Tuesday, 14 January 2014

صمون الالوان

خبز الالوان

مقادير الصمون:- 3 كوب طحين - 100 غ زبد مارجرين بياض بيضتين- 2 ملعقة اكل زبادي - م اكل خمره- م كوب بيكنج باودر- م اكل سكر - م اكل ملح - نصف كوب ماء دافيء- مع كووووووب طحين ينحط بجانب ست البيت او العجانه لان راح نحتاجه 
هنا خلطت الزبد مع الملح والطحين فرتين مو اكثر الى ان يتجانس مع الطحين ....

هنا ضفت بياض البيض وشغلت المكينه فره وحده ...
هنا ضفت الخمره بعد ما خمرت بالماء وضفت الزبادي او الخاثر او مادري شسموه ههههه على ذوقكم وتشغلون الخلاط مع نصف كوب ماء دافيء بجانبكم حتى تضيفون على العجينه وموشرط يخلص كل كوب الماء ضيفو شويه شويه حبايب......
هنا شكلها العجينه قبل مانضيفلها المطيبات والالوان راح نقسمها ثلات اقسام متساويه والصوره تتبع .....
(ملاحظه العجينه اذا لزكت بالايد هاي عادي من راح تختمر وترتاح راح تلم نفسها )
هنا حطيت اللون الاخضر مع الشبت الناشف وخلطتها العجينه ....


هنا خلطت صبغ اللوزينه مع الجزر بس ملاحظه مهمه من راح تشغلون المكينه العجينه راح تصير رخوه لان الجزر يذب مي فيحتاج اكثر من ملعقة طحين ممكن توصل الى 3 ملاعق الى ان تشد العجينه من جديد ....




هنا حطيت اللون الاحمر مع الزرشك الايراني وملعقة اكل طحين لتنسون ,,,,

وهذا شكلهم بعد ماخلطت كل وحده بنكها شكل وغطيتهم وتركتهم يتخمرون لمدة نص ساعه .....
هنا تقطعون الثلاث الوان من العجينه كل لون 6 قطع بهل الشكل .....

هنا بالفرشاه تشيلون الطحين من العجينه وتدهنون من النص بس زيت حتى تلسق وحده فوق الثانيه ....




وبالشيبك تفتحوها اصطواني الشكل بس مو كلش خفيفه شويه بس تفتحوها....


وتبرم وتقفل من النهايه بحيث تخفون الالوان الثانيه تبين كانو لون واحدولازم تشتغلون بترتيب حتى اكلكم يطلع مثل المطاعم مرتب......

هذا شكل الصمون الباكيت بهل الشكل ......

هنا الشكل واضح اعتقد دوائر بيضويه بالتدريج ومتنسون تدهون بالزيت حتا لتلزك ومتنفصل وحده عن الخ بالخبز ....وبعدها تقطعوها مثلثات بس تتركون الي بالنص متقطعوه والصوره تتبع النتيجه ......
وابدي احوك بيها
هنا تقطعون بقطاعة البيتزا شرايط وتصفطون الالوان عشوائي.وتبرموهم وتلفوهم لحد مايتماسكون مع بعض وتلفوهم على شكل حلزوني حتى تطلع ورده ......
هنا شكل الصمون بعد ما خلصت من ترتيبه وهنا اهم مرحله بنات فدوه اسمعو كلام هههههه حتى اكلكم يطلع ناجح ... تفتحون الفرن موشرط حار من قبل المهم تفتحون الفرن على درجة حرارة 50 يعنننننننني مجرد دافي بحيث تكدرون ادخلون ايدكم بعدين وتتركونه بالفرن مدة 35 دقيقه الى 40 راح تلاحظون يضاعف حجم الصمون ودربالكم تلزمونه او تحلركوه لان راح يهبط المهم بعد هاي المده وكلشي وكلاشي ازيدون الحراره الى 200 وراح ياخذ وقت من 10 الى 15 دقيقه خبز وكان الله يحب المحسنين ........ميمي










0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X