Saturday, 2 February 2013

مجبوس لحم



مجبوس لحم
 لحم غنم حسب عدد الاشخاص اهنا  كيلو تقريبا واستعملت الفخد
رز مغسول ومنقوع لنصف ساعة
حبة طماطة
بصل مفروم
بصل مقطع حلقات
(بهارات عبارة عن كركم وبهارات مجبوس  ورشة كبابة (بهار حلو
ثوم مفروم ناعم فصين
هيل وقرنفل وعود قرفة وورق غار
زعفران
ليمون بصرة مطحون او صحيح
ملح وفلفل اسود
ماء ساخن
(وكشمش (زبيب 
وصنوبر
اول خطوة نحمر البصل المفروم بقليل من الزيت وبعد مايتحمر اضيف له البهارات الصحيحة هيل وقرنفل وورق غار وقرفة واقلبهم سوية لدقائق
يغسل اللحم ويضاف الهم ونحمر اللحم من الجهتين مع التقليب بعدها يضاف الثوم و بقية البهارات المطحونة ونقلبها نضيف حبة الطماطة المفرومة ناعم ممكن نضيف معجون طماطة اهنا مااستعملت وممكن نضيف حبة فلفل حار حسب الرغبة  على جهة اسخن ماء واضيفه لللحم واغطية واتركه يستوي لمدة ساعة ونص او اكثر بعد مايستوي اضيف االملح واشوف طعمه اعدل البهارات اذا يحتاج اكثر اضيف
نرفع اللحم بعد ماااستوى ونضعه بايركس نمسح الوجة بالزيت وبعدها بالزعفران المنقوع نضيف على الوجة وندخله الفرن يتحمر
اضيف الرز للماء اللحم وطبعا اشوف اذا كان الماء بكثرة افرغ منه واتركة الى ان ينشف الرز اضيف على الوجة الزعفران واتركة على نار هادئة يتهدى   مع اضافة قليل من الزبدة على وجه الرز
بعد مايتحمر اللحم اضيفه فوق الرز واتركة على نار هادئة
احضر على جهة خليط الي اضيفه على الوجة  عبارة عن بصل مقطع حلقات يحمر بالزيت وبعد مااتحمر ضفت الصنوبر وبعدها الكشمش( زبيب
واضيف رشة ليمون بصرة مطحون وارفعه من النار
ارفع اللحم واصب الرز وفوقه الخليط واللحم واقدمة بالف عافية
يقدم مع الرز والدقوس
الدقوس عبارة عن طماطة تفرم بالخلاط ويضاف الها شطة وليمون وثوم وملح وفلفل اسود  ونضعها على النار الى ان تسبك قليلا وتقدم صحة وهناا
ايمان(ام حمزة


الكنافة الكاذبة



االكنافة الكذابة
12  قطعة توست نزيل عنها الحافات وتفرم بمحضرة الطعام

ربع كوب زبدة مذوبة تضاف للتوست وتعجن بيه ويضاف لون الكنافة حسب الرغبة 
امسح الصينية بالزبدة وافرش العجين طبقة متساوية 


 احضر الطبقة الثانية عبارة عن محلبي ثخين (قشطة كذابة ) مع علبة  قشطة ريوك ومقاديرها
كوبين حليب سائل و3ملعقة كبيرة نشا 2ملعقة سكر وعلى النار من يثخن يضاف ماء زهر وعلبة قشطة ويخلط ويصب فوق العجين

الطبقة الثالثة عبارة عن كوبين حليب يضع على النار ومن يغلي يضاف 4ملاعق كبار سميد ناعم و يحرك الى ان يثخن المزيج واخر شي نضيف قليل من  ماء زهر  ويصب فوق الطبقة الثانية وندخلة الفرن 180 تقريبا 30 الى 35 دقيقة يبدي الجوانب تحمر وتصير جاهزة يصب وهية حارة شيرة (قطر) بارد وتكون خفيف شوية ويترك بالفرن الى ان تبرد تماما وبعد ماتبرد تقطع وتقلب وتقدم وبالف صحة وهنااااااااا


وكمية القطر تضاف حسب الرغبة الف عافية
ايمان(ام حمزة



سلطتي لحرق الدهون

سلطتي لحرق الدهون

مواد
لهانة (ملفوف) صغيرة
اواي نوع لهانة

خيار 
طماطة
فجل احمر وابيض
نعناع ومعدنوس  (بقدونس)
بصل اخضر
خل تفاح طبيعي
فلفل حار حبة واحدة
زنجبيل مبشور قطعة صغيرة
ملح
ورشة صغيرة زيت زيتون



اقطع الخضروات حلقات وارش ملح وخل تفاح وعصرة ليمون

وبعدها رشة زيت زيتون




ويقدم بالف عافية



خبز مقلي




خبز المقلي من انواع الخبز اللذيذة يقدم للفطور مع العسل او المربى  وناس تحبة  مع رشة سكر
واكو ناس تحبة مع البيض يقدم   بمختلف الاشكال وطعمة لذيذ شلون  منقدمة
المقادير
2كوب طحين
رشة ملح
ملعقة كبيرة ممسوحة خميرة
ملعقة كوب سكر
ماء دافى  للعجن او حليب والاطيب بالحليب تقريبا كوب
العجينة تكون طرية
نخلط الطحين والملح
على جهة نخمر الخميرة مع رشة السكر وقليل من الماء او الحليب ونتركة دقائق  وبعدها نضيفة للطحين ونخلطة
نضيف بقية الماء او الحليب وتعجن  نغطيها ونتركها بمكان دافى تقريبا ساعة تتخمر
بعدها نبدي نفتح العجين  امسح الكاونتر بالماء واخذ قرص وافتحة بيدي وابلل ايدي بالماء ومن ارفعها ايضا ابلل ايدي بالماء حتى اكدر اتحكم بيها لان تكون عجينة طرية نوعا ما
اسخن الزيت ونبدي نقلي الخبز على نار وسط ومن يتحمر اقلبة على الجهة الثانية ويقدم بالف عافيةةةةةة
طبعا ممكن نزيد بالمقادير حسب عدد الاشخاص
ايمان

فطيرة الدجاج والخضار

فطيرة الدجاج والخضار
صدر دجاج 

تبلتة بملح وفلفل وخل وخردل بقيتة ساعة وبعده بمقلاة بيها قليل من زيت زيتون ضفت صدر الدجاج وحمسته وبعدين نصيت النار الى ان استوي الدجاج

والمقادير حسب الاشخاص اللي تسووها


ممكن نستعمل دجاج عدنا مسلوق او مشوي
بعد مايستوي الدجاج اقطعة بيدي
حمست بصل وفلفل اخضر

حمست الفطر وياهم وضفت بطاطا واحدة مسلوقة  وبصل اخضر وتبلتها بملح وفلفل اسود

وضفت الدجاج كم قلبة واطفي النار اتركها شوية تبرد

استعملت عجينة البف باستري

ومو شرط اي عجينة تحبون تكدرون تستعملوها بس اني للسهولة استعملت عجبنة الفطائر الهشة البف باستري

فرشتها بقالب الكيك المستطيل بعد ان مسحته مسحة بالزيت


اضيف اول طبقة جبن موزريلا

بعدين الحشوة وبعدين هم رشة جبن موزريلا

اغطي الوجة بعجينة البف واسوي بالسكين فتحات حتى البخار يطلع منه وامسحها مسحة بالحليب وادخلها الفرن تقريبا نصف ساعة او اكثر شوية بفرن 180 من تتحمر تكون جاهزة


تترك قليلا بالقالب وبعدها تقلب وتقطع وتقدم بالف عافية
ايمان(ام حمزة


Friday, 1 February 2013

ميني كنافة بالقشطة

ميني كنافة بالقشطة

اول شي دهنت قالب الكب كيك بالدهن مخلوط بلون الكنافة

حضرت شعرية الكنافة صبيت عليها قليل من دهن ذائب او زبد وقليل من شيرة خفيفة (قطر) بس مجرد تفتح شعرية وتصير طرية مو هواية

فرشت الكنافة بالقوالب وطبقة مو ثخينة

صبيت القشطة فوقها

والقشطة الكذابة عبارة عن حليب ونشا وقشطة وطريقتها 
عبارة عن كوبين حليب سائل ملعقتين او 3كبار نشا حسب نوعية النشا اللي عدكم
ماء زهر او ماء ورد
ومااضيف سكر لان الحلويات اللي نستعملها بهيجي حشوة تنحط فوكها شيرة (قطر)

نخلط المواد سوية وهو بارد الحليب نضعة على النار ونظل نحرك الى ان يثخن

من يثخن الخليط اضيف لة علبة قشطة طازجة واخلطة سوى زين
ويصب ويبرد زين ويستعمل كحشوة للحلويات 

اضيف القشطة الكذابة فوق الشعرية
غطيت القشطة بشعرية الكنافة

وندخلها الفرن تقريبا ربع ساعة بفرن 180 وهم حسب حرارة الفرن
طلعت من الفرن صبيت الشيرة فوقها وحسب ماتحبون حلاتها

ودخلتها الفرن على حرارة الفرن يبقى فدخمس دقائق
الفرن مطفي طبعا
الكنافة تكون حارة والقطر بارد
طلعتها وقلبتها ورشيت فستق

الف عافية
ايمان


كيكة الاوريو

كيكة الاوريو

مقادير

50 غم زبد بدرجة حرارة الغرفة

كوب سكر بودرة


4بيض

2كوب طحين منخول

فانيلا

ملعقة ونص صغيرة بيكنك باودر
 علبة بسكت اوريو  2
نصف كوب لبن زبادي بدرجة حرارة الغرفة
حليب تقريبا ربع كوب او اقل
اول خطوة نخفق الزبدة الى ان يتغير لونها وبعدها نضيف السكر مع الخفق ونبدي نضيف بيضة ورى الثانية مع الخفق الى ان ينفش المزيج ويفتح لونه


وبعدها نضيف اللبن والطحين مع البيكنك باودر والحليب ونمزجهم

ونضيف بسكت الاوريو ونخلطهم

نصبه بقالب مدهون ومرشوش طحين او نغلفه  ورق زبدة 

ونصب العجين وفوقه برشت شوكولاتة واكون مسخنة الفرن خمس دقائق  قبل ماادخل الكيكة

ادخلها الفرن ل40 دقيقة بحرارة 180


نتركها تبرد وتقطع بالف عافية
ايمان(ام حمزة

كب كيك الوردة

كب كيك الوردة

مقادير الكب كيك  انواع موجودة باللالبوم الفكرة هنا فقط شلون نشكلها كوردة
نحتاج الى 10 كب كيك
والى كيكة  دائرية صغيرة بالوسط مثل ممبين بالصور ونساوي الوجة
نحضر للتزين كريمة الخفق
 استعملت كريمة دريم ويب الباودر 2كيس وخفقتها مع الخفق ضفت سكر بودرة حتى تصير ثخينة الكريمة وطبعا حليب بارد استعمل واقل من كمية المكتوبة وبعدها لونتها 
بعدها ادخلها للثلاجة حتى تبرد

اوراق الوردة وبقية التزين استعملت عجينة السكر 
نبدي نزين الكب كيك بالكريمة ونعمل باقي التزيين بعجينة السكر ونرتب الوردة مثل ممبين بالصور ونقدمها
فكرة سهلة وتفيد بااعياد ميلاد الاطفال


لزانيا لحم والفطر

لزانيا لحم والفطر
المقادير حسب عدد الاشخاص
نسلق عجينة نص سلقة

نحضر صلصة اللحم والبشاميل

مقادير بشاميل كل كوبين حليب سائل مع ملعقتين كبار طحين و2ملعقة كبيرة زبد
نذوب الزبدة ونضيف طحين فوقها ونقلبه شوية وراها نضيف الحليب السائل وماجي وملح وشوية فلفل


ونظل نقلبها الى ان تصبح صلصة متماسكة وحسب مانحب ثخن الصلصة
صلصة اللحم عبارة عن لحم يحمس ويضاف بصل مفروم وثوم حسب الرغبة وفلفل وطماطة وشوية معجون طماطة وملح وفلفل اسود وقطعة ماجي

ونترك الصلصة على النار الى ان تثخن ونرفعها
نبدي هسة نرتب طبقات اللزانيا اول طبقة بالبايركس صلصة اللحم وبعدها شرائح لزانيا وبعدها بشاميل ورشة جبن وهكذا الى ان نجي الى اخر طبقة
طبقة قبل الاخيره ضفت بصل اخضر مقطع و فطر مقطع طازج وقليل من زبدة على الفطر

واخر طبقة نضيف البشاميل وفوقة الجبن والجبن حسب ماتحبون موزريلا او جبن شيدر مبشور او سلايس

وندخله الفرن تقريبا نص ساعة على نار الجوة ونحمر الفوك بعدها





السينابون رول

سينابون رول

مقادير
3ونص كوب طحين
نص كوب سكر

ملعقة كبيرة خميرة
نص كوب لبن دافئ 
نص كوب او اكثر شوية حليب سائل حسب احتياج العجين
رشة ملح
نص كوب زبدة بدرجة حرارة الغرفه
ملعقة بيكنك باودر
نخمر الخميرة على جهة بشوية حليب من مقادير وملعقة سكر
اول خطوة نخلط الطحين مع الزبد الى ان يختلط سوية نضيف الخميرة اللي خمرناها واللبن وبقية المواد وتعجن والحليب مايضاف مرة وحدة حتى العجينة لاتلين نعجنها ونغطيها ونتركها تتخمر لساعة تقريبا


نفتح العجينة مثل متشوفون

مسحتها مسحة بالزبدة السائلة ورشيت سكر بني ورشة دارسين (قرفة) ورشة هيل ومكسرات حطيت جوز ولوز

وتلف وتقطع  مثل ممبين بالصور
صفطتها على ورق زبدة وتركتها تتخمر لمدة 15 دقيقة

بعد ماتخمرت دخلتها الفرن تقريبا 10 الى 15 دقيقة وانتو تشوفوها وبفرن 180


دريسنك اللي فوكاه حسب مماتحبون تكدرون سكر بودرة مع قليل من الماء او الحليب السائل ويخلط ويستعمل او حليب نسلة او شوكولاتة سائلة حسب الرغبة وعوافي





Thursday, 31 January 2013

كفتة بالباذنجان

كفته الباذنجان بطريقة صحية وبدون قلي
اول شي  نستعمل الباذنجان حجم كبير  يقطع الى شرائح خفيفة ويملح ويترك بعدها ينشف حتى نشوية

شويت الباذنجان على الشواية بس مسحت الشواية بالزيت وشويت الباذنجان واتركة على جهة

كفته عبارة عن لحم مفروم وياه 2بصل مفروم وثوم 4فصوص

ومعدنوس وملح وفلفل اسود ورشة كبابة (البهار الحلو
سخنت  مقلاة تيفال وتشوفون ولا قطرة زيت عملت كفته بيدي وبعدها ضفتها بالمقلاة وحمرتها


بنفس المقلاة اللي سويت بيها الكفتة عملت الصلصة ضفت الطماطة ومعجون طماطة وملح وفلفل اسود ودبس رمان وليمون حامض

اضع قطعة باذنجان وبالبداية قطعة كفته والفها وارتبها بالتبسي

واضيف الصلصة واذا احتاج شوية ماء وهم على الوجة ضفت قليل من دبس رمان وادخلها الفرن تقريبا 35 او اكثر شوية لحد ماتتحمر وقبل مايتحمر بشوية ارش الوجة بالمعدنوس المفروم .



ويقدم مع الرز الابيض والف عافية



كب كيك البسكويت



كب كيك البسكويت
كلنا يبقى عدنا بسكويت بالبيت  محد ياكله وينذب بالاخير بهذا الكب كيك اللذيذ والسهل 
من اختراعي مراح يبقى بسكويت ابد
المقادير

3بيض

نص كوب سكر بني واذا تحبوة احلى يضاف كوب
نص كوب زيت
نص كوب طحين

2ملعقة صغيرة بيكنك باودر
رشة ملح
فانيلا
حليب سائل دافى تقريبا نص كوب او شوية اكثر
3اكواب بسكت مطحون
3ملاعق كبار كاكاو
اول خطوة نخفق البيض والسكر والزيت الى ان ينفش تقريبا 5دقائق


بعد خفق المواد
نضيف الكاكاو والطحين وفانيلا وبيكنك باودر والحليب بالتناوب ونخلطهم

اضيف بسكت مطحون واذا احتاجت العجينة اضيف حليب 

العجينة تكون مو خفيفة نوعا ما ثقيلة
اوزع الورق بقوالب الكب كيك واوزع العجين بيه ادخلة الفرن تقريبا 30 الى 35 دقيقة وبحرارة 180


نتركة يبرد وبعدها حفرت الكب كيك بهذة الاداة وحشيتها كريمة الخفق وتقدم بالف عافية
ملاحظة مثل ممبين بالصورة انه استعمملت انواع مختلفة من البسكت وخلها طحنتها سوية
ايمان(ام حمزة







فطيرة السبانخ واللحم

فطيرة السبانخ واللحم

سويتها اليوم على الغدا طيبة وخفيفة
استعملت عجينة البف باستري القليلة الدسم مثل ماتشوفون بالصورة 


فرشت العجينة بقالب  واساويها

الحشوة حمست لحم مفروم وضفت له بصل وحمستهم سوى


ضفت السبانخ المقطع وبعد ماانحمس ضفت رشة ملح وفلفل اسود  وسماق واللي يحب يضيف بهارات والحمس على نار قوية ومانترك السبانخ فترة طويلة على النار مجرد حمسة خفيفة

وقبل مااضيف الحشوة على العجين احاول اصفي الماء اللي يصير بالحشوة

ضفت الحشوة على العجين وضفت جبن موزريلا قليل الدسم عليها
فتحت عجينة البف حتى اغطي الوجة وفتحتها بهاي القطاعة تسوي نقشة بالعجين

هاي النقشة مبينة بالصور  فرشتها على الحشوة وسديت الاطراف مسحت الوجة بالحليب ودخلتها الفرن تقريبا نصف ساعة وعلى حرارة 180 وبعدها حمرت الوجة

اتركها دقائق بالقالب وبعدها اطلعها وتقطع وتقدم فكرة سهلة ولذيذة جدااااا


فطائر البستو والجبن




فطائر البستو والجبن
مقادير
5كوب طحين
كوبين ماء دافئ
نصف كوب زيت
2ملعقة كبيرة خميرة
3ملاعق سكر
رشة ملح
3ملاعق كبار حليب باودر
ملعقة بيكنك باودر


المقادير كلها تنقاس بنفس الكوب





اول خطوة خلطت الخميرة وي كوبين الماء الدافي لحد مذابت
نخلط الحليب مع السكر ونضيف الها الخميرة والماء
ونضيف الهم كوبين طحين ويعجن سوية العجينة راح تكون طرية جدا نغطيها ونتركها تتخمر عشر دقائق وممكن اكثر شوية اذا جو بارد
بعد 10 دقائق الخليط راح يتخمر ويتضاعف اضيف بقية الطحين والزيت والبيكنك باودر ويعجن جيدا وتصير جاهز للأستعمال
نشكلها حسب الرغبة ونحشيها ونشويها الطريقة مبينة بالصور



صلصة البيستو

مقادير


نصف كوب صنوبر يحمص على نار هادئة بدون زيت


باقة كبيرة ريحان الاوراق نغسلها وتنشف من الماء


ملح وفلفل اسود


نصف كوب زيت زيتون


ربع كوب جبن بارميزان

2فص ثوم

يحمص الصنوبر وبعدها يترك الى ان يبرد

نضع بمحضرة الطعام الريحان والثوم والجبن ويخلط وبعدها نضيف الصنوبر ورشة ملح وفلفل ويخلط وبعدها نبدي بااضافة الزيت الزيتون مع الخلط بخفة الى ان يتجانس الخليط ويقدم بالف عافية 

يحفظ بالثلاجة لغاية اسبوع او عشر ايام بعلبة مغلقة  و على الوجة نضيف زيت زيتون
 
نبدي نعمل فطائرنا نفتح العجينة شكل مستطيل


فرشت عجينة البيستو وفوقه جبن الموزريلا
اطبق العجينة بهالشكل واقطعها بقطاعة البيتزا

قطعتها بقطاعة البيتزا مثل ممبين
الفها لفة بسيطة وارتبها فوق ورق الزبدة وامسح الوجة بالبيض المخفوق مع رشة فانيلا واردخلها لفرن ساخن تقريبا عشر دقائق

وتصير جاهزة الف عافية
ايمان(ام حمزة

الوصفات الشائعة

counter

Flag Counter

 

أشترك معنا عن طريق الايميل

X