Saturday, 6 April 2013

طبق للعشاء


طبق للعشاء سهل ولذيذ وصحي
الطبق عبارة عن بطاطا تسلق  وبعدها تقطع ونحمرها بملعقة صغيرة زيت زيتون على نار هادئة ونضيف الها رشة ملح وفلفل اسود 
بيض يسلق ويقشر ويقطع ويضاف له رشة ملح وفلفل اسود
لوبيا تسلق  نصف سلقة وتصفى وبعدها نحمرها بالقليل من  زيت الزيتون ونضيف الها رشة ملح وليمون حامض
طماطة مقطعة حلقات 
نرتب البطاطا والبيض واللوبيا بالطبق ونضيف فوقهم رشة اوريغانو وبقدونس والف عافية 
ايمان

الرسم على الكيك بالكريمة


طريقة  رسم الشخصيات الكارتونية على الكيك بالكريمة
اول خطوة يكون الكيك مخبوز وبارد وجاهز واي نوع كيك تحبون سوواا بعد مايبرد تغلف الكيكة كلها بكريمة الخفق او كريمة الزبدة وندخلها الفريز تبرد لمدة 15 الى 20 دقيقة
المواد اللازمة للرسم على الكيك
١ اول شي صورة شخصية كارتونية الي تحبوها اهنا اختاريت هلو كاتي
اختاريت الصورة من النت وطبعتها على ورقة بيضاء وبالحجم الي اريدة
٢ اكون محضرة الالوان الي احتاجها لتلوين الصورة
٣ كريمة خفق  اهنا استعملت كريمة الخفق السائلة بردتها وخفقتها وبعدها ضفت الها سكر بودرة مع الخفق الى ان يتضاعف حجمها وابردها بالثلاجة
٤  قطعة نايلون شفاف ويكون بيه سمك  ويثبت اثناء الرسم
٥  piping gel
هلام  لونه شفاف يستعمل للكتابة والرسم
وطبعا ايضا يجي ملون
العمل
اول خطوة نطبق الورق النايلون على صورة  الشخصية ونثبتها
نخلط الهلام الشفاف مع  قليل من اللون الاسود ونضعه بكيس الحلواني واستعملت الراس الصغير الي يستعمل للكتابة
ابدي ارسم فوق النايلون بالهلام وفوق الخطوط بالضبط الى ان انتهي من كل الرسمة مثل صورة٧
ارفع  الورق والنايلون واطبقها فوق الكيكة واضغط على الورق حتى الرسمة تطبع فوق الكيكة
بعدها ارفع الورق والنايلون بحذر
مثل متشوفون صورة٩ يتحدد الشكل بس  طبعا غير مرتب
ابدي املي الفراغات بالالوان الي لونت بيها الكريمة وطبعا تكون الكريمة باردة حتى ياخذ شكل الراس واستعملت النجمه الصغيرة
بعد ماكملت تلوين الصورة  اغلف الكيكة البقية من الاطراف بالكريمة  واضع الكيكة بالثلاجة تبرد وتتماسك الكريمة اكثر والف عافية
خطوات بسيطة تحصلون على رسم شخصية محببة لأطفالكم الحلوين
ايمان 



سلطة الذرة والجزر الحارة




سلطة الذرة والجزر الحارة
ذرة مسلوقة
جزر مسلوق يقطع الى شرائح
بقدونس مفروم ناعم
رشة عصير ليمون

رشة ملح
2ملعقة كبيرة مايونيز
قليل من الخردل
ملعقة كبيرة كاتشاب سبايسي وممكن تستعملون العادي
رشة فلفل احمر حار
رشة بابريكا
تخلط المواد كلها سوية ويقدم مع رشة بابريكا والف عافية
ايمان

Friday, 5 April 2013

ميزان الاسبوع الثاني

صباح الخير
يلة بنات بشروا ان شاء الله ناقصين وزن هالاسبوع وبصحةوعافية
المتسابقة علياء ماكو نزول
المتسابقة ايمان النزول كيلو غرام واحد
المتسابقة غادة 1.800كيلو غرام
المتسابقة شهد  زيادة كيلو غرام واحد
المتسابقة نهر ماكو نزول
المتسابقة رواء ماكو نزول
المتسابقة فرح كيلو و100غم زيادة
المتسابقة هدى نزول 1.300كيلو غرام
المتسابقة جنان النزول  نصف كيلو غرام
المتسابقة رشا 1.800كيلو غرام
المتسابقة ولاء 500غم
المتسابقة ديمة النزول كيلو غرام
المتسابقة نوران 1.600غم
المتسابقة زهراء 200غم


صمون المحشي




صمون المحشي من صديقتنا رشا جمال العمر

فكرة هذا الصمون انو تحشي وتشوي وانتي بكيفج تختارين الحشوة الي تردية اني حشيته دجاج قطعت صدر دجاج علشكل اصابع وتبلتة بلملح والبهارات وشوية من صلصة الصويا لان صدر الدجاج ناشف وبعد ساعة حمسته وي البصل وضفتلة ابهارات الدجاج وضفت بلنهاية بصل اخضر وتركت الحشوه تبرد

اول شي العجينة الي هي عبارة عن 6كوب طحين نص كوب زيت زيتون ثلث ارباع الكوب لبن خاثر 1ملعقه اكل خمرة رشة ملح و3ملعقه اكل سكر وخليت رشة اوركانو وبصل باودر هاي حسب الرغبة عجنت المواد وتركتة تختمر وهاي شكل العجينه بعد ان اختمرت



.بعد اختمرت العجينة ابدي اكور العجينة




ارجع علاول كرة سويتة وافتحة واحشية بلضبط مثل من انحشي الكليجه


وهاي بعد ان حشيتة اكورة واتركة تختمر مرة ثانيه

هاي بعد ان اختمرت دهنة بلبيض والسمسم وادخلة للفرن الحار



وهاي ورة مطلعتة من الفرن ادهنة بزيت خفيف واغطية اشوية وبعدين اقدمة








شيش طاووق


شيش طاووق من صديقتنا رشا
المكونات صدر دجاج مقطع مكعبات ونتبلة بخلطة والي هي عبارة عن لبن ومعجون طماطا وشوية خل تفاح او اي نوع خل وزيت زيتون ورشة ملح ورشة فلفل اسود وببركا وبهارات الدجاج وكزبرة وثوم باودر وبصل باودر وشوية من الروز ماري وشوية من دبس الرمان

نخلط كل مواد التتبيلة حت تصير مثل الصلصة

نتبلة الدجاج بلصلصة ونتركة والاحسن يكون التتبيل قبل بليلة


نضيف الدجاج بطاوة تيفال سااااخنة

وبعد ان تستوي قطع الدجاج نشعل فحم ونخلي بنص الطاوة نقبغ الطاوة حت يضل الدخان مال الفحم بلدجاج

الشيش طاوق سويت وياه بتيتة فنكر اتفضلواااا







سباكيتي بالبشاميل



سباكيتي بالبشاميل من صديقتنا تغريد

المكونات مثل ممبينه قيمة لحم شلون متحبون سووها اني استعملت هنا نصف كيلو لحم
مفروم ضفتلها بزاليا لان زوجي يحبها ,وبشاميل ومقاديري هيه 2 ملعقه زبد واربع ملاعق طحين ورشه جوز طيب وثلثين لتر حليب نحمس الطحين بالزبد ونضيف الحليب بالتدريج مع التحريك المستمر حته لاتتكتل واذا تكتلت هم ماكو مشكله صفوها واستعملوها.....وباكيت اسباكيتي نصف كيلو .........هاي الكميه تصير بايركس جبير تقريبا 6 نفرات يكفي



اخذ نصف كمية السباكيتي واضيفلها شويه بشاميل واخليها بالبايركس


هنا ضفت كل كمية الحشو فوق الطبقه الاولى

بعدين ضفت القسم الباقي من السباكيتي ودرت عليه كل البشاميل ورشيت الوجه بجبن مبروش ودخلته الفرن عله 180 لعشرين دقيقه تقريبا او الى ان يحمر الوجه


هذا شكله وره مطلع من الفرن شويه حمرته زايد


وهاي وره القطع ومليون عافيه







تبسي دجاج بالبطاطا

اليوم سويت تبسي دجاج بالبطاطا مقلي مشوي من صديقتنا تغريد


اول شي بطاوه كبيره احمس الدجاج بالثوم وزنجبيل وبصل اخضر وفلفل اخضر حار وبارد وبهارات حسب الرغبه وعصير ليمونه




بعدين ضفت قطع البطاطا تكون كبيره وخليتها بقشرها ....وشويه معدنوس مفروم ......تحمس كلها عل السريع هاي الخطوه كلها تقريبا عشر دقايق بس يتحمر اللحم والخضره


ضفت المكونات بتبسي ودرت عليها تقريبا نص كوب تمر هند ودخلتها الفرن عله 

200 لمده ثلاث ارباع الساعه تقريبا يكمل سوا ويتحمر زين


وهذا شكله بعد الشوي والف عافيه







Thursday, 4 April 2013

برمه بالبراونيز

مرحبا حبيباتي على كل بيت مشترك ويانه بااكلاتنه الطيبه شيفتكم ميمي تحب تكون

 حريصا انو تعلمكم كل ما هو جديد ،، اليوم قررت اسجل توقيع بهاي البرمه واحط

 بصمه بعالم البرمه هههههه سويتلكم برمه محشيه بكيك لبراونيز واني متاكده كلكم راح

 اطبقون الوصفه لان طعمها مختلف وجديد وانشالله يعجبكم ،،،، المقادير هي كيك

 الشوكولاته اي نوع عدكم حتى لو بالفريزر يعني تقريا مايقارب بحجم 3 كاب كيك و

 تفتتون الكيك الى ان يصير ناعم ،،، كوب جوز مجروش 50 غرام شوكلاته تذوبوها

 ،،، م كوب هيل ،، 4 ملاعق شيره ،،،، تخلطوهم مع بعض سوه الى ان تصير مثل العجينه ،،،،، طبعا كوب من الزبد الذايب ، وعلبه من عجينه البقلاوة وهسه تعالو 

نشوف الطريقه حبايب من مطبخ شيفتكم ،،،،،،ميمي


هنا الحشوه فتت البراونيز وكسرت الجوز وسيحت الشوكلاته وحطيت الشيره والزبد وخلطتهم

هنا دهنت ورقه البورك

هنا سويت سطر من الحشوه وعلى الحافه مالت البورك

هنا رصيتهم بصينيه الخبز ودهنتهم بالزبذ كميه محترمه ودخلتها الفرن وموكلش عاليه

 النار 

هنا بعد ما طلعت من الفرن يمي يمي شربتها بالشيره ونقطه مهمه حبايب تقطعوها بعد 


ماتبرد تماما لان بيها شوكولاته اذا وهي حاره نقطهعا راح تطلع الشوكلاته ويخرب 


منظرها وهاي نصيحه لازم نستفادون منها حبايب ،،
وتقدم الف الف الف مليون عافيه على قلب كل وحده بالبيج وتسوي لايكااااات. هههه 

،،،،،شيفتكم ،،،ميمي



ترايفل بحليب نستله

ترايفل بحليب نسله المكثف المحلى
المقادير
3كوب حليب سائل
3ملاعق كبيرة نشا
نصف علبة حليب نستله
ملعقة كاستر باودر
رشة فانيلا
شوكولاتة تقريبا 100غم
وقليل من كريمة الخفق للتزين
وبسكويت اولكر

العمل
نضع الحليب البارد والنشا والكاستر سوية ويخلط وبعدها يضع على النار مع التحريك ونضيف له حليب نستله ونتذوق الطعم اذا يحتاج حلاه او لا ونضيف رشة فانيلا ونظل نحرك الى ان يثخن المزيج نرفعه ونصب نصفة بااناء ونغلفة راسا بنايلون حتى لاتتكون طبقة على الوجة
وبقية الخليط اضيف له شكولاتة واحركها الى ان تتجانس مع الخليط
اضع بسكويت اولكر بالكاسات واصب فوقة الخليط  باللون الابيض طبعا مااتركه يبرد فقط يدفى واصبة واترك الخليط يبرد قليلا وبعدها اضيف خليط الشوكولاتة فوقه وابرده
والتزين حسب الرغبة
ووممكن نضيف ايضا بسكويت مع خليط الشوكولاتة والف عافية
بارد ولذيذ
ايمان




فته لحم وباذنجان

اليوم الوصفه فته لحم وبيتنجان , اني اقطع الخبز بالمقص وارش عليها زيت واشويها

 بالفرن تكسب

حامسين اللحم المفروم وجاهزه , وثارمين المعدنوس , ومكعبات بيتنجان مقليه

الصوص عباره عن 2 فص ثوم صغار مهروسين كوبين لبن و2 م راشي وحامض وملح وفلفل اسود

خلينا الخبز المحمص وفوكا الصوص بعدين اللحم ومكعبات الباذنجان المقلي ويزين بالمعدنوس وممكن لوز اذا متوفر بس لازم قبل الاكل بدقائق نصب الطبق حتى ليلين وعافيات

بروقة







سمك بالحامض والاوريگانو




طريقة فيليه سمك بالحامض والاوريگانووو ..... بروقة



هنا تبلنا قطع الفيليه ب
ربع كوب عصير ليمون
٢ م ص برش ليمون
٢ فص ثوم مهروس
١ م ك اوريگانو
١ م ص ريحان
١ م ص ملح
ربع م ص فلفل ابيض
٢ م ك زبت زيتون
ممكن يتبل قبل ليلة او قبل نصف ساعة

الصلصة :-
بمقلاة كبيرة نحمس بصلة شرايح و٢ فص ثوم شرايح من يذبلون نضيف ٣ طماطم شرايح مقشرة ننتظر تذب ميها الطماطة ونضيف
١ م ص طحين حتى تتكثف الصلصة ونصف كوب ماء



نضيف قطع السمك الفيليه المتبلة في الصلصة مع التتبيلة يعني منذب شي ونغطيها ونتركها ١٠ دقائق على نار وسط


يقدم مع الرز الاصفر والسلطة وتسعييييييين عافية ؛) :))) برررررروقة











تبسي دجاج باللبن والثوم


تبسي دجاج باللبن والثوم


دجاجة تغسل وتقطع واضيف عليها خل واتركها لربع ساعة واغسلها اقطع بطاطا وبصل وطماطة وارتبها مع الدجاج بالتبسي وارش عليها ليمون وملح وفلفل اسود
احضر الصوص عبارة عن علبة لبن زبادي اضيف عليها ملح وفلفل اسود رشة وبابريكا وخل واخلطها زين اصب الصوص على الدجاج وابقي من الصوص شي قليل اضيف علية ملعقة معجون طماطة وزيت زيتون
بعد ماصبيت الصوص ابرش 4فصوص ثوم كبيرة فوق الدجاج وبعدها اضيف بقية الصوص الي ضفت اله معجون واترك الدجاج يتبل ساعتين 
اضيف ماء على جهة بالتبسي وادخله الفرن تقريبا ساعة ونص ويقدم بالف عافية جربوة لذيذذذذ جداااا


ايمان



Wednesday, 3 April 2013

بوريك اللحم والسبانخ

بوريك اللحم والسبانخ
العجينة عبارة عن
٤.٥كوب طحين
ملعقة كبيرة خميرة
رشة ملح
كوب ونص الى كوبين تقريبا حليب سائل
٢ملعقة كبيرة زيت
٥ملاعق كبيرة زبدة مذوبة
ملعق كوب سكر تخلط مع خميرة
الحشوات
حشوة اللحم
عبارة عن لحم مفروم يحمس الى ان يستوي ويضاف له  ثليل من زيت وبعدها بصل مفروم ناعم وبعدها يقلب الى ان يستوي ويتبل بالملح والفلفل
حشوة السبانخ
عبارة عن سبانخ تحمس بالقليل من الزيت  ويتبل برشة ملح وسماق
جبن فيتا
وجبن موزريلا او اي نوع حسب الرغبة
سمسم وحبة البركة للوجة
بيضة لدهن الوجة

العمل
نخلط الطحين مع رشة الملح  بعدها نضيف الخميرة والسكر بالوسط ونضيف القليل من الحليب الدافى يترك لدقائق ومن ترتفع الخميرة نبدي نضيف الحليب مع العجن الى ان تتكون عجينة متماسكة وغير قوية نضيف الها الزيت وتعجن جيدا بعدها تغطى وتترك للتتخمر لمدة ساعة
نقطع العجين الى ٦قطع متساوية
ونفتحها نكون محضرين الحشوات وباردة
نفتح القطع على شكل مستطيل خفيف
 نضع اول قطعة وندهنها بالزبدة المذابة ونضيف الها اللحم المفروم ونضع القطع الثانية وايضا ندهنها ونضيف الها سبانخ وجبن فيتا وهكذا نحشى الطبقا بالجبن مرة وبالسبانخ وجبن الفيتا وباللحم مرة الى نهاية القطعة الاخيرة فقط ندهنها بالزبدة
نطبق من الجهتين القطع واحدة على الثانية وايضا الطرفين راح يصير عدنا شكل المربع نقطع المربع الى اربع اقسام فقط نقطع من الوسط منوصل للنهاية وبعدها تقسم  ايضا اربع راح تصير عدنا ٨مثلثات مثل ممبين بالصور نترك البوريك يتخمر لمدة نصف ساعة بعدها ندهن الوجة بالبيض المخفوق مع قليل من قهوة او فانيلا ونرش الوجة بالسمسم وحبة البركة ونخلها لفرن ساخن بحرارة ١٩٠ تقريبا ٣٥ الى ٣٠ دقيقة والف عافية
ايمان








محاشي دايت

محاشي دايت
المواد
كوسة
باذنجان
طماطة
فلفل الوان
فلفل حار
الحشوة
لحم مفروم بدون دهن
ملح وفلفل اسود وبهارات مشكلة
ملعقة كبيرة معجون طماطة
2ملعقة كبيرة دبس الرمان
خضار مفرومة ناعم   من داخل الخضار الي حفرناها باذنجان وكوسة وطماطة
بقدونس ونعناع مفرومين ناعم
ثوم مهروس

اول خطوة نحفر الخضار ونغسلها
نحضر الحشوة ونخلطها كلها سوية ونبدي نحشي الخضار بالحشوة
بقدر نضع 2ملعقة كبيرة زيت زيتون ونضع بااسفل القدر خضار مفرومة ورشة ملح وفلفل اسود
ونبدي نرتب الخضار فوق الحشوة ونضع صحن وثقل حتى الخضار بالبداية اثناء الطبخ تبقى محافظة على شكلها
على جهة نسخن ماء ونضع بيه تمر هند ومن يغلي نرفعه ونعصر المزيج ونصفيه ونصبة فوق الخضار نضع الخضار على النار اول نصف ساعة وبعدها يرفع الثقل وننصي النار الى ان تستوي تقريبا ساعة تكون جاهزة والف عافية
اكلة صحية وطيبة
ايمان









سلطة الحمص


سلطة الحمص
حمص مسلوق
بصلة مفرومة ناعم 
ليمون 
حبة طماطة مفرومة ناعم
رشة ملح وكمون
رشة زيت زيتون
بقدونس ونعناع مفروم
اول خطوة نفرم البصل ونضيف له  عصير الليمون ونتركة دقائق وبعدها نضيف اله بقية المواد ونتبلة بالملح ورشةكمون وعصير ليمون  ورشة زيت زيتون ويخلط سوية وبعدها نتذوقة ونعدل الطعم والف عافية
ايمان

تبسي دجاج

تبسي دجاج

دجاجة قسمتها نصفين تنظف و تغسل وبعدها اضيف الها خل ابيض واتركها لعشر 

دقائق واغسلها 

اضعها بالتبسي مع بطاطا وبصل وشرائح ثوم ونصف علبة طماطة معلبة مقطعة

 وبعدها اتبلها بملح وفلفل اسود وليمون وثوم بودرة وبابريكا وصاص واتركها ساعه 

وبعدها ادخلها الفرن تقريبا ساعة ونص وتكون جاهزة ووعوافي


ايمان

تبسي دجاج بالكاري




تبسي دجاج بالكاري


اول خطوة انظف الدجاجة واقطعها الى اربع اقسام واضعها بماء اسلقها نصف سلقة بس اشيل الزفارة منها وابقيها عشر دقائق او اقل على النار ومع ماء السلق اضيف ورق غار وقرنفل وهيل وملح

اهناصورة 1 بعد السلق

اغسل البطاطا واقطعها حلقات وبملعقة زيت قليتها بالمقلاة المغناطيسية وبعدها حمست حلقات البصل وثوم
احضر خليط البهارات عبارة عن كاري وكركم وفلفل اسود وملح وثوم بودرة ونومي

بصرة مطحون(ليمون مجفف) واخلطه كلة واضيف خل للخلطة



قليتها للبطاطا  على الجانبين

ارتب حلقات البطاطا وفوقها الدجاج والبصل واضيف البهارات والخل وقليل من مرق الدجاج 

الي سلقته بيه وادخله الفرن تقريبا ساعة ويتحمر بعدها ويكون جاهز



ويصير جاهز اهنا الف صحة وهنااااااااااا

ايمان





Tuesday, 2 April 2013

باتيه الجبن

باتيه الجبن
العجينة عبارة عن
٤كوب طحين
ملعقة كبيرة خميرة
ملعقة كوب سكر
رشة ملح
رشة بسيطة محسن الخبز اذا اتوفر عدكم ينطي هشاشة للمخبوزات
٣ملاعق كبيرة حليب باودر
٣ملاعق كبيرة زيت
ماء دافى للعجن تقريبا كوب
حسب حاجة العجين
زبدة لداخل العجين
جبنه بيضاء او شيدر
نخلط بالبداية المواد الجافة عدا الخميرة  وبعدها نضيف الخميرة بالوسط ونضيف الها قليل من ماء دافى ونتركه دقائق ترتفع الخميرة وبعدها يخلط ونبدي نضيف الماء الى ان تكون عجينة نوعا ما قوية ونضيف الها الزيت 
تعجن  العجينة جيدا ونغطيها ونتركها تتخمر لمدة ساعة  بعدها نرش القليل من الطحين نفتح العجين بشكل مستطيل
نضع الزبدة بداخل العجين نوزعه اهنا اني مضفت كمية كبيرة من الزبدة حتى لاتصير دسمة زيادة
نطبق العجين طبقتين وبعدها  نطبقهم ايضا راح تصير ٤طبقات مثل صورة٧ نفتح العجين وبعدها ايضا نطبقها بنفس الطريقة  بالعكس
نلف العجين وندخله الثلاجة يبرد ل١٠ دقائق ونرجع نفتحها بنفس الطريقة ونطبقها  راح تصير  عدة طبقات مثل صورة٩
بعدها نقطع العجين ونبدي نفتحها على شكل مستطيلات
نضع الحشوة بداخلها ونلفها ونتركها بصينية الشوي لمدة ٢٠ دقيقة او اكثر ترجع تتخمر ويتضاعف حجمها
نسخن الفرن بحرارة ١٩٠  ونمسح وجة الباتيه بالبيض المخفوق مع رشة فانيلا وندخلها الفرن نشويها الى ان تتحمر والف عافية
ايمان(ام حمزة
ملاحظة بحالة من نفتح العجين وطلعت الزبدة برة العجين نحاول نسدها بقليل من الطحين وندخل العجينة للثلاجة تبرد



السميط


سميط

3كوب طحين

ملعقة صغيرة ملح

ملعقة كبيرة خميرة فورية

ملعقتين صغيرة سكر
 
4ملاعق كبيرة زيت

بيضة

ماء دافئ للعجن

نخلط المكونات الجافة في عجانه او بايدكم
ونضيف الزيت والبيضة مع الخلط ونبدي نضيف الماء الدافى الى ان تتكون عجينة ملساء ونتركها تتخمر ساعة وبعدها نقطعها الى دوائر ونشكلها مثل هالاشكال او الشكل الي تحبوة ونغطيها وهم نتركها نص ساعة تتخمر وراها نسخن ماء على النار  ومن يبدي يغلي
ونبدي نضيف وحدة ونبقيها اقل دقيقة مع تقليبها على الجهة الثانية نرفعها من الماء المغلي ونضعها على صينينة الشوي بدون مانجففها ونرش عليها سمسم او حبة بركة ونشويها بالفرن لحد مانشوفها تحمرت
والف عافية
ايمان








كيكة الشكولاتة بالقهوة


نوران الكاظمي
كيكة الشكولاتة بالقهوة

2ملعقة كبيرة قهوة\كوب ماء ساخن\كوب روبة\ 2\1 كوب زيت\ 2كوب سكر\ 2 بيضة\ ملعقة صغيرة فانيلا\ 2 كوب طحين\ 2 ملعقة صغيرة بيكاربونات الصودا\ 2\1 ملعقة صغيرة ملح\ ملعقة صغيرة بيكنباودر\ 4\3 كوب كاكاو باودر
كريمة القهوة:كوب زبد\ ملعقة صغيرة فانيلا\ 4 و2\1 كوب سكر مطحون\4 ملعقة كبيرة حليب سائل\ 4\3 كاكاو باودر\2ملعقة كبيرة قهوة \ 4\1 كوب ماء ساخن\ للتزيين شكولاتة مذابة
الطريقة:نذوب القهوة بالماء الساخن
نضع كل مكونا ت الكيك في وعاء الخلاطة مع بعض ونخفق بمضرب الشبك مع اضافة القهوة الساخنة ونخفق 3د

نوزع الخليط في قالبين واذا ما متوفر نشوي نص المقدار وبعدها نشوي الباقي
نشوي بدرجة حرارة 180 لمدة 30 الى 35 د
نجهز الكريمة: نذوب القهوة بالماء الساخن \نضع السكر والزبد والكاكاو في وعاء الخلاطة والافضل ننخل الكاكاو ونبدي نخفق بمضرب الشبك مع اضافة حليب وقهوة شوي شوي بحيث نتحكم بكثافة الكريمة بحسب ما نرغب
بعد ما يبرد الكيك نحشى بالكريمة ونوزع الكريمة على وجه وجوانب الكيكة ونزيينها بالشكولاتة المذابة حسب ما نرغب

وجوة الشوكولاتة

بسكويت وجوه الشوكولاتة
بسكويت لذيذ ويحبوه الاطفال
مقادير
4كوب طحين
رشة ملح
6ملاعق كبيرة زبدة بدرجة حرارة الغرفة
فانيلا
بيضة واحده
ملعقة كبيرة خميرة
5ملاعق كبيرة سكر
حليب  سائل دافى تقريبا كوب  حسب احتياج العجين
 الحشوة شوكولاتة

العمل
نضيف رشة الملح للطحين ويخلط وبعدها نضيف الزبدة ويخلط سوية الى ان تجانس الزبدة مع الطحين
بالوسط نضيف الخميرة والسكر وفوقها قليل من حليب دافى
ونتركها دقائق ترتفع الخميرة وتخلط بعدها مع الطحين نضيف البيضة وفانيلا وبعدها نبدي نضيف الحليب السائل مع العجن ونشوف شكد يحتاج العجين  حليب الى ان تتكون عجينة طرية ومتماسكة
نغطي العجين ونتركها تتخمر ساعة وبعدها نفتحها الى اقراص صغيرة
تحشى بالشوكولاتة ونغلقها ونشكلها على شكل دائرة
نمسح الوجة بالبيض المخفوق وبالوسط نلصق دائرة صغيرة جدا راح تصير الانف   وندخلها نشويها تقريبا 15 دقيقة بحرارة 180 بعدها نترك الببسكويت يبرد وثم بالشوكولاتة السائحة نرسم ونشكل العيون والفم ونرك الشوكولاتة تبرد وتقدم بالف عافية
ايمان


الوصفات الشائعة

counter

Flag Counter

 

أشترك معنا عن طريق الايميل

X