Sunday, 30 June 2013

كبة البرغل المقلية

كبة برغل المقلية
المقادير
كيلو برغل ناعم
اهنا استعملت نصف كيلو الاسمر ونصف كيلو الابيض 
بصلة
تقريبا كوبين ماء
 اقل من كيلو لحم مفروم صافي بدون دهن 
تقريبا 900غم
ملح ورشة كمون ورشة بهار
الحشوة
لحم مفروم بية دهن3/4
بصل3
صنوبر
ملح وفلفل اسود
رشة كبابة )بهار حلو
بهارات مشكلة
العمل
نخلط البرغل سوية ونضيف له ملح وبهار وكمون  ونضيف اول كوب ماء ونخلط ونترك البرغل عشر دقائق
نرجع مرة ثانية نضيف الكوب الثاني مع الخلط ونشوف حاجة البرغل للماء
ونتركة ايضا عشر دقائق
نضع البرغل بست البيت(محضرة الطعام) مع البصلة ونخلطهم سوية
نخرج البرغل من ست البيت(محضرة الطعام) ونبدي نضيف له لحم صافي مع العجن نرجعه لمحضرة الطعام ونخلطهم سوية او بمكينة اللحم راح تتكون النا عجينة سهلة بالشغل ومتماسكة
طبعا قبل مانحضر العجينة نكون محضرين الحشوة
نحمر البصل بالقليل من الزيت ونضيف له اللحم ويقلب الى ان يستوي  نتبل اللحم  ويرفع من النار  ونتركه يبرد
على جهة نحمر الصنوبر ونضيفة للحشوة
نبدي ناخذ من عجينة الكبة ونحشيها نعملها ونشكلها بيدنا
وبعدها وضعتها بصينية وجمدتها بالفريز لوقت الاستعمال
عند الاستعمال تقلى بزيت غزير وتقدم بالف عافية
اني استعملها بالكبة اللبنية  وبالشوربة بس بنهاية الطبخة اضيفها بعد مااقليها
وصحة وعافية
ايمان(ام حمزة




بركر دجاج

بركر دجاج
المقادير
كيلو صدر دجاج
قليل من لية مفرومة ناعم
نصف كوب بقصم
ملح وفلفل اسود
بابريكا
رشة بهار حلو(كبابة
ممكن نضيف فص ثوم وبصلة حسب الرغبة اهنا مضفت
العمل
نفرم صدر الدجاج وليه بمحظرة الطعام(ست البيت
نضيف له بقصم ونتبلة
نرطب ايدنا بالقليل من الماء ونبدي نعمل الاقراص البركر ونصفهم بالصينية وندخلهم الفريز تجمد وبعدها نحفظها بالفريز لوقت الاستعمال من نريده  نسخن الشواية ونمسحها بالقليل من الزيت ونشوي الاقراص ونعمل سندويشات حسب الرغبة والف عافية
ام حمزة(ايمان

شوربة العدس والخضار

شوربة العدس بالخضراوات
هدى

نحتاج بطاطة وبصل وجزر مقطعا مكعبات
وعدس احمر ومعجون طماطة ونعناع يابس وملح
اول خطوة نحمس البصل والجزر والبطاطة بقليل من الزيت
بعد ما تذبل الخضراوات نضيف العدس بعد غسله ونقلبه سويا
بعد ما خلطنة جميع المكونات نضيف ماء حتى تستوي كل المكونات
بعد ما استوت الخضراوت والعدس وقلت كمية الماء نطحن الشوربة بالخلاط
بعد ما خلطنة الشوربة بالخلاط كي نطحن الخضراوات في قدر نحمس معجون طماطة بقليل من الزيت
بعد ما انحمس المعجون نضيف الشوربة الي طحناها على المعجون واذا شفناها ثخينة نضيف قليل من الماء اليها وبعد ما تغلي نضيف الملح والنعناع اليابس
وهاي النتيجة ان شاء الله تعجبكم

سلطة الجزر


سلطة الجزر
هدى
المكونات
جزر مبشور
وشوندر مسلوق
لهانة مثرومة ناعم
ليمون
ملح وزيت زيتون
نثرم الشوندر شرايح خفيفة ونضيفها الى الجزر المبشور
نضيف على الجزر والشوندر لهانة ونضيف عليها عصير نص ليمونة وملح وملعقة او ملعقتين زيت زيتون

هاي النتيجة بعد التزين ان شاء الله تعجبكم

مقرمش دجاج

اكواب البطاطا المحشية



اكواب البطاطا المحشية 
المقادير : عدد من البطاطا حسب كبر العائلة ، لحم مثروم ، بصلة ، فصين ثوم ، قطعة زنجبيل فرش، معجون طماطة ، ملح، كاري او بهارات مشكلة حسب ما تحبون ، فلفل اسود ، طماطة، فلفل اخضر ،القليل من الكاتشب 
العمل : اول شي نغسل البطاطا ونحاول نختار البطاطا الصغيرة واذا اخترتوا الكبيرة تقسم الى قسمين وتحفر من الوسط وتترك بالماء والملح فترة ، نبدي نسوي الحشو احمس البصل المفروم ناعم والثوم المهروس وابرش قطعة الزنجبيل فوقها ثم اضيف اللحم واستمر بالتقليب الى ان يستوي اللحم من جانب اخر احمس البطاطا البقت عندي من الحفر بعد ان اقطعها قطع صغيرة واضيفها على اللحم واضيف الملح والبهارات والفلفل اسود واقلب الى ان تختلط جميع المكونات وتستوي كما في الصورة ٣
افرغ اكواب البطاطا من الماء وابدي اقليها على النار بس مجرد تحمر وتاخذ لون وبنفس الوقت تستوي نص ستاوا كما في الصورة رقم ١ واحضر التبسي واخلي القليل من البصل والفلفل الاخضر واقراص من الطماطة كما في الصورة رقم ٢ وابدي احشي اكواب البطاطا بالحشو واصفطها بالتبسي وابدي احضر صلصة الطماطة بكاسة اضيف معجون الطماطة اذا ثخين اضيف عليه شوية ماء واضيف الملح والفلفل اسود والكاتشب واحرك حتى تتجانس المكونات واضيفها على اكواب البطاطا واسلفن القالب وادخله الفرن الى ان يستوي وارش الوجه بالبقدونس الناعم ويقدم مع تمن بالشعرية ومليون عافية  









اقراص البطاطا بالدجاج

الكيكة الاسفنجية


الكيكة الاسفنجية 
المقادير باول صورة
العمل : ١- صورة للمقادير و تفتحون الفرن ١٨٠ او ٣٥٠ وتنخلون الطحين مرتين او ٣ كلما نختلوا اكثر تحصلون على نتيجة افضل
 ٢- تبدون تضيفون البيض وتخفقون دقيقة وتضيفون السكر على صفحة شوية شوية وتعلون السرعة وتخفقون لمدة ٢٠ دقيقة 
٣- شكل الخليط اصبح كريمي ولونه على بياض واتضاف الى ٣ اضعاف 
٤- بعد ما خفقت البيض والسكر انتها شغل الخلاط نعتمد على نفسنا شوية الطحين سبق وذكرت ينخل وكلما تنخله اكثر كلما راح يعطيكم نتيجة افضل لان راح تدخل بين ذراته الهواء ويساعد على خفيته الخليط شفتوا الكمية ما تتعدة الكوب ومع هذا راح اقسمه الى ٣ اقسام ابدي اول قسم اخلي بالمنخل وانخله فوق الخليط وابدي احركه بالسباتيولا الحركة التعلمناها من فوق الى جوة يعني عملية تقليب مو خلط وتكونون حذرين ما نريد نخسر الهواء السويناه من الخفق لان على اساسه راح تنفش الكيكة لان مابيها البيكنباودر
٥- بعد ان نخلت اول قسم من الطحين واستعملت السباتيولا بعملية التقليب الى ان يختفي الطحين اضيف القسم الثاني نفس الشي راح تشوفون الخليط شوية ثخن على صفحة وبكاسة ثانية ابدي اضيف بيها الزيت واخذ من خليط الكيك واضيفه على الزيت مو تضيفون الخليط كله لا لا لا تاخذون منه شوية وتخلطوه وية الزيت وبعدين تضيفون الحليب وتخلطوه وهذا هو بالصورة
٦-هسة اخر قسم من الطحين راح انخله فوق الخليط واضيف الخليط الثاني السويناه على صفحة وعلى كيفي وابدي اخلط بنفس الطريقة السابقة الى ان يختفي الطحين واتوقف وخليطنا خلص
٨- طبعا القالب ما يندهن بالكيكة الاسفنجية ولا ينرش بالطحين والصورة مبينة بس بالقاعدة خليت ورق زبدة حتى اتاكد ما تلتصق عندي القاعدة والجوانب من تستوي الكيكة على كيفي بالسكين احاول افصلها عن القالب .....!في حالة ما عدكم ورق زبدة حبايب دهنوها شوية بالزبد لان اني مرة جربت ومصار بيها شي طبقة خفيفة بالقاعدة والجوانب واصب الخليط وادخلها الفرن 
٧-هذه الكيكة بعد ما طلعت من الفرن بس فصلت الجواني بالسكين عن القالب وقلبتها وتشوفون ورق الزبدة بالقاعدة .... شمس










مرقة كفتة لحم مع العدس

مرقة كفتة لحم مع العدس والحمص الجروش
هدى

نحتاج الى لحم مثروم
وعدس احمر
حمص مجروش
بصل
معجون طماطة
نومي بصرة
ملح ومعدنوس
اول شي نعمل عجينة الكفتة نخلط اللحم الثروم مع قليل جدا من الطحين وملح وفلفل ونقلي بزيت قليل
وبعدها نسلق الحمص مجروش نص سلقة
وبعدها نحمص بصلة مثرومة ناعم والى ان يذبل نضيف العدس يكون مغسول ونحمسا مع البصل
بعدها نضيف الحمص بعد ما سلقنا نص سلقة ونقلبة مع البصل والعدس
وبعدما اضفنا الحمص نضيف الكفتا الي قليناها مسبقا ونقلبها كلها معا على النار
بعد ما قلبنة كل المواد نضيف ملعقة او ملعقتين معجون طماطة ونحمسها معا

بعد ذالك نضيف ماء مغلي ونتركة المرقة على نار متوسطة تغلي ونقلبها كل فترة
وبعدما تبدء المرقة تثخن نضيف ملح ونضيف النومي بصرة بعدما عملنى ثقوب بالنومي ونقلب المرقة كل فترى ونتركها على نار هادئة ونستمر بتقليبها
بعد ان ثخنت المرقة واستوا الحمص والعدس نطفي النار ونثرم كم عود معدنوس ونضفة عليها ونخلطها
و اكيد نقدمها مع رز و ان شاء الله تعجبكم

رز بالخضار

معجنات خفيفة


معجنات خفيفة
هدى

نحتاج بصل اخضر وجبن مالح وكرفس وطبعا العجية اني استعملت نفس العجينة الي موجودة بالالبوم
نفتت الجبن ونثرم الكرف ونثرم البصل الاخضر هوة واوراقة ونخلطها كلها سوة .....واني امحضر العجينة وتركتها تختمر
نشغل الفرن على درجة حرارة180 ونفتح العجينة ونضع الخلطة عليها وندخل الفرن وما تاخذ وقت هواي
اني سويت صينيتين و هاي الثانية
استخدمت جبن مبروش الي يستخدم للبيتزا وكاجب وزعتر نفتح العجينة وندهن وجها بالكجب
نرش فوق الكجب الجبن وبعدها نرش الزعتر الي يستخدم للاكل الي يكون ويا السمسم وندخلها الفرن على نفس درجة حرارة العجينة الاولية180 وهم ما تاخذ وقت بس يتحمر الجبن وكافي
وهاي بعد ما اتحمر الجبن
وصلنا للنهاية ان شاء الله تعجبكم .....هاي بعد ما قطعتا

روبيان

كباب قرنابيط

كباب القرنابيط
هدى

نحتاج الي قرنابيط مسلوق وبصل وفص ثوم وملح وفلفل اسود وبيضة وقليل من الطحين و قليل من الكركم ممكن نستغنا من الكركم الي ما يحبا
نثرم القرنابيط ناعم جدا بعد سلقة ونثرم البصل والفص ثوم ناعم ونخلطة مع القرنابيط ونضيف ملح وفلفل والكركم ونخلطة
بعد ما خلطة المكونات نضيفلها البيضة والطحين حوالي ملعقتين اكل او 3ونخلطها مع القرنابيط والبصل والثوم
نضع قليق من الزيت في الطاوة ونبدي نضع القرنابط في الطاوة بالملعقة ونتركة ينقلي وبعدها نقلبة
هاي النتيجة النهائية لكباب القرنابيط ان شاء الله يعجبكم

بركر

بركر دجاج ولحم بقر
هدى

المقادير
لكل كيلو لحم كوب بقصم
بهار مع ملح مع فص ثوم مهروس
العمل
انا عملت نص كيلو لحم بقر مع نص كيلو لحم صدر دجاج مثروم وضفت باقي المكونات
نشغل الفرن كي يحما والي ايحب يقليها ممكن بقليل من الزيت
وهاي شكل العجينة

نشكلها اقراص بالحجم الي تفضلوا واني دائما اضيف طماطة واملحها واضعها بين البركر ونشويها بالفرن حوالي نص ساعة....استعملت ورق الزبد الي ما متوفر عدها ممكن تدهن الصينية بقليل من الزيت

وهاي استوة البركر ان شاء الله تعجبكم

الوصفات الشائعة

counter

Flag Counter