Wednesday, 15 January 2014

موس الفراولة القليل الدسم


موس الفراولة القليل الدسم

من صديقتنا مريم انطوان


مساء الخير قبل كم يوم بليل اشتهيت حلويات وشي مايكون بيه سكر زيادة ويسمني اخترعت من يمي موس الفراولة كلت
 خلي اجرب اذا طلع طيب راح ارويكم الخطوات والصور وطلع يخبل روعة الخطوات هسة انزلها



اول شي نسوي كومبوت فراولة نترك الفراولة وقطرات من الماء وخليت ملعقتين بس سكر وتركتهم على الطباخ 10 دقايق بس



نحظر ورقتين جلاتين ولبن دتشوفون الدسم صفر يعني مابيه اي سعرات حرارية
وطريقة الجلاتين
الي بالصورة اول شي نكعي الجلاتين بماي كلش بارد شبه مثلج من تشوفيه تعقج ذبي الماي وخلي مباشرة عليه ماي حار راح تشوفيه يلم نفسه يصير قطعة وحدة اخذيها وخلي فوكها ماي حار ويستعمل



هشكل صار الكومبوت وهو دافي ذوبت بيه الجلاتين طبعا حسب التعليمات الي موجودة بالجلاتين من نوع الى نوع تختلف طرق الاستخدام



بخلاط العصير خليت ملعقتين اكل لبن والفراولة بالجلاتين ونص موزة بس وخللطتهم زين

ارتب كيوي بالكاسة



عبيت الخليط وهذا شكله
دخلته الثلاجة بعد ساعتين صار متماسك مصل الموس كلش طيب





0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X