Saturday, 16 February 2013

فطيرة حلووة

فطيرة حلوة
4كوب طحين


1بيض


نصف كوب حليب سائل دافى ومنضيفة راسا شوية شوية ويمكن يحتاج اكثر شوية ويمكن اقل 

2ملعقة كوب خميرة ممسوحة


رشة ملح



ربع كوب زيت

زبد ذائب للدهن

ربع كوب سكر
3 ملاعق كبيرة لبن

ملعقة صغيرة بيكنك باودر

اول خطوة نخلط الطحين والسكر ورشة الملح سوية


نضيف الزيت ونخلطها مع الطحين الى ان تختلط جيدا


ضفت البيضة وخلطتها وبعدها الخميرة واللبن زبادي والحليب حسب حاجة العجين واعجنها



اهنا العجينة صورة 6 انعجنت زين وتكون نوعا ما طرية بس متلزك بالايد


اغطيها واتركها تختمر بمكان دافئ تقريبا ساعة ونص

بعد ماتختمر اقسم العجينة الى اربع اقسام وافتح كل قسم على شكل دائرة وكلهم نفس القياس افرش اول دائرة وامسحها بالزبدة ورشة سكر وفوقها دائرة ثانية ونفس الشي الى الدائرة الاخيرة بدون مسح بالزبدة ولا نحط سكر
بسكين نقطع داخل الدائرة الى 8  اقسام تكون متصلة من الجوانب منوصل للأخير وبعدها هم  بداخل كل قسم نقطعه
راح يصير عدنا 16 قسم
ناخذ كل قسمين ونبرمها على نفسها ونربط كل قسمين بداخل الدائرة  راح تلاحظون بالبداية فراغات بعدها من تختمر كلها تمتلى
بالجوانب طويت بوسط كل اثنين مثل ممبين بالصور وتركت الفطيرة تتخمر 10 دقائق بهالاثناء اسخن الفرن بحرارة 180
وامسح وجها بالبيض مخلوط مع رشة قهوة تنطي لون حلو للوجة وادخلها الفرن تقريبا 
15 دقيقة بعدها احمر الوجة وتكون جاهزة صحة وهنااااا
ايمان(ام حمزة


كبة التوست

كبة التوست
سهلة ولذيذة
اول خطوة نحضر حشوة الكبة عبارة عن لحم مفروم تقريبا نصف كيلو يحمس الى ان ينشف ماء ويستوي اضيف له بصل مفروم  ناعم واقلبهم الى ان يستوي البصل اتبلة بالملح والفلفل الاسود  وبهارات مشكلة وكبابة (بهار حلو
وبعدها احمص صنوبر على جهة واضيفة للحم واترك الحشوة تبرد
نحضر العجين 
كيس توست حجم كبير نقطع الحافات منه ويفرم بست البيت
نضيف له 2ملعقة كبيرة نشا ورشة  فلفل  وملح  وبعدها نضيف له حليب سائل تقريبا كوب حليب يضاف مع العجن الى ان تتكون عجينة متماسكة وسهلة بالفتح
ناخذ قسم من العجين ونكورة بالايد ونفتحه نضع الحشوة بيه ونغلقه ونشكلة مثل مانحب وبعدها تقلى بزيت  غزير وممكن نحفظها بالفريز لوقت الاستعمال والف عافيةةةة
ايمان



كليجة التمر والسمسم

كليجة التمر والسمسم


مقدار 3اكواب طحين مع كوب زبدة او دهن مذوب 



ملعقة كبيرة ممسوحة خميرة


وهيل و رشةملح

سكر 3ملاعق 

وعجنتهم بالحليب تقريبا نص كوب شوية اكثر 


 اول خطوة واهم خطوة بالكليجة 

اول شي نضع الطحين وملح   ونذوب الزبد بدون تسخينة ونضيفة على الطحين نظل نفرك بيه لحد مايتجانس الطحين مع الزبد ويصير ملمسة مثل التراب ومابية اي كتل
بعدها نضيف الخميرة بعد ماخمرناها بقليل من حليب ونضع السكر معه

 وبعدها نضيف الحليب شوية شوية ونعجن العجين
 عجنت العجينة وغطيتها ولفيتها زين وتركتها تختمر ساعة ونص  تقريبا

بعد ما اتخمرت وفتحت العجينة وقطعتها دوائر


واقطع كل جهتين متقابلتين بقطاعة البيتزا مثل ممبين بالصورة3



اضع حشوة التمر بالوسط

والحشوة عبارة عن تمر يحمس بالزبد ويضاف له سمسم محمص وهيل كورته دوائر وحطيتة بالوسط مثل ممبين بالصورة4


اخذ اول طرف الفه على الحشوة والطرف الثاني الي كدامة الفه علية وبعدين الطرفين الباقين



اهنا مبين الطرف الثاني كدامه الفه علية وبعدها باقي الطرفين

العجينة افتحوها شوية حتى الوردة تصير احلى اني سويتها صغار نوعا ما

وهذا شكلهم صورة 7 امسح الوردة كلها بخليط البيض والحليب بكل الجوانب واشويها تاخذ تقريبا عشر دقائق او اقل انتو تراقبوها

وصارت جاهزة الف عافيةةةةةةة

فول بالطحينة

فول بالطحينة
علبة فول
بصلة
حبة طماطم
2(ملعقة كبيرة راشي (طحينة
ليمون
زيت زيتون
ملح ورشة كمون وورشة فلفل احمر 
فص ثوم  مهروس
العمل
نحمر البصلة المفرومة بالزيت ونضيف الها حبة الطماطم وثوم  ونقلبهم سوية  نفرغ علبة الفول بالمقلاة ونبدي نهرسها  واذا احتاجت ماء قليل نضيف الها بعدها نضيف ليمون ورشة ملح وكمون وفلفل الاحمر
بالاخير نضيف الراشي ونقلبه ويقدم مع رشة زيت زيتون والف عافية




صدر دجاج مشوي

صدر دجاج مشوي

صدر دجاج يتبل وينقع اربع ساعات او  اكثر كل ماتكون بالتتبيلة ينطي طعم اطيب

 ويطري الدجاج


تتبيلة  عبارة عن لبن زبادي ومعجون طماطة ملعقة خل ابيض ليمون حامض ملح فلفل

 اسود صلصة حارة ثوم كركم بابريكا 


طلعت صدر الدجاج من التتبيلة وخليته على ورق المطبخ لان راح اشويه على الشواية


اذا تسووة بالفرن تكدرون تخلوة وي الصلصة وتدخلوة الفرن



طلعت صدر الدجاج من التتبيلة وخليته على ورق المطبخ لان راح اشويه على الشواية


اذا تسووة بالفرن تكدرون تخلوة مع الصلصة وتدخلوة الفرن




اسخن الشواية زين وامسحها مسحة خفيفة بزيت واضع صدر الدجاج اتركه  خمس 

دقائق واقلبة


واخلي قطع بصل وياه على الشواية وادخلة للفرن تقريبا خمس دقائق اكثر شوية حتى 

اتاكد من استواء الدجاج واطلعه

اتركه دقائق ويقطع ويقدم
ملاحظة شواية الي استعملتها  على الطباخ وتدخل الفرن


باذنجان باللبن


طبق لذيذ
يقدم كمقبلات او عشاء
باذنجان يقطع شرائح خفيفة ويملح وبعدها يقلى الى ان يتحمر
نحضر صوص عبارة عن لبن زبادي يضاف له رشة ملح وليمون وثوم ويخلط ويصب على الوجة يزين بالبقدونس وصحة وهناا

باذنجان بالكفته بطريقة غير


باذنجان بالكفته بطريقة غير

المقادير حسب الرغبة

باذنجان حلقات وبصل وفلفل وطماطة

 يقلى باذنجان

 البصل والفلفل حمرتة بقليل من زيت 

الكفته عبارة عن لحم مفروم مع بصلة وفصين ثوم وملح وفلفل اسود وسويتها كفته وهم 

بزيت  قليل قليته وعلى ورق مطبخ حتى اتخلص من زيت 



نبدي نرتبها بمقلاة تيفال عريضة  على شكل حلقة

قطعة باذنجان وكفتة وقطعة بصل وفلفل وهكذا الى ان تخلص الحلقة
والثانية نفس الشي




وبعد ماكملت حلقات واضعه على النار وعلى جهة نعمل صوص معجون طماطة مخفف بماء ودبس رمان  وملح وفلفل وليمون حامض وعلى النار تقريبا نص ساعة او اكثر شوية
وبعدها ارش الوجه بمعدنوس مفروم ويقدم مع الرز الابيض الف عافية





Friday, 15 February 2013

تمن عدس

تمن عدس


بقدر احمس 3بصلات كبار بالزيت الى ان يتحمر واطلعة من القدر




مقادير تمن عدس

 كل كوب عدس كوب رز

وهم حسب الرغبة يمكن زيادة الرز اكثر 

احمس العدس بقليل من الزيت وبعدها اتركه على نار هادئة جدا الى ان يستوي


بعد مايستوي العدس اضيف الرز المغسول واللي نقعتة نصف ساعة


خلطتهم وضفت ملح وكمون ورشة فلفل وقطعة ماجي


وبعدها ضفت الماء ويكون اكثر بقليل من الرز والعدس ومبين بالصورة ومن ينشف انصي النار واتركة يتهدى



يقدم مع البصل المحمر الف عافية



اطيب ريوك



سميت الطبق اطيب ريوك لان بالفعل طيب جدااااا  وسهل ايضا
الطبق عبارة عن
فطر طازج يمسح بورق المطبخ وبعدها يقطع 
نضع زيت زيتون بمقلاة ونضع الفطر ونحمسة ونتبله برشة ملح وفلفل اسود نضيف فوقه البيض ورشة ملح وفلفل ونتركه  يستوي وبالاخير نضيف شريحة جبن ومن تذوب نرفعه من النار ويقدم الف عافية

برجر على الفحم

برجر مشوي على الفحم


تقريبا 3/4 كيلو لحم عجل مفروم وضفت له قليل من اللية

بصلة مفرومة بست البيت


فص ثوم

بهارات برجر وملح وفلفل اسود

 و3ملاعق كبار بقصم

تعجن المواد كلها سوية جيدا وبعدها ادخلها الثلاجة الى ان ابدي الشوي



هذا شكل اللحم بعد العجن صورة 3


اشكلها اقراص واحطها بالشبكة واشويها على الفحم



ومتاخذ وقت بالشوي تقريبا على كل وجه 3 دقائق  مانتركها زياده حتى لاتيبس
بعدها نعملها سندويش حسب الرغبة


سويسرول مالح

سويسرول مالح


المقادير


4بيض

5قطع كبيرة توست نقطع الحافات منها


ملعقة صغيرة بيكنك باودر


علبه صغيرة جبن شيدر

علبة قشطة

2جبن كيري

رشة ملح

رشة فانيلا  او برش ليمون


الحشوة حسب الرغبة
خضراوت جبن دجاج مسلوق حسب ماتحبون

اول خطوة نفرم التوست بست البيت نضيف له البيض وبقية المواد ويصير خليط 

السويسرول خليط ناعم ومتجانس يشبة خليط الكيك العادي نصبة بصينية مغلفة بورق 

الزبدة وندخله للفرن احمية خمس دقائق بحرارة 180 وتقريبا 15 دقيقة او اكثر شوية اكون محضرة الحشوة 

اطلعه من الفرن واقلبه وادهن السويسرول بجبن كريمي واحط الحشوة والفه وادخلة 

للثلاجة وبعدها يقطع ويقدم بالف عافية

الحشوة حمست بصلة وضفت الها فطر وفلفل الوان و ودجاج مسلوق ورشة ملح وفلفل 


وبعد ماحطيت طبقة الحشوة ضفت رشة جبن ولفيته
ايمان





مجدرة برغل

مجدرة برغل


اكلة من بلاد الشام لذيذة ومفيدة

مقادير 3حبات بصل كبيرة هاي تحمس بزيت الى ان يتحمر البصل ويقرمش

ممكن نضيفله ملعقة طحين ونقلية راح يقرمش اكثر


كوب عدس اخضر

كوب ونص برغل خشن

بصلة مفرومة ناعم

ملح ورشة كمون وفلفل اسود

قطعة ماجي وماء

اول خطوة قليت البصل وحمصته الى ان يقرمش طلعتة من القدر 

حمست بصلة مفرومة ناعم وبعدها ضفت العدس المنقوع لمدة ساعة حمسته مع البصل 

وضفت علية الماء وتركته على نار وسط الى ان استوى العدس ونشف الماء اضيف 

البرغل المنقوع ونقعته ربع ساعة واقلبه وياه وبعدها اضيف الماء والكمون والملح 

والماجي ورشة بسيطة فلفل اسود واتركة ينشف وانصي النار الى ان تتهدى المجدرة 

تقدم مع البصل المقرمش وصحة وهنااااااا 

يقدم مع لبن زبادي وسويت صلصة الطماطة الحارة  والف عافيةةةةة

ايمان



سلطة كول سلو



سلطة كول سلو
نصف حبة ملفوف (لهانة
جزر1
ملعقة كبيرة خل ابيض
2ملعقة كوب سكر
مايونيز ربع كوب تقريبا 
لبن زبادي2ملعقة كبيرة
رشة ملح
نفرم الملفوف والجزر شرائح خفيفة جدااا
ونرش عليها الخل والسكر ونتركة  شوية
بعدها نخلط المايونيز واللبن ورشة  ملح ونضيفها على الملفوف والجزر ويخلط جيدا ونضعها  بالثلاجة لوقت التقديم والف عافية

برك تركي بالجبن

صينية برك الجبن التركية
المقادير
علبة عجينة كلاج
استعملت 3انواع جبن
جبن فيتا  جبن موزريلا وجبن شيدر
2بيض
ملعقة كوب خل ابيض
اقل من ربع كوب زيت
كوب حليب سائل
رشة ملح وفلفل اسود
زبدة للدهن
العمل
نخلط البيض مع الحليب والزيت والخل ورشة الملح  والفلفل جيدا
نحضر صينية  نمسحها بالزبدة ونضع  اول ورقة كلاج بداخلها ونمسحها جيدا بخليط البيض والحليب  نضع كمية مو بس مسح وبعدها نضع الطبقة الثانية من عجينة الكلاج وايضا نمسحها بالخليط وبكمية مناسبة
نضع 4او 5طبقات عجينة الكلاج مع تغطيتها بالخليط
بعدها نخلط الاجبان ونفرشها  فوق الطبقات الاولى  ونضع نعناع او بقدونس حسب الرغبة  بعدها نبدي نضع الطبقات الفوق وبنفس الطريقة نغطيها بالفرشاة  بخليط البيض
الى ان نصل للطبقة الاخيرة نغطيها ايضا بخليط البيض  نقطعها مربعات و نضع قطعة صغيرة على الوجة زبدة وندخلها الفرن يكون ساخن
بحرارة 190 تقريبا 20 الى 25 دقيقة تبدي تتحمر الجوانب  بعدها نشعل النار الفوق ونحمرها
والف عافيةةةةةةةةةة
ايمان(ام حمزة





موس الشوكولاتة المقرمش

موس الشوكولاتة المقرمش


100غم شوكولاتة حلويات بالحليب محلاة او جلاكسي او كادبوري يذوب على حمام مائي

مغلف دريم ويب باودر
بسكويت اوريو مكسر


ملعقة صغيرة جلاتين  سادة

نصف كوب حليب
قليل من الماء الحار نذوب بيه الجلاتين

ملعقة كبيرة زبدة

نذوب الشوكولاتة بحمام مائي وبعد مايذوب اضيف الزبدة ويخلط سوية على جهة اخفق 

الكريمة الباودر بالنصف كوب حليب البارد ومن يبدي يتضاعف الكريمة ابدي اضيف 

الشوكولاتة المذوبة مع الخلط بخفة وبعدها اضيف الجلاتين الي ذوبتة بالماء واخلط 

واخر شي اضيف البسكت المكسر اصبة بااكواب واغلفة بنايلون ويضع بالثلاجة ساعة 

الى ساعتين الى ان يبرد ويقدم بالف عافية



بنانا سويت


بنانا سويت
المقادير


2 مغلف كريمة باودر دريم ويب او اي نوع كريمة خفق

علبة قشطة
مغلف كريم كراميل باودر


بسكت 

موز

حليب بارد



افرغ الدريم ويب والكريم كراميل الباودر واضيف له نصف كوب حليب بارد جدا

 واخفقهم على اعلى درجة الى ان يتضاعف حجمهم بعدها


اضيف علبة القشطة  واخفقهم


 لتغميس البسكويت
 اخلط الحليب مع  كراميل (وهذا يجي مع كيس كريم كراميل الجاهز


ابدي اغمس البسكت بخليط الحليب والكرميل واصفطة بالبايركس واصفط فوقة حلقات الموز




واضيف من الخلطة فوقها وفوقها بسكت وموز وفوقها الخلطة



سويت 3طبقات وانتو حسب ماتحبون سووا اغلفها بنايلون وادخلها الثلاجة ساعتين ثلاثة كل ماتبرد زين تصير اطيب




وبعدها تصير جاهزة طلعتها ورشيت فوقها بسكت مطحون ونستلة مبروشة 

وتقدم بالف عافية

الوصفات الشائعة

counter

Flag Counter

 

أشترك معنا عن طريق الايميل

X