونطفي الطباخ وندخله للفرن 40 دقيه ونسوي رز ابيض عادي ويتقدم سويه والف عافية

No comments:

Post a Comment

الوصفات الشائعة

counter

Flag Counter