Saturday, 8 June 2013

طبق الخضار والدجاج بصلصة الرانش

طبق الخضار والدجاج بصلصة الرانش
مقادير حسب الرغبة
الخضار المستعملة حسب الرغبة
اهنا استعملت
مشروم
هليون
فص ثوم
بيبي ذرة
دجاج مسلوق
صلصة رانش الجاهزة
جبن بارميزان او شيدر
ملح وفلفل
العمل
بقليل من زيت الزيتون نقلب الثوم المهروس ونضيفلة الذرة وعلى نار هادئة يترك لدقائق بعدها نضيف الهليون والفطر ويقلب نضيف الدجاج  وصلصة الرانش ورشة ملح وفلفل ونبرش الجبن فوقه نتركه لدقيقة يذوب الجبن ويقدم بالف عافية
ايمان(ام حمزة





معكرونة الدجاج بالخضار والبشاميل

معكرونة الدجاج بالخضار والبشاميل
المقادير حسب الرغبة
المواد
دجاج  ممكن نستعمل الافخاد او صدر الدجاج حسب الرغبة
فلفل الوان
بصلة
فطر
ملعقة ونص كبيرة طحين
كوبين حليب
نصف كوب من مرقة الدجاج
قطعة ماجي دجاج
ملح وفلفل
معكرونة
جبنة موزريلا او جبن سلايس او جبنة ايدام حسب المتوفر
رشة اوريغانو
زيت زيتون
ووممكن نستعمل الزبدة  حسب الرغبة
العمل
نسلق افخاد الدجاج  ونضع اله منكهات هيل وقرنفل وورق غار وبعد مايستوي  نضيف له ملح ورشة فلفل الاسود
نخرج الدجاج من المرقة ونتركة يبرد
 نفرم الخضار كلها
بمقلاة نضيف زيت الزيتون و نحمر البصلة وبعدها نضيف له فلفل الالوان ويقلب لدقيقة وبعدها نضيف الفطر ويقلب على جهة
من المقلاة نضيف قليل من الزبدة او زيت ونضيف الطحين ويقلب وبعدها نقلب الطحين مع الخضار نبدي نضيف الحليب ومرقة الدجاج مع التقليب نتبل الخليط بالملح والفلفل وقطعة الماجي  ونضيف الدجاج المسلوق
 نسلق المعكرونة على جهة ونضيفها للخليط ويقلب جيدا
الصلصة اذا شفناها ثخينة تخفف بالقليل من مرقة الدجاج
نصب المعكرونةالمخلوطة بالخليط بصينية وفوقها نصف قطع الجبن ورشة اوريغانو وندخلها الفرن تقريبا 15 دقيقة يكون جاهز  واطيب معكرونة تاكلون صحة وعافية
ايمان(ام حمزة






ميزان الاسبوع الثالث

ام مصطفى كيلو ونصف
هدى نزول 600غم
مهاوي نزول كيلو
نورا +500غم
مريم +كيلو غرام
مريم عمار نزول 2.6
هدى ماكو نزول

رز بحليب


مساء الخير حبايب سويتلكم رز بحليب على طريقة ميمي 
المقادير:- كوب ونص رز حبه قصيره - لتر حليب - 2 كوب ماء -اي نوع بسكت تقريبا 6 قطع-كوب سكر - ملعقة اكل ماء ورد او ماء الزهر الي تحبوه ... طريقة العمل بالصور تفضلو بمطبخي اراويكم الخطوات بالصور ,,,,,,,,,,,,,,,,,,,,ميمي

هنا حطيت الرز بعد ماغسلته وبدون تنكيع بس غسلته وحطيت عليه كوبين الماي وتركته يفور على نار هادئه ومن يستوي تضيفون الشكر وعذروني هاي الخطوه اني نسيت اصورها بس وضحت الفكره الكم


هنا ضفت الحليب فوق الرز والشكر الي فليناهم سوه وهنا نبدي نحرك شويه وتتركوه على نار هادئه وكل شويه تحركون الى ان يثخن............

هذا القوام يكون بهل الشكل


هنا حطيت البسكت بكيس

هنا بالمضرب طحنته 
هنا وزعت البسكت بهل الشكل


وراها صبيت الرز بحليب على البسكت ودخلتهم للثلاجه وبعد ساعتين طلعوه

هنا وزعت الشكر على وجه الرز بحليب


هنا نبدي نحرك الشكر بالتورج لحد ميصير كرميل ..

ويقدم بمليون عافيه من مطبخ .....



هنا ملحكت اخذلكم صوره فبل مناكله منه لان كل واحد خمطله ماعون فحبيت اراويكم شكلها من تفلبوها ويبين البسكت شكلها كلش حلو ولطيف .............ميمي

سمسمية


مساء الخير حبايب,,, هاي سمسمية سويتها قبل شويه وكلت خلي انزلها للحبايب تالي الليل حتى قبل متنامون احليلكم فمكم ياوروووووذ ....
المقادير :- 2 كوب سمسم محمص- كوب سكر- كوب عسل - وعصرت ليمون - واذا تريدون ليمن دوزي بطرف الملعقه هم يصير - ربع كوب ماء - يله حبيباتي تفضلو ويايه حتى اراويكم الخطوات بالصو من مطبخ ...... ميمي 

(هنا حطيت السكر والعسل والليمون والماء على النار حتى نسويها شيره )


هنا صارت بها الشكل شيره ثخينه تصير ....

هنا حطيت السمسم وخليته على النار لمدة 4 دقائق

هنا يصير لونها ذهبي بهل الشكل
 
هنا حطين وزبده بالبايركس وفرشت عليها السمسميه

هنا قطعت ورق زبده ودهنتها بشووووويه زيت للورقه وضغطت على السمسميه عدلتها وملاحظه لازم هاي الخطوه تسوها وهي حاره لان من تبرد متكدرين تتحكمين بيها لان تجمد

وهذا شكلها بعد ساعه من ماتبرد قطعه عدله وتخبل واني ماقطعتها لان اريد اكسرها بايدي انتو تكدرون تقطعوها بقطاعة البتزا مربعات بس لازم وهي حاره حتى تسيطرون عليها من تتقطع  


وتقدم و1000 عافيه من مطبخ ادمونتكم ............ميمي

كيكة 1234

كيكة ٤٣٢١ 

اول خطوة اسويها وتعلمتها من منال العالم هي احضر المواد حتى لا ابقى ادور وحتى المرات الواحد ينسى اشياء يضيفها مثل المطيبات لهذا احضرها كخطوة اولى المقادير هي ٤ بيض ، ٢ ك سكر ١ كوب زيت ١ كوب حليب ٣ كوب طحين ١ ملعقة كبيرة بيكنك باودر ١/٤ ملعقة صغيرة ملح و فايليا او برش برتقال او هيل 

اول ملاحظة هي اني اقلل من كمية السكر لان ما احب الكيك يصير حلو فراح اقلل الى ١ و ٣/٤ الكوب من السكر وانتو حسب ذوقكم  
اول خطوة  لازم تنخلون الطحين والبيكنك باودر والملح سوية وتفتحون الفرن على درجة ٣٥٠فهرنهايت او ١٨٠ مئوي 
طريقة العمل داخل الصور 










كيكة البرتقال بالصلصة

كيكة البرتقال بصلصة البرتقال 

المقادير 

٥ بيض و٣/٤ ك سكر و١ ك زيت و ٣/٤ ك عصير برتقال و ٢ كوب طحين و١ م ك بيكنك باودر و رشة ملح و برش برتقال ما يعادل برتقالتين 

بالنسبة للعصير اني راح استعمل العصير الصناعي وانتو براحتكم تكدرون تعصرون برتقال وتستعملوا ما كو اشكال او اي عصير عدكم اذا البرتقال غير متوفر 
بالنسبة للسكر المقادير الاصلية هي ١ ك سكر اني قللت لان ما احب الكيك حلو كلش خاصة اني راح اضيف عصير صناعي ويكون حلو مو مثل الطبيعي و راح اضيف صوص للكيكة وهذا هم حلو لان بس سكر لهذا قللت وانتوا براحتكم تريدون تخلون ١ ك او ٣/٤ ك من السكر 

صلصة البرتقال 

مقاديرها ١/٢ كوب سكر باودر و ملعقتين ماء وبرش برتقال يخلط سوية بالبداية اضيف ملعقة واخلط واذا شفت المزيج ثخين اضيف ملعقة واخلط واذا صار خفيف ضيفوا سكر بودرة وتكدرون بدل الماء تضيفون عصير بس يصير حلو ...... شمس












جوكليت جبس كوكيز


جوكليت جبس كوكيز 

المقادير 


المقادير ١/٢ ك زبد بدرجة حرارة الغرفة ، ١/٤ كوب + ٢ ملعقة كبيرة سكر ابيض العادي ، ١/٤ كوب + ٢ ملعقة كبيرة سكر بني ، ١ كوب + ٢ ملعقة كبيرة طحين ، ١ بيضة ، ٣/٤ م ص فانيليا سائلة او ظرف واحد ، ٣/٤ كوب شوكلاتة جبس ، ١/٢ م ص بيكنك صودا ، ١/٤ م ص ملح ....... شمس









Friday, 7 June 2013

( كفتة الدجاج)

كفتة الدجاج والبطاطا 
المقادير صدر دجاجة ، ٢ بطاطة متوسطة ، ملح ،كاري ،رشة كركم ، فلفل اسود،بيضة و بقصم 
اثرم الجاج بماكنة اللحم او الفود بروسسر واسلق البطاطة واهرسها واخلط جميع المكونات واشكلها على شكل اصابع والوثها بالبيض والبقصم وتحفظ بالفريز او تقلى وبالف عافية 
ممكن تضيفولها خضرة وفص ثوم بس اني اطفالي يحبوها سادة لهذا اسويها بهذا الشكل 






نسكافية موس

نسكافيه موس
مقادير موس النسكافية
نصف كوب ماء
ملعقة كوب جلاتين  سادة
٣/٤ علبة حليب نسلته المكثف المحلى واستعملت خالي الدسم وزن العلبة ٤٠٠ غم
٢ملعقة كوب نسكافية مرة
٢ كوب كريمة خفق سائلة
العمل
نضع الماء على النار بس يسخن نضيف له جلاتين ويخلط جيدا الى ان يذوب الجلاتين بالماء نضيف له حليب نسله ويخلط ونضعه على نار هادئة مع التحريك بعدها نضيف نسكافية  ونخلطه جيدا لدقيقة
يرفع من النار ونتركة يبرد بالفريز لمدة ١٥ دقيقة  بس يبرد وشوية يتكاثف منتركه يجمد
على جهة بالخفاقة نخفق الكريمة الى ان تتضاعف حجمها وطبعا الكريمة تكون باردة
ونبدي نضيف خليط النسكافية مع الخفق بشكل تدريجي الى ان يختلط سوية
يبرد ويصب بالكاسات ويزين بالشكولاتة او الفاكهه حسب الرغبة وصحة وعافية
ايمان(ام حمزة




نسكافيه موس بالبسكويت والشوكولاتة

نسكافيه موس  بالبسكويت والشوكولاتة
مقادير موس النسكافية
نصف كوب ماء
ملعقة كوب جلاتين  سادة
٣/٤ علبة حليب نسلته المكثف المحلى واستعملت خالي الدسم وزن العلبة ٤٠٠ غم
٢ملعقة كوب نسكافية مرة
٢ كوب كريمة خفق سائلة
 بسكويت ليدي فنكر او اي نوع بسكويت
حليب سائل نغمس بيه بسكويت
نستلة اي نوع استعملت سنيكرز
العمل
نضع الماء على النار بس يسخن نضيف له جلاتين ويخلط جيدا الى ان يذوب الجلاتين بالماء نضيف له حليب نسله ويخلط ونضعه على نار هادئة مع التحريك بعدها نضيف نسكافية  ونخلطه جيدا لدقيقة
يرفع من النار ونتركة يبرد بالفريز لمدة ١٥ دقيقة  بس يبرد وشوية يتكاثف منتركه يجمد
على جهة بالخفاقة نخفق الكريمة الى ان تتضاعف حجمها وطبعا الكريمة تكون باردة
ونبدي نضيف خليط النسكافية مع الخفق بشكل تدريجي الى ان يختلط سوية
نحضر صحن الي راح نقدم بيه نغمس البسكويت بالحليب ونصفة بالصحن وبعدها خليط النسكافية وبعدها نقطع شوكولاتة قطع صغيرة  ونفس الشي بسكويت وخليط وشوكولاتة
بعدها ندخله للثلاجة يبرد لساعتين الى ثلاثة ساعات ويقدم بالف عافية
ايمان(ام حمزة




حلوى التمر بالشوكلاتة

لفه خميرة

لفة خميرة
بروقة
٥ كوب طحين ويا ملعقة كوب ملح ننخلهم ونتركهم

وعلى صفحه نذوب ملعقتين كبار خميرة بنصف كوب ماء دافي مضاف اليها ملعقة كوب سكر نغطيها ونتركها
نجيب كوب حليب دافي ونص كوب دهن او زبد وكوب شكر او تلث ارباع كوب وبيضة نخبطهم سوة ونضيف فوكاهم الخميرة اللي سويناها كون فايت عليها ربع ساعه تعله وتديريها ويه الخليط
نجي نضيف نصف كمية الطحين ونخبط بعدين نضيفه كله اذا كانت العجينة قويه شويه حطي شويه بعد ماء دافي ، نعجنها زين ونغلفها ونتركها تختمر نص ساعه ونرجع نعجنها ونتركها وراها شكليها وتركيها شويه تنفش لوثيها ببيض وحليب واشويها بالفرن الحامي على ١٨٠ او ٢٠٠ الجوة بعدين الفوك حته تحمر وعوافي وعافيااات عله قلوبكم .... بروقة




Thursday, 6 June 2013

تبسي بطاطا بالدجاج والبشاميل

تبسي البطاطا مع الدجاج بل بشمل
هدى
المحتويات
بصل مثروم 
دجاج مثروم شرايح مثل شرايح الشاورمة ياما صدر او افخاذ
وبطاطا
وصلصة بشمل
نقشر البطاطة ونقطعها مكعبات ونسلقها
بين ما تستوي البطاطا نحمس البصل
بعد ما انحمس البصل نضيف الدجاج نغطي حتى يستوي


وطبعن ما نضيف ماء للدجاج هوة يستوي بمايا شوفو اشكد 1ب ماي وبعدها نضيف بهار اي بهار اتحبي اني خاليت بهار شاورمة وقليل جدن من المن دوزي وملح

هنا البطاطا استوت نصفي البطاطا من الماء ونهرسها

بعد ما نهرس البطاطة نضيفلها ملح وفلفل اسود ونكمل هرسها

هسا انحضر صلصة البشمل

2ملعقة اكل زبد
2ملعقة اكل طحين
2كلاص حليب
نذوب الزبد ونضيف الطحين ونحرك

لمن الطحين يوصل الهل مرحلة نضيف الحليب ونحرك بسرعة  

صلصة البشمل صارة جاهزة اتصير اشويا اخف من المحلبي نفرش نصف البطاطة في قعر التبسي او البيركس نضيف الدجاج بعد ما استوى
نضيف فوق الدجاج شويا من صلصة البشمل
بقيات نصف البطاطة نعملها كرات ونضيفها فوق الدجاج

اخر شي نضف البشمل وعلى الوجة نضيف جبن مبروش وندخلها الفرن طبعن ما يحتاجلها وقت هوايا لئن كلة مستوي مجرد بس يتحمص الوجة ويذوب الجبن
وهاي استوت.........اتمنى ما اكون دوختكم  


Tuesday, 4 June 2013

كيكة بنكهة الشوكولاتة

مشاركة من صديقتنا
em mohammed


  • مسا الخير على جميع الحلوين ،، هاي كيكه 


    بنكهة الشكولاته من أفكاري انشالله تعجبكم ... 

    الطريقه : عملت الكيكه العاديه ،، مقدارها : 

    ثلاث بيض ، كاس سكر ، كأس زيت ، م ص 

    فانيلا ، ،، وخلطهم في بعض ،، بعدين 

    ضيفتلهم كاسين طحين ، م ك باكنج باودر ، 

    كاس حليب بارد ،، وضيفتهم على الخليط 

    الأول بالتدريج ،، وخلطهم في بعض ،، 

    وقسمت الكميه ،،، الأولى تركتها زي ما هي 

    والثانيه ضيفتلها نص كب من الشوكلاته 
    السايحه وخلطهم في بعض ،،، وضعت كل 
    مزيج بصينيه من حالو ،، ودخلتهم الفرن 

    وخبزتهم،،، وتركتهم يبردو ،،، بعدين قطعت 

    عن وجه كل كيكه زي دائره صغيره وفتفتهم 

    علشان التزيين ،،، أحضرت اول طبقه من 
    الكيك ودهنتها بكريمه بيضاء ،، وضيفت 

    الكيكه الثانيه عليها ،،، ودهنت الوجه 

    بشكولاته سايحه ،، وزينتها بفتات الكيك بهاي 

    الطريقه ،، وزينتها من الجوانب باللوز 

    المحمص ،،، وصحتين وهنا للجميع

الوصفات الشائعة

counter

Flag Counter

 

أشترك معنا عن طريق الايميل

X