Saturday, 4 January 2014

معكرونة بالدجاج والاجبان

معكرونة بالدجاج والاجبان
مشاركة من صديقتنا تغريد حسن
نحتاج مجموعه من الاجبان...اني استعملت موتزريلا وشيدر وبارميزان وجبن شرائح وجبن كاسات وفيلادلفيا ........طبعا حسب المتوفر عدكم ومن كميه شويه....بالاضافه الى علبتين 200 مل كريمه طبخ ومعكرونه شرائط...وهاي تشكيلة الاجبان الي استعملتها

اول شي نسلق المعكرونه بماء وملح وشويه زيت زيتون.....ومن تخلص نصفيها ونخضها بماء بارد ونحطها عله صفحه
في طاوه عميقه وكبيره حمست سنين ثوم مع الدجاج المسلوق جنت محضرته بس شويه ياخذ طعم الثوم مع رشة ملح وفلفل اسود
بعد ان اخذ الدجاج تحميره خفيفه مع الثوم ضفت الكريمه مع نص كوب ماء واتركها الى ان تغلي
بعدها ضفت خليط الاجبان الي عندي كلها مره وحده مع التحريك الى ان تذوب الاجبان

 قوام الصلصه وره مذابت الاجبان بيها يصير ثخين

هسه نضيف المعكرونه الملسوقه عل الخليط ونحركهم زين حته تمتزج المكونات ونتركهم تقريبا 3 او 4 دقايق عله متتشرب المعكرونه صلصه الاجبان وترجع حاره
وهاي اخر صوره للطبق .........قدمتها مع رشة معدنوس مفروم لان طعمه كلش طيب ويه الاجبان ........ومليون عافيه



0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X