Saturday, 18 January 2014

معجنات

مشاركة من الصديقة ام محمد
مساء الانوار على الكل اليوم سويت معجنات سميتها معجناتي الطيبة على اسم اكلاتنا الطيبة ولان هيا كلش طيبه


مقاديرها سويتها هوايه لان نطيت منها للحبايب اتكدرون اتسون نص المقادير كيلو طحين 200 غرام زبد لينه 2كوب حليب دافي 4ملاعق سكر املعقه بيكن باودر 1ملعقه خميره رشه ملح طريقه العمل نخلط المواد الجافه سوه ونضيف نص كميه الزبده وكوبين الحليب ونبدي نعجن حتى تكون عجينه متماسكه نضيف الزبد المتبقي على العجينه ونتركها تختمر ساعه

للحشو نحتاج كوب جوز وكوب لوز نطحنهم ناعم

للحشو5ملاعق سكر و1ملعقه دارسين 1ملعقه زبد و1ملعقه ماءورد


هذا  الحشو بعد مطحنت الجوز واللوز وضفت السكر والدارسين والزبد وماء الورد


بعد ساعه من اختمرت العجينه هم رجعت عجنتها بنص الزبده الي بقيتها فوق العجينه وهذا الشى الي يخليها هشه طبعأ انتم اشلون ميعجبكم اتشكلوهم اني قسم حشيتها وقسم بقيتها مثل بلا حشوه


ندهن الوجه بالبيض والحليب حتى يصير يلمع وتشوى




0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X