Sunday, 2 February 2014

رول البيض


رول البيض طريقة حلوة وجديدة واكيد اطفالكم راح يحبوها



مكونات رول البيض 
٤ بيضات مخفوقة ، شوية جزر مبروش ناعم ، شوية بصل مفروم ناعم ، شوية خضرة مفرومة ناعم ( انتوا تتحكمون بالكمية ) و١/٢ استكان حليب ورشة ملح وفلفل اسود
اخلطها جميعا مع بعضها واستعمل المغرفة ( جمجة) بعمل الرول



اول شي اضع المقلاة ( الطاوة ) على النار متوسطة الحرارة وامسحها بواسطة الفرشة بالزبد او الزيت وابدي براسطة المغرفة ( الجمجة ) اضع اول كمية من البيض واحرك المقلاة حتى افرشها على حجم المقلاة



اول ما تبدي تجمد من جوة احاول احرك الجوانب وافصلها عن المقلاة ( الطاوة) وابدي الفها من جانب مثل السويسرول بس مو كلها اترك ربعها واسحبها على جهتي حتى افرغ جزء من الطاوة مثل بالصورة



وابدي اخذ بالمغرفة ( الجمجة) كمية اخرى من البيض لكن اقل من اول مرة لان مراح املي كل الطاوة لان تقريبا نصفها وبنفس الطريقة اتركها تجمد واحرك الجوانب واكمل لف واسحبها على جهة وحدة طبعا ما الفها كلها اترك ربعها مثل اول مرة حتى اربطها مع الكمية الاخرى اللي راح اضيفها وارجع اكمل بقية البيض واستمر بهذه الحالة الى ان تخلص كل كمية البيض العندي وكلها تكون بدرجة حرارة متوسطة

كملت كل كمية البيض وشلتها من الطاوة


قطعتها وقدمتها بهل الطريقة والف عافية مقدما .... شمس



0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X