بدنك البرتقال

بدنك البرتقال :لكل كوب عصير برتقال طازج ملعقة كبيرة نشا وسكر

هم نذوق حلاته اذا البرتقال من النوع الحامض نزيد كمية السكر

اللي يحبه شويه مايع يكدر يقلل كمية النشا

نذوب النشا والسكر بالعصير ونخليه عالنار ويحرك الى ان يثخن المزيج

صبيته باقداح الآيس كريم وبردته بالبراد

ندى

اقرأ المزيد

حلاوة الحليب

حلاوة الحليب

من ندى

 :المقادير لصحن واحد فقط :3 استكان حليب باودر +1استكان طحين ابيض صفر 

+2 استكان زيت سائل ومقادير الشيرة (3 استكان سكر +2 استكان ماء وربع ملعقة شاي ليمون دوزي حامض )

نعمل الشيرة وتكون خفيفة مثل شيرة الكاهي يعني بس تفور فد فورتين او ثلاثة ونخليهه تبرد بعدين نخلي الزيت بالجدريه عالنار ونضيف اله الباودر حليب والطحين ونسهيه لمن يصير لونه اشقر

نطفي النار وندير الشيرة الباردة عالمواد و نخوطهه زين وما تتكون بيهه كرات جامدة الى ان تمتزج المواد جيدا ونرجع نفتح النار ونقلب بيهه دقائق لمن تثخن

هنا صبيتهه بالصحن ونخلي مكسرات والحقيقة اني مخلصة اللوز بالبيت فخليت بداله لب جوز

اقرأ المزيد

فاهيتا لحم

فاهيتا لحم
شرائح لحم عجل حبل الظهر
بصل
فلفل الوان
فطر
بهارات فاهيتا
واستعملت صلصة ورشستر
خل ابيض
ملح وفلفل اسود وفلفل حار
جبن شيدر
خبز التورتيلا
اول خطوة ضفت فوق شرائح اللحم خل ابيض وتركته نصف ساعة
على نار عالية بمقلاة حمرت اللحم مع التقليب من اتحمر ضفت له ماء قليل وغطيته الى ان يستوي اللحم وينشف الماء اضيف قليل من الزيت واضيف شرائح البصل واقلبهم سوية الى ان يستوي البصل اضيف الفلفل الالوان واقلب وبعدها اضيف الفطر
اتبل الخليط بالملح والفلفل واضيف بهارات الفاهيتا وصلصة الورشستر واتركه على نار لدقائق تستوي الخضار وياخذ طعم البهار وارفعه
احضر خبز التورتيلا بمقلاة ساخنة اضعه لثواني  وارفعه
اضع شريحة خس وطماطة  ومخلل خيار وفوقها خلطة اللحم وجبن الشيدر والف الخبز واضع الخبز بالشواية يتحمر ويقدم بالف عافية

ايمان

اقرأ المزيد

الكبة المشوية الموصلية

الكبة الموصلية المشوية  من صديقتنا memo al asal

مقادير العجين

كوب برغل وسط 

كوبين جريش ناعم 

ملعقة صغيرة ملح 

رشة كمون

رشة فلفل اسود 

وممكن تضيفون ربع كيلو لحم مفروم وياها اني مضفت حسب الرغبة 

الطريقة 

نضيف الماء على الخلطة شوية شوية ونتركها عشر دقائق نجي نضيف عليها ماء بعد تكوم تصير مثل التراب ونتركها ربع ساعة فد اربع خمس مرات او اكثر كل ربع ساعة نضيفلها ماء الى ان تصبح عدنة عجينة متلابسة تخلون العجين بمثرامة اللحم حتة تتلابس اكثر وتصير ناعمة كلش وتكدرون بدون مثرامة عادي بس علمود العجينة تصير كلش ناعمة وتتلابس اكثر نكمل الكمية ونكون محضرين حشو بصل مثروم 

لحم مثروم 

بهارات مشكلة ملعقة صغيرة 

كمون 

فلفل اسود

ملح 

وممكن اضافة لوز وكشمش حسب الرغبة ولازم الحشو يكون بارد يلة نضيفة عالعجين

نضيف زيت زيتون بتبسي او صينينة وناخذ نص العجينة نخلي جواها نايلون وفوكاها نايلون ونفردها بالشيبك على كد الصينية الى ان تصير خفيفة نسحب النايلون من صفحة وحده ونخليها بالصينية ونخلي الحشوة عليها والنص الثاني نفس النصف الاول نسوي بالشيبك ونخلي عليها ونغلقها من الصفاح ونمسحها بزيت الزيتون وندخلها الفرن نص ساعة او اكثر تستوي اني فتحت الفوك والجوة والي متكدر تفتح الجوة وبعدها تحمرها من فوك وكلش طيبة 

وبالف عافية 

انتظروني باطباق اخرى

اقرأ المزيد

فطائر اللحم

نوران الكاضمي

فطائر باللحم

العجينةالذهبية:2و2\1الى 3 كوب طحين\ 2\1 كوب روبة\ملعقة كبيرة خمرة\ملعقة صغيرة بيكنباودر\4\1 كوب زيت \2\1 كوب حليب سائل\ ملعقة صغيرة ملح\ ملعقة صغيرة سكر

نخلط المكونات الجافة مع الطحين ونضيف السوائل ونعجن لحد ما تتكون عجينة ناعمة وطرية نغلفها ونتركها تختمر

الحشو:لحم مثروم حمسته وضفتله بصل مثروم وفلفل اخضر مثروم مع الاستمرار بالحمس وضفت وكركم وكاري لحم وسبع بهارات وفلفل اسود وشوية شطة مجروشة وملح وبالاخير ضفتله طماطة معلبة وتركتة على النار لحد ما نشف مايه

بعد ما اختمر العجين قطعته قطع صغيرة وفردتها بشكل بيضوي وفرجت الاطراف ببياض البيض وزعت الحشو بكل قطعه وقفلت الاطراف وتركت الوسط مفتوح وصفطتها بالقالب وخليت تحتها ورق شوي وتركتها ترتاح 10 ال15د وفرجتها بصفار بيض مع شوية حليب وفانيلا وشويتها

اقرأ المزيد

بركر لحم

بركر لحم

نصف كيلو لحم عجل فخد  مفروم ويكون بدون دهن او نسبة الدهن بسيطة  بيه

 اضيفلة فص ثوم وملح وفلفل اسود وبهارات بركر ورشة كبابة وقليل من البقصم تقريبا ربع كوب

واعجنها زين سوية

وراها اسويها اقراص  واشويها اما على مقلاة تيفال فقط امسحها بالزيت او اشوية

 بالفرن او شواية  او على الفحم طبعا الاطيب 

بديت اشويها بمقلاة تيفال واضغط على البركر حتى لا تنكمش

وتقريبا كل جهة دقيقتين مايطول هواية ويكون جاهز 

نخلط مايونيزمع كاتشاب وخردل ونخلطهم سوى

نقطع البصل الى حلقات ونشويها بنفس المقلاة الي شوينا بيها البركر
نقطع حلقات الطماطة والمخلل والخس ونحضر الجبن السلايس
نفتح الصمونة وندهنها بالخلطة وبعدها نضع حلقات البصل والطماطة والمخلل وقطعة البركر وبعدها الجبن وندخل السندويش دقيقة شواية يذوب الجبن والف عافية
ممكن نضيف لية للحم راح ينطي نكهة للبركر
ايمان

اقرأ المزيد

تيراميسو

تيراميسو
المقادير
٢٥٠  مل كريمة خفق
٢٥٠ غم جبنة ماسكربون
علبة قشطة هاي اختياري
بسكت الاصابع
فانيلا
نسكافية او قهوة
سكر بودرة حسب الرغبة
العمل
نخفق الجبنة مع سكر البودرة لدقيقة  وبعدها يضاف فانيلا وقشطة ويخفق
بعدها نضيف كريمة الخفق وتكون باردة جدا ويخفق المزيج الى ان يتضاعف حجمة مثل صورة٥
نحضر النسكافية نصب عليه ماء دافى ونخلطة
نحضر قالب متحرك الي نسوي بيه جيز كيك
ناخذ البسكويت ونضع علية قليل من مزيج ونصفة بجوانب القالب حتى يلصق بالقالب بعدها نبدي نغمس البسكويت بالنسكافية ونصفطة بالقالب طبقة كاملة ونصب من مزيج الكريمة فوقه ونفس الشي نكرر العملية حسب الرغبة والى ان ينتهي عدنا المزيج ندخل قالب التيراميسو للثلاجة  اقل شي خمس ساعات يبرد ويتماسك وبعدها نطلعه من القالب ونرش كاكاو على الوجة والورد بواسطة قالب حطيته ورشيت سكر بودرة وصحة وهناااااااملاحظة بحالة مااتوفر جبنة ماسكربون ممكن الاستعاضة عنه بجبنة فيلاديفيا وحتى جبنة كيري هم مجربتها وطعمها طيب وياه تستخدمون قشطة طازجة

ايمان

اقرأ المزيد

نزول الاسبوع الاول

المتسابقة ولاء النزول 600غم
المتسابقة ايمان النزول 500غم
المتسابقة زهراء 300غم
المتسابقة نهر النزول  3,400كيلو غرام
المتسابقة ميمو 400غم
لمتسابقة هدى النزول 2.8 كيلو غرام
المتسابقة  رواء النزول 600غم
المتسابقة نوران النزول 400غم
المتسابقة شوشة ماكو نزول
المتسابقة شهد 4كيلو  غرام
المتسابقة فرح 1.400غم
المتسابقة ديما النزول كيلو غرام واحد
المتسابقة رشا 2.100 كيلو غرام
المتسابقة مي النزول 3كيلو
المتسابقة لينا 500غم

اقرأ المزيد

بقلاوة وبرمة

مسااااااااااااااااااااء الخير شلونكم حبايب .. مشتاقتلكم اليوم كله اني ملتهيه بالمطبخ بس منسيتكم كلت خلي احلي فمكم وانزللكم البقلاوه وباقي انواع القلاواااااات ههههه لان المره الي فاتت نزلت البقلاوه وبدون مقادبررررررر او وعدتكم اسوي من جديد بقلاوه وانزلها .. المقادير حبايب ميرادلها اي تكلفه هي عباره عن عليه من البورك او الكلاش - و200 غرام جوز -- و150 غرام فستق -- وبطرف الملعقة قليل قليل جدا قرفه او الدارسين - 3 حبات هيل - وهناااااا المصيبه يحتاجلكم زبددددددددد طبعااااا ههه بس اني معليه انتو ردتو طريقتي والي هي طريقة الحلوانيه يحتااااااج كووووووووومه زبدددد يعني 250 غرام زبده علبه كامله - وملعقتين اكل سمنه لازم سمنه بنات لان الطعم يختلف جداا جداا هسه نكتب طريقة الشيره او القطر وهي :: 2 كووووب سكر ملعقتين عسسسسسسسسل وهنا السر طبعا و3 حبات هيل الي ذكرتهم باالبدايه - كوب وكوبين ماء - عصرت ليمون -وهسه تعالو كالعاده ويايه للمطبخ تتعلمون البقلاوه واهلا وسهلاااااا بيكم حبايب ,,,,,,,,,,,,,,,,,ميمي
------
هنا ضفت كل مقادير الشيره مره وحده وتتركوها تغلي الى ان تصبح جاهزه وهسه اكولكم ليس العسل وشسوي ..... يامحفوظين الخير والسلاااااااااااااامه العسل ميخلي البقلاوه تعجن يعني تبقى مقرمشه ليششش لتسالوني هههه ,,,,,الصوره تتبع ...ميمي
------
هنا طحنت الجوز مع رشه القرفه وملعقة اكل سكر وفقققققققط ...الصوره تتبع...ميمي
------
هنا مثلا العجينه مالت البورك او الكلاش الخاص بالبقلاوه يكون عدد طبقاته 10 فتقسمون 5 ب5 اوكييييي تخلون 5 طيفات بالصينيه لجوه طبعا من غير متدهون الطبقات وحده وحده ودوخه وتخلون الطبقات مره وحده وطبعا على كد الصينه وتضبطوها ,,,,الصوره تتبع ...ميمي
-----
هنا حطينه الجوز كل الكميه حوالي مقدار كوبين وهنا تصبون على الجوز تقريبا نص كوب من السمن والزبد بعد ماساح على نار هادئه .... الصوره تتبع ...ميمي
----
هنااااا راح اعلمكم سر من اسراري في الطبخ هههه وهي اهم نقطه تخفقون 2 صفار بيض وتوزعوه على الجوززززز ...الصوره تتبع ...ميمي
------
هسه راح اكولكم ليش صفار البيض وشنو يفيد حبيباتي انتو متلاحظون من تشترون البقلاوه الجاهزه تكون الحشوه متتفرط او تطله من تشتروها تكون لازمه مووو هسه عرفتكم شنو يسوي صفار البيض ودعولي مو تنسون من تسوهااااا
-----
هنا غطيتها باقي الكلاش او البورك وقطعتها
--------
هنااااااااااااااااااااااا السرررر الحقيقي تغركوهاااا بالزبد والسمنه بهل الطريقه حبيباتي هاي اذا يعجبكم تاكلون بقلاوه بطريقه الصحيحه هههههههههه اني معليه
-------
حبيباتي اهم شي تصفون الشيره او القطر هاي الخطوه مال محترفين واتمنى طبقوهااا
-----
شفتوووووووووووووووو الارتفاااااع مالت البقلاوه هو هذا سر كميه الزبد وصفار البيص حبايب وعافيات حبيباتي على قلبكم وتدللون عليه انتوووو
--------
هنا بالفستق البرمه وطريقة الفستق نفس الجوز
---------
وبهل الشكل تبرموهاااا
----------
وتسوها ورده ياورده انتووو واني
----------
هنا اكيد ميمي دائما عدها اختراعت هاي الظفيره بالبقلاوه عود كولولي شليفيها عد احد هههههههههههه تبرمون 3 بفس طريقه الوره بس بدل ماتلفوها هنا شكلوها 3 حبال
-------
وهاي الظفيره ..
-------هنا بالعوده سويت برمه
---------
وهنا خرطتها
--------
هنا مني برمه واهم نقطه حبايب تدهنون الشرايط وبعدا تدهون بالماء ليشششششششش لان هايه كلش صغيره وتستوي بسعه فالماي ميخليها تحترك ههههههااا شلوني مو داعلمكم اني اشياااء مفيده
--------
وهاي الصينه راح تدخل الفرن وهنا هم غركتها بالسمنه والزبد ,,,واهم نقطه بنات تخبزوها على درجه حراره 150 مو عاليه النار لان متطله 100%100 مستويه من جوه
-------
هنا المفاجئه الحلوه هنا سويت علبه وهاي لمستي الي دائما اغدر بيها الخطار لان ميعرفون البقلاوه مال بيت عبالهم مشتريتها ههههههههه حبابه اني موووو ؟؟؟
------------
شوفو داخلها بناااااات تجنن تصير والطعم ولا اروع ,
------------
وهنا الوردات خلصت وقدمتها بهل الطريقه
--------
واخيرااااااااااااااااااااا خلصت البقلاوه طم ططح طم طح طم ططح طم طح هههههههههههه هيجي حبايب ترتبوها وتقدموها بطريقه راقيه وحلوه ومرتبه ...هااااااا شوني مو اخبلللل ههههههه اريد لايكااااااااات اليوم للصبح
------
وهاااااي العلبه البقلاوه كيلو 20 دولاررر يله من يريد يشترررري ههههههههههه وعافيات حبايب ,,,,,من شيفتكم ميمي
------------
وهايه الظفيره حبايب نسيت انزلها بمجموعه صور البقلاوه اليتيمه بقت شوفو الظفيره الرهيبه .

اقرأ المزيد

كيف نقيس الوزن بالميزان المنزلي

يقع الكثير من المستخدمين في الكثير من الأخطاء عند استخدام ميزان الوزن مما يعطي نتائج خاطئة أو غير ثابتة مما قد يسبب إحباطاً لدى المستخدم. في هذه المقالة سنتعرف  على الطرق الصحيحة لقياس الوزن.
وقت قياس الوزنأكبر خطأ يقوم به الكثير هو القياس بشكل يومي، بل البعض يقيس عدة مرات في اليوم الواحد. هذه الطريقة خاطئة حيث أن الجسم يقوم بعدة تغيرات في اليوم. كأس الماء قد يسبب اختلاف الوزن. لذلك القياس اليومي لا يعطي فرصة للجسم للتغير. هذا الثبات و عدم التغير يسبب احباط لمن يقوم بحمية حيث أنه يلاحظ أنه وزنه لم يتغير منذ الأمس. و بالطبع الوزن لن يتغير خلال عدة ساعات. لأخذ قياس دقيق و صحيح قم بالتالي1 -اختر يوم محدد في الأسبوع للقياس.

2- اختر وقت محدد للقياس، ومن الأفضل القياس في الصباح بعد النهوض من النوم واستخدام دورة المياه وقبل الإفطار.

3- ضع الميزان على أرضية صلبة و غير مائلة مثل أرضية الحمام ولا تحرك الميزان. يجب أن تقيس كل مرة في نفس الوضعية.

4- ألبس نفس اللباس أو لباس مقارب في كل مرة تأخذ قياسك، قياس الوزن بحذاء + ثوب + شماغ أو بحذاء + فستان لن يعطي نفس النتيجة عند القياس بقميص فقط.
استخدم ميزانك فقطلا يوجد ميزان يعطي قياس مطابق لميزان آخر، هذا شبه مستحيل. كل ميزان سيعطيك قراءة مختلفة حتى وإن كان الاختلاف بسيط. لذلك لا تهتم بما يقوله الميزان الآخر، استخدم ميزان واحد فقط واعتمد عليه لقياس وزنك و مدى تقدمك. إذا أشار لك هذا الميزان بانك فقدت 1 كيلوجرام في هذا الأسبوع، ومن ثم ذهبت وقست في ميزان مختلف و أوضح بأنك لم تفقد هذا الكيلوجرام، بل ربما كسبت نصف كيلوجرام إضافية، فلا تصب بالإحباط، كل ميزان مختلف عن الآخر في القراءة. اختر ميزان واحد و اعتمد على قراءته.
اهتم بالتقدم وليس الرقملا تعتمد كثيراً على الرقم نفسه ولكن اعتمد على التقدم. بمعنى إن أخبرك الميزان أن وزنك 95 كجم وبعد أسبوع أخبرك الميزان بأن وزنك 94 كجم فهذا يعني أنك خسرت 1 كيلو من وزنك. ولكن هذا لا يعني أنك بالضبط 94 كجم، فقد يختلف الوزن الحقيقي لأعلى أو لأقل بشكل بسيط، ولكن هذا لا يهم، ما يهمك أنك خسرت 1 كيلوجرام. لذلك نكرر نصيحتنا، استخدم ميزان واحد فقط و اعتمد على التقدم وليس الرقم بالضبط.

لا تقس بعد الأكل

بلا شك القياس بعد الأكل يؤثر على وزنك بشكل مباشر، لذلك من الأفضل القياس في الصباح قبل الإفطار وقبل أكل أو شرب أي شيء.

لا تقس بعد التمارين الرياضية

بعد التمرين قد يحصل عدة أمور، فيمكن أن تشد العضلات بشكل مؤقت بعد التمرين مما يزيد من الوزن عند القياس. أو من الممكن أن يفقد الوزن كمية من السوائل فستجد القياس أقل ولكنك ستستعيد ما فقدته مباشرة عند شرب الماء. لذلك لا تقس بعد التمارين، وأحياناً إن تمرنت بشدة وقست في الصباح بعد ليلة من التمارين فتوقع أن لا تكون النتائج دقيقة حيث أن العضلات قد تكون مشدودة.

انظر للصورة الكبرى

حتى وإن قست بشكل أسبوعي أحياناً لن يتضح كم فقدت إلا بنهاية الشهر، لذلك لا تصب بالإحباط إن وجدت أن وزنك لم يتغير خلال أسبوعين. فالنتيجة النهائية أحياناً تأخذ وقتاً أطول ولا تظهر بشكل مباشر، واحكم على تقدمك بشكل شهري. 


منقول 

اقرأ المزيد

مخلمة مشوية بالخضار والجبن

مخلمة  مشوية بالخضار والجبن
المواد حسب الرغبة
اهنا استعملت
تقريبا نصف كوب لحم مفروم
حبة بصل اخضر
نصف فلفلة حمراء
نصف فلفلة خضراء
فطر
4بيض

ملح وفلفل اسود

جبن موزريلا او شيدر
اول خطوة نقطع الفطر بعد ان نمسحه بكلينس المطبخ ويكون رطب  اقطعه واصفه بقالب مدهون بالقليل من الزيت ورشة ملح وفلفل اسود
على جهة احمر اللحم بقليل من الزيت الى ان يستوي واضيف له بصل الاخضر ورشة ملح وفلفل اسود
اصبه فوق الفطر
واقطع الفلفل واضيفه فوقهم وبعدها اضيف البيض ممكن نخلطه للبيض ونضيفة او مثل مسويت يبقى عيون واضيف فوق البيض رشة ملح وفلفل اسود
ادخلهم الفرن الى ان يستوي البيض تقريبا 15 دقيقة بعد مايستوي اضيف على الوجة جبن وارجعة الفرن دقائق ويصير جاهز
الف عافية مخلمة من اختراعي غير شكل هههه تنفع كوجبة عشاء او فطور يوم الجمعة 

ايمان

اقرأ المزيد

فته دجاج

فته دجاج 

طبقة الاولى خبز لبناني مقطع و محمص

 وبعدها حمص مسلوق 

بطاطا فنكر 

وصدردجاج  مشوي  او مسلوق حسب المتوفر

والطبقة الاخيرة لبن وراشي (طحينة) وليمون وثوم وعلى الوجه صنوبر محمص

والف عافية

ايمان

اقرأ المزيد

كباب ملوكي

كباب ملوكي

اول شي نحضر خلطة الكباب اللي هية لحم مفروم وشوية بيه دهن وبصلة وملح وفلفل وشوية بهارات ومعدنوس واللي يحب يحط فص ثوم مهروس

نسوي اقراص الكباب ونشوية بالفرن

شوينا الكباب ونرفعة على جهة بنفس الصينية راح اسوي كباب ملوكي

حمصت الخبز بالفرن لحد ماتكسب

نسوي خلطة عبارة عن بصل محموس مع فلفل اخضر وطماطة نحمسهم على نار  بشوية زيت مع رشة ملح وفلفل اسود

صفطت الخبز بالصينية وفوقها الكباب

ضفت خلطة الطماطة والبصل والفلفل وضفت سماق فوقه مطحون 

ورشيت معدنوس فوقه

خليت الخبز المكسب الباقي فوقه وسويت خلطة عبارة عن معجون طماطة مخفف بالماء ودرت فوقه ورشيت معدنوس مثروم وبالفرن

وهاي الكباب الملوكي صار جاهز تقريبا نص ساعة بالفرن واحمر الفوق وراها

والف عافية 

طبعا  طريقتي صحيه وبدون قلي الخبز ولا اضافة زيت للكباب اثناء الشوي

ايمان

اقرأ المزيد

شوربة العدس الاخضر

شوربة العدس الاخضر
اول خطوة ننقع العدس لساعة وبعدها نضعه مع كمية من الماء يغطيه على النار الى ان يستوي
بقدر ثاني نحمر بصل  وبعدها نضيف اله العدس المسلوق ويقلب ونضيف له  ماء عادي او ماء لحم ونضيف قطعة ماجي
ونتركة على النار ويهرس بعدها وثم نضيفله قليل من الرز البسمتي ونتركة يستوي
اخر شي نتبل الشوربة بالملح والفلفل الاسود  ومن تبدي تثخن تصب وتقدم مع الخبز المحمص  وعصرة ليمون  والف عافية
ايمان

اقرأ المزيد

روست بالخضروات

روست بالخضروات

التتبيلة عبارة عن بصلة و4فصوص ثوم 1فلفل حار 4بصل اخضر

زنجبيل قطعة صغيرة ملح فلفل اسود خل زيت زيتون قرنفل رشه واي نوع بهارات اذا 

تحبون كلها بالخلاط نخليها حتى تنهرس

اللحم عبارة عن فخد منزوع العظم تقريبا كيلو

رشيت عليه ملح وفلفل اسود وثوم بودرة

وبعدين ضفت التتبيلة  وتركتها نصف ساعة الى ساعة

لفيت اللحم اسطوانة وهاي بس تشكيل بعود الاسنان حتى اكدر اربطها بالخيط

ربطتها بعدها بخيط المطبخ بصورة محكمة حتى ياخذ شكل  

استعملت كيس الشوي

وضعت  اللحم بكيس الشوي وقطعت خضروات بصل بطاطة جزر وضفت باقي 

الخليط فوقه وشوية ماء

سديت الكيس وقصيت بالجانب حتى يطلع البخار ودخلتها الفرن تقريبا ساعة ونص الى ساعتين بحرارة 210

بعد الشوي اتركه عشر دقائق ونوخر الخيوط ويقطع ويقدم بالف عافية

ايمان

اقرأ المزيد

صدر الدجاج بالبرغل والخضار

صدر الدجاج المحشو بالبرغل والخضار

صدر دجاج اهنا استعملت 2
نصف كوب برغل خشن
خضار حسب الرغبة
اهنا استعملت فلفل الاحمر بصل اخضر  فص ثوم
وبقدونس
ملح وفلفل اسود وبابريكا ورشة كمون وليمون حامض
وملعقة كبيرة زيت زيتون ضفتها للحشوة
بالبداية اضيف فوق الدجاج خل ابيض واتركه نصف ساعة
بعدها اضعه بكيس وبواسطة مطرقة الطعام ادق الدجاج الى ان احصل على قطعة دجاج متساوية وخفيفة نوعا ما
ارش عليها رشة ملح وفلفل وبابريكا
احضر الحشوة
انقع البرغل لمدة نصف ساعة
افرم الخضار ناعم واضيفه للبرغل واتبله حسب الرغبة واضيف له ملعقة الزيت زيتون واقلبه
ابدي اضع من الحشوة بوسط الدجاج والفها وبنهاية اللفة اضع عود اسنان وبعدها اغلف القطعة بورق الفضي حتى ياخذ شكل
اضع القطع بصينية الشوي واشويها بالفرن تقريبا نصف ساعة بعدها ارفع الورق واعصر نصف ليمونه فوق الدجاج واتركه يتحمر على الوجهين  ارفعه اتركه لدقائق وبعدها يقطع ويقدم بالف عافيةةةة
اكلة خفيفة وطيبة ومشبعة
ايمان

اقرأ المزيد

شابورة الرشاقة

شابورة الرشاقة
2كوب طحين اسمر
2بيض
نصف كوب سكر اسمر
كوب شوفان
ملعقة كوب بيكنك باودر
رشة ملح
حليب سائل ملعقة كبيرة ويمكن ميحتاج انتو تشوفوها لعجينة
3ملاعق كبيرة زيت زيتون
العمل
نخفق البيض والسكر والزيت ورشة ملح لدقيقة وبعدها نضيف طحين الاسمر المخلوط بالبيكنك باودر ويضاف الشوفان ونشوف العجينة تكون ثخينة  بس شوية تلصق بالايد   يجوز ميحتاج حليب سائل
بعدها نسمح ايدنا بالماء ونفرش العجينة  على ورق الزبدة وندخلها لفرن بحرارة 180 تقريبا 20 دقيقة مع ملاحظتها من يستوي الجوة نشغل النار الفوق ونحمرها  بعدها نتركها تبرد لعشر دقائق
بعدها تقطع الى مستطيلات رفيعة والمستطيلات تقسم الى اثنين ونضعها على ورق الزبدة  نرجع ندخلها الفرن تقريبا على كل وجه خمس دقائق او اكثر يتحمص وبعد التحميص يترك ليبرد وبعدها يحفظ بحافظة مغلقة والف عافية
 صحي وطيب ولذيذ مع الشاي 

ايمان

اقرأ المزيد

سلطة الشمندر والملفوف

سلطة الشوندر واللهانة (شمندر وملفوف

اول خطوة يقشر الشمندر ويسلق الى ان يستوي يرفع ويترك ليبرد 

بعدها يفرم حجم وسط

نفرم ملفوف واستعملت البنفسجي شرائح خفيفة وضفت عليها عصير ليمون 

بعدها خلطتها مع الشمندر  وحضرت صوص عبارة عن 

لبن زبادي وفص ثوم مهروس وقليل من  راشي (طحينة  ورشة ملح وعصير ليمون ويضاف للشمندر والملفوف ويخلط سوية ويقدم بالف عافية
ايمان

اقرأ المزيد

لزانيا بصلصة اللحم والخضروات

لزانيا بصلصة اللحم والخضروات

صلصة اللحم نجهز واوراق اللزانيا

صلصة اللحم عبارة عن لحم مفروم يحمس الى ان يستوي ويضاف له بصل مفروم ناعم ويقلب الى ان يذبل البصل يضاف له ثوم مهروس وبعدها نضيف طماطة ومعجون ويتبل بالملح والفلفل الاسود 

 اوراق اللزانيا مسلقتها بس من مااسلقها احط سائل كفاية مع صلصة اللحم وفوق الللزانيا حتى تستوي بالفرن وصلصة البشاميل هم ماتكون ثخينة

ابدي ارتب الطبقات

طبقة صلصة اللحم والعجين والبشاميل والجبن ونعيدها

وبالوسط ضفت خضروات

طبعا هذة الخضروات حمستها اول شي باذنجان يقطع ويملح واحمسه بزيت زيتون على نار هادئة من يبدي يستوي اضيف بصل فلفل الوان واي نوع خضرة تحبون ممكن شجر او بروكلي واضيف ملح وفلفل سود

وارجع نفس الشي اسوي الطبقات وحسب الرغبة عدد الطبقات  واخر طبقة قطعت فطر طازج ورشة ملح وفلفل اسود

وبعدها صلصة البشاميل

وادخلة الفرن تقريبا 35 دقيقة او اكثر ومثل ماكلت نحط سائل كفاية حتى شرائح اللزانيا  يستوي  لان مسلقتها من البداية

قريب مايستوي برشت جبن بارميزان وارجعها الفرن تحمر وتكمل الاستواء

والف عافية
ايمان

اقرأ المزيد

معكرونة بصلصة الفريدو

معكرونة بصلصة الفريدو

مقادير صوص الفريدو

2ملعقة كبيرة زبدة

نصف كوب كريمة طبخ

ملح وفلفل ابيض

فص ثوم مهروس

ربع كوب جبنة بارميزان مبشورة

اول خطوة نذوب الزبدة و وبعدها الثوم يقلب  لثواني ويضاف كريمة الطبخ ورشة خفيفة ملح لان جبنة مالحة ورشة فلفل يترك على نار هادئة مع التقليب ثم يضاف جبن ويحرك الى ان يذوب وتكون صلصة ثخينة 

بعد ان حضرت الصلصة اكون متبلة صدر الدجاج 

بملح وبابريكا وفلفل وخل وشويتة  الى ان اتحمر

نغلي ماء ونضيف ملح ونضيف معكرونة الى ان تنسلق نرفعها ونصفيها ونضيفها الى الصلصة وتخلط سوية واتركها على نار هادئة لدقائق حتى المعكرونة تتشرب بالصلصة
بعدها يقدم ونقطع صدر الدجاج المشوي ونضيف رشة جبن برميزان والف عافية
ممكن اضافة الفطر الى الصوص حسب الرغبة
ايمان

اقرأ المزيد