Thursday, 30 January 2014

كب كيك على شكل فستان







كب كيك على شكل فستان
طريقة عمل الكب كيك بهذا الرابط


اهنا استعملت مغرفة الايس كريم صبيت بيها العجين بااوراق الكب كيك حتى احصل على كب كيك متساوي
خبزت 32 قطعه 
للفستان نحتاج 28 قطعه بس سويت زيادة احتياط
بعد مخبزت الكب كيك وطبعا تركته يبرد وغلفته بكيس نايلون التغليف وبالثلاجة الى ثاني يوم زينته
طريقة عمل كريمة الزبدة تغطي هذا المقدار وتبقى منه كمية قليلة
مقادير
كوب كرسكو(دهن نباتي
نصف كوب زبدة
5كوب سكر بودرة
فانيلا
3ملاعق تقريبا حليب سائل اوكريمة سائلة
العمل
اول خطوة نخلط الزبدة والكرسكو سوية ونضعهم بالعجانة ونخفقهم وحدهم لمدة خمس دقائق
طبعا الاثنين بدرجة حرارة الغرفة
انخل سكر البودرة على جهة وابدي اضيف مع الخفق من اشوف الكمية الى ضفتها اختفت بالخفق اضيف بعدها 
اضيف الحليب او الكريمة والفانيلا واخفق طبعا اذا شفت كريمة ثخينة اخففها بالقليل من الحليب والعكس اذا شفتها خفيفة اضيف سكر
اظل اخفق بيها تقريبا 10 دقائق الى ان يتضاعف حجمها وتصير الكريمة هشة  ومتماسكة
ومبين شكلها بالصور
اضيف اللون الى اريده للكريمة وارجع اخفقها
الالوان الي استعملها هي الجل
بعد الخفق اترك الكريمة بالثلاجة ترتاح لعشر دقائق وابدي بعدها اشكل الورد
استعملت هذا القمع لتشكيل الورد وجدا سهل
فقط بوسط الكب كيك اضغط بالكريمة والفها واشكلها اما من فوق والكب كيك موضوع على المنضدة او ارفعه بيد واشكل بالايد الثانية الى ان اوصل لنهاية الكب كيك فرة اواثنين تتشكل الوردة ارجع ادخل الكب كيك للثلاجة
عند التشكيل
راح اول سرة يكون 6قطع كب كيك والثاني 5والثالث4والرابع 3 والخامس والسادس  والسابع اثنين
وبعدها من الجهنين اثنين ومبين بالصورة
طبعا اضع الكب كيك وحدها بجنب الثانية بس هم راح يبقى فراغات بينهم امليها بنفس القمع اشكل واملى الفراغات
وتكون كيكتنا جاهزة 
بسيطة لأعيادميلاد بنوتات وراح يفرحون بيها جداا
ايمان(ام حمزة











0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X