Saturday, 9 March 2013

شاورما عربي

من مطبخ الصديق Hassan Dally

شاورما عربي
المقادير 

دجاجه كامله ولبن وراشي (طحينة) وليمون وبرتقال وبصل ورق غار وقرنفل وهيل

 وفلفل اسود غير مطحون كمون وكزبره ومايونيز وطماطه وكجب وطرشي

 ولهانه.وللتزيين خضراوات حسب الرغبه لهانه حمره جزر ليمون فلفل بارد اخضر واحمر وغيرها...

نقطع الدجاجه ناعم ونذب العظام وبل مقلاة نضيف ورق الغار والهيل والقرنفل والفلفل

 الاسود شويه نحمصهن بل مقلاة حته تطلع ريحتهن ونحطهن فوك الدجاج وبعدين 

نحط فوكاهن اللبن والراشي ونعصر ليمونه ونص ونص برتقاله والننصين الباقيات 

نبرشهن هنه والكشر بل مبراشه ونرش الكزبره والكمون وملح وشويه ماء ونعوف 

الخليط بل ثلاجه عل قليل 4 ساعات بعدين نحطها بل مقلاة ونغطيها الى ان تستوي

بعد ماتستوي الشاورما


نضيف الشاورمه عله الخبز وفوكاها لهانه وطماطه وطرشي ومايونيز وكجب


بعد مالفيناهن يصيرن بهل شكل صورة 4


نقليهن بل طاوة بهل طريقة





نقطعه بعد ماكليناهن بهل شكل صورة 7

نصفتهن عله كيفنه بعد التقطيع


هذة النتيجة النهائية





صلصة البشاميل


صلصة البشاميل

مقادير
ملعقتين كبار زبد
ملعقتين كبار طحين
كوبين حليب كامل الدسم او قليل الدسم
او خطوة نذوب الزبد بقدر فقط تذوب مانخليها تسخن
نضيف الطحين ونحركه حتى لايتكتل الطحين


على نار متوسطة يقلب كم قلبة لدقيقة مانتركة يتحمر الطحين ونبدي نضيف الحليب

اضيف الحليب مع التحريك السريع 

وبعدها اضيف رشة ملح و فلفل وماجي بودرة
ونظل نحركة الى ان نوصل الى الثخن الي نريدة بالصلصة ونرفعها من النار بحالة اذا شفنا الصلصة ثخينة نخففها بالحليب السائل

من يبدي يثخن شوية بهالمرحلة صورة 6 تكدرون تضيفون جبن اذا تحبون وتخلطوة


وتستعمل الصلصة حسب الرغبة وممكن نضعها بعلبة وبالثلاجة ليومين او ثلاثة
ايمان


صلصة المايونيز والخردل



صلصة المايونيز والخردل


نصف كوب مايونيز 
2ملعقة كبيرة خردل
فص ثوم مهروس
ليمون 
رشة ملح وفلفل ابيض يخلط المزيج كله سوية ويقدم مع الدجاج المقرمش او الروبيان المقرمش والف عافية



صلصة البيستو

صلصة البيستو


هذة الصلصة لذيذة جداا تستعمل مع المعكرونة مع الدجاج بالسلطات 
مقادير
نصف كوب صنوبر يحمص على نار هادئة بدون زيت

باقة كبيرة ريحان الاوراق نغسلها وتنشف من الماء
ملح وفلفل اسود
نصف كوب زيت زيتون
ربع كوب جبن بارميزان
2فص ثوم
يحمص الصنوبر وبعدها يترك الى ان يبرد
نضع بست البيت الريحان والثوم والجبن ويخلط وبعدها نضيف الصنوبر ورشة ملح وفلفل ويخلط وبعدها نبدي بااضافة الزيت الزيتون مع الخلط بخفة الى ان يتجانس الخليط ويقدم بالف عافية 
يحفظ بالثلاجة لغاية اسبوع او عشر ايام بعلبة مغلقة ومن انحط الصوص بالعلبة على الوجة نضيف زيت زيتون





صوص الفريدو

مقادير صوص الفريدو


2ملعقة كبيرة زبدة

نصف كوب كريمة طبخ

ملح وفلفل ابيض


فص ثوم مهروس

ربع كوب جبنة بارميزان مبشورة

اول خطوة نذوب الزبدة ونضيف الثوم لثانية يقلب ويضاف كريمة 

الطبخ ورشة خفيفة ملح لان جبنة مالحة ورشة فلفل يترك على نار هادئة مع التقليب ثم 

يضاف جبن ويحرك الى ان يذوب وتكون صلصة ثخينة  وتستعمل ممكن نضيف اعشاب مجففة مثل الاوريغانو او الريحان او نستعمل الطازجة حسب الرغبة

ممكن نضيف مشروم مع الثوم ونحمسه سوية  وبعدها نضيف الكريمة



الثومية

 الثومية

4ملاعق كوب نشا
ربع كوب ماء
5فصوص ثوم

رشة ملح وفلفل ابيض
ليمون 
2ملعقة كوب زيت زيتون
اول خطوة نذوب النشا بالماء ونضعه على النار دقيقة بس يثخن نرفعة من النار

نهرس الثوم ونضعه بالخلاط مع رشة ملح وليمون




وضفت النشا بعد ماثخن على النار واخلطهم مع الخلط اضيف زيت زيتون ونشوف ثخنه اذا ثخين اخففة بشوية ماء


وتقدم الصلصة بالف عافية 





طريقة عمل دبس التمر والصاص

طريقة عمل دبس التمر والصاص في البيت
اي نوع تمر ويفضل يكون طري ونضعه على النار مع كمية من الماء ومن يبدي الريم يتكون نرفعة ونضعه على نار وسط تقريبا ساعتين حتى ينمرد زين التمر واثناء الساعتين اذا يحتاج ماء اضيفله 

اني استعملت هذة النوعية من التمر شوية قوي فطول شوية على النار


اهنا  صورة 2بدى الريم يصعد وبديت ارفعة واغطي وعلى نار وسط الى ان ينمرد التمر



هذا شكل التمر صورة 3 ارفعة من النار واتركة شوية يدفى



احضر قدر وفوكاه قطعة خام وفوق الخام مصفي
وابدي اضيف التمر المهروس بالمصفي وابدي اعصرة بيدي  

ارفع المصفي تشوفون على قطعة الخام يتكون عجين ثخين هذا راح نسوي بيه صاص
وبداخل القدر سائل صافي هذا هو الي راح نسوية دبس


هذا السائل الصافي صورة 6 بالقدر واحطة على نار هادئة الى ان يبدي يثخن مع التحريك كل شوية وراح يصير الدبس

وتشوفوه  صورة 7صار ثخين اهنا ويخبل ارفعة من النار واتركة يبرد  ويعبى بعلبة نظيفة ويغطى


نجي على الصاص


هذة الكمية صورة 9 الي بقت من عصر التمر 
تقريبا كوبين ضفت الها 5كوب خل ابيض واذا عدكم خل التمر احسن
وملعقة صغيرة كل من قرفة وقرنفل وفلفل اسود وثوم بودرة وملح
وحطيتهم على النار مع التحريك والى ان ثخن المزيج وتركته يبرد وعبيته بعلبة
ويستعمل للتتبيل بالدجاج واللحم  طعمه لذيذ جداا

اهنا صورة 10 المواد كلها على النار تقريبا نصف ساعة ويبدي المزيج يثخن
وبعدها يترك ليبرد ويعبئ



كبة جريش

كبة جريش
كوبين جريش نضيفله ملعقة صغيرة ملح وكمون وبهارات مشكلة



رشيتها ماء تقريبا نصف كوب وتركتها ربع ساعة




بعدها هم رشيتها ماء تقريبا اقل من ربع كوب وعجنتها وتركتها هم ربع ساعة تقريبا




ثالث مرة نفس الشي بس رش رشيت الماء شي قليل مع العجن اشوف شكد تحتاج 

وصارت مثل ماتشوفون صورة 5 عجينة متماسكة وطرية وسهلة بالشغل غطيتها شوية 

وبعدها بديت بالشغل





الحشوة لحم محموس وبصل ومعدنوس وملح وفلفل اسود وبهارات مشكلةة



ابدي احشي الكبة واشكلها بيدي وبعدها اسخن ماء على النار واضيفلة بعد مايغلي رشة ملح وصودا واسلق بيه الكبة  وتقريبا تاخذ دقائق بعدها ترفع من الماء السلق وتقدم
ممكن نقليها بعد السلق  او ممكن نضعها بالشوربات حسب الرغبة
وممكن نحفظها بالفريز لوقت الاستعمال وبعدها نسلقها او نقليها والف عافية
ايمان


كبة بطاطا ورز


كبة بطاطا ورز


العجينة عبارة عن 5كوب رز واستعملت البسمتي انقعه بالماء نصف ساعة واضعه



 على النار مع ماء يغطي الرز  وملح ورشة كركم والى ان ينشف الماء وانصي النار 

يتهدى واطفي واتركة يبرد

اسلق بطاطا على جهة تقريبا 4الى 5بطاطا متوسطة الحجم واقطعها قطع صغيرة 

واخلطها مع الرز بعد ماارش عليها ملح واضيف بيضة للخليط واخلطهم وانزلهم 

بمكينة اللحم وتصير عجينة سهلة ومتماسكة بالشغل نبدي نحشيها بالحشوة ونسدها

وتقلى بعدها او تحفظ بالفريز لوقت الاستعمال ومن نطلعها من الفريز نقليها بزيت غزير وساخن 

الحشوة عبارة عن

 لحم مفروم وبصل ويحمس على النار  الى ان يستوي اللحم وينشف 

ويضاف معدنوس مفروم وكشمش ولوز وبهارات كبة ودارسين وفلفل اسود وملح


ونتركة يبرد وبعدها نستعملها





فخد لحم بـ اكليل الجبل


فخد لحم ب اكليل الجبل


فخد لحم بيه عظم تقريبا وزنة كيلو وربع يغسل وسويت بيه شقوق

حشيته ثوم واكليل الجبل بداخل الفتحات



اكليل الجبل نكهته قوية فمنكثر بيه
بقدر على النار ضفت 2ملعقه كبيرة زبدة وزيت وياه شوية وعلى نار عالية حمرته


بعد مااتحمر قلبته على الجهة الثانية


اهنا صورة 4 كل الزبدة والزيت اللي حمرت بيه اتخلص منه اصفيه


 بست البيت فرمت 2بصل عودين كرفس 3فصوص ثوم بصل اخضر وقليل من اكليل الجبل

وبعد مافرمتهم على جهة حمستها بنفس القدر بعد ماضفت قليل من زيت

بعد ماحمس ضفت الماء وياة خل ابيض وعلى نار هادئة تقريبا ساعة ونص يبقى او اكثر شوية 

وبعد ماتمر 3/4ساعة اقلب اللحم على الجهة الثانية

طبعا من اشوف اللحم بدى يستوي اضيف الملح والفلفل اسود


من بدى ينشف الماء اضيف حلقات بطاطا بس غسلتها وقطعتها وضفتها بدون تقشير 

وابقيها لحد ماتستوي مع اللحم وتتحمر



اضيف رشة ملح للبطاطا  وتكون جاهزة 

الف عافية لذيذ جداااااااا
ايمان







صدر دجاج بصلصة البيستو


صدر دجاج بصلصة البيستو


صدور دجاج تنقع بخل وثوم وملح وبابريكا وفلفل اسود لمدة ساعة او اكثر

اهنا شويتها بالمقلاة المغناطيسية الى ان تستوي وتتحمر اضيف فوقها صلصة البيستو 

واضيف جبن موزريلا اهنا مضفت جبن واطفي النار واغطي المقلاة لمدة دقائق ويقدم

 وممكن بالفرن نشوي صدر الدجاج وبعدها نضع الصلصة والجبن وندخلها تحمر 

ويذوب الجبن والف عافية



صلصة البيستو

مقادير
نصف كوب صنوبر يحمص على نار هادئة بدون زيت
باقة كبيرة ريحان الاوراق نغسلها وتنشف من الماءملح وفلفل اسود
نصف كوب زيت زيتون
ربع كوب جبن بارميزان
2فص ثوم
يحمص الصنوبر وبعدها يترك الى ان يبرد
نضع بست البيت الريحان والثوم والجبن ويخلط وبعدها نضيف الصنوبر ورشة ملح وفلفل ويخلط وبعدها نبدي بااضافة الزيت الزيتون مع الخلط بخفة الى ان يتجانس الخليط ويستعمل بعدها مثل منحب
يحفظ بعلبة نظيفة وغطاء محكم لمدة اسبوع تقريبا مع اضافة زيت الزيتون على  وجة
الصوص
ايمان


صدر دجاج محشي بالباذنجان

صدردجاج محشي بالباذنجان وجبنة الموزريلا


صدر دجاج يغسل ويتبل ملح وفلفل اسود وخل وبابريكا وثوم بودرة ويترك ساعه او

 اكثر بعدها نعمل شكل جيب مثل ممبين بالصورة2 نقطع صدر الدجاج بدون مانوصل 

للنهاية ونبدي نحضر الحشوة

باذنجان شرائح يملح وبعدها شوية والي يريد يقلية وحلقات بصل مشوي وجبن 

موزريلا


ابدي احشي صدور الدجاج بالحشوة واسدها زين والفها بخيط حتى لاتفتح بالشوي


 واني شويتها بالمقلاة بشوية زيت وممكن بالفرن نشويها ومن تستوي اخر شي رشة

 جبن على الوجة واتركة يذوب وبعدها يترك دقائق نرفع الخيط ويقطع ويقدم بالف 

عافية

ايمان


Friday, 8 March 2013

عمل شكل السلة من كريمة الزبدة

عمل شكل السلة من كريمة الزبدة
نزين بيها طرف الكيكة او الوجة ونعملها على شكل سلة وبداخلها نعمل الوردات
نحتاج راس تزين  يكون زكزاك (مشرشر) من جهة والثانية مسطحة   صورتة 2
وكريمة الزبدة موجودة الطريقة بنفس الفولدر بالتسلسل
نجي على طريقة سهلة وبس نحتاج دقة بالقياس
ممكن بواسطة مسطرة نقيس جوانب الكيكة ونحددها تحديد بسيط ونمشي علية
نرسم مستقيم بالطول ونقطعة بثلاثة خطوط بالعرض ونرسم مستقيم ثاني ونقطعة بخطين يكونون متداخلين مثل ممبين بالصورة5
ونرجع نرسم مستقيم بالطول ونقطعة بثلاثة خطوط ونستمر الى نهاية  راح نحصل على شكل سلة نقشة بسيطة وحلوة تطلع ان شاء الله انزلها على الكيكة وتكون واضحة اكثر
ايمان



كريمة الزبدة


كريمة الزبدة
كوب زبدة بدرجة حرارة الغرفة
٣ الى ٤ كوب سكر بودرة
٣ملاعق كبيرة حليب سائل
رشة فانيلا
والاضافة الجديدة هي حليب باودر طبعا هاي الاضافة من شيف ميمي تنطي كريمة كثافة اكثر وتتماسك بالشغل
ضفت تقريبا ٣/٤كوب حليب باودر
وممكن اضافة جبن كريمي لكريمة الزبدة يصير الطعم اطيب
العمل
اول خطوة نخفق الزبدة لدقائق وحدها وبعدها نبدي نضيف سكر البودرة على دفعات مع الخفق بدرجة متوسطة  ونضيف حليب الباودر ونخفق  وثم نضيف الحليب السائل وفانيلا
مع الخفق المستمر الى ان تتكاثف الكريمة ويتضاعف حجمها
اهنا احنا نتحكم بثخن الكريمة اذا ردناها ثخينة  نزيد السكر الى ٤كوب واذا ردنا نخففها نضيف حليب السائل
وكريمة الزبدة كل ماتنخفق زين نحصل على نتائج احسن
بعد الخفق نضعها بالثلاجة  وثم نشتغل بيها ونزين بيها الكيكات او نستعملها كحشوة حسب الرغبة
ايمان



بيتزا بالدجاج والفطر

بيتزا بالدجاج والفطر(بورتوبيلو

العجينة

3كوب طحين



ملعقة كبيرة خميرة


3ملاعق كبيرة زيت زيتون


ملعقة صغيرة ملح

رشة ثوم بودرة

 ماء دافى للعجن حسب احتياج العجين


ملعقة صغيرة سكر نضعها مع الخميرة


3ملاعق كبيرة حليب باودر


3ملاعق كبيرة لبن زبادي


الحشوة



فطر بورتوبيللو


صدر دجاج مشوي واهنا استعملت المفروم حمرته وضفت له رشة ملح وفلفل وبابريكا
جبن موزريلا

جبن ايدام

وممكن نستعمل الشيدر بداله

العمل


نخمر الخميرة على جهة مع قليل من الماء الدافى والسكر ونتركها خمس دقائق حتى تتضاعف
نخلط الطحين والحليب والملح وثوم ونضيف علية الخميرة  وتخلط وبعدها اللبن والماء 


الدافى حسب احتياج العجين ويعجن جيدا بالاخير نضيف زيت الزيتون للعجين وتعجن

 تكون عجينة طرية ومتماسكة  ترك العجين بمكان دافى لساعة او اكثر تتخمر نبدي

  نفرش العجينة بصينية الشوي  بعد دهنها  بزيت الزيتون حتى تصير 

البيتزا مقرمشة ولذيذة وعلى وجه العجينة ايضا امسحها ب زيت زيتون 



نحضر صلصة الطماطة

وهي طماطة اخذها معلبة او طازجة تستعملون واضعها بست البيت مع فص ثوم 


وبصلة


 واهرسهم سوى واضعها على نارواضيف ملح وفلفل اسود وشوية كاتشاب و اوريجانو



 وتترك على النار الى ان تبدي الصلصة تثخن وترفع من النار وتبرد وتستعمل

نفرش صلصة الطماطة فوق عجينة البيتزا وفوقها جبنة ايدام وبعدها الدجاج وجبن

 الموزريلا ورشة اوريغانو وبعدها نضيف الفطر ورشة ملح وفلفل اسود فوقه وندخله

الفرن يكون ساخن جدا تقريبا عشر دقائق وبعدها نطلعه من الفرن ممكن نضيف رشة

جبن ونرجعه الفرن يتحمر وصحة وهناااااا


ايمان



الوصفات الشائعة

counter

Flag Counter

 

أشترك معنا عن طريق الايميل

X