Saturday, 12 January 2013

كيكة الشوكولاتة الغامقة اللذيذة


كيكة الشوكولاتة الغامقة

2ونص كوب طحين

3/4كوب زبدة

100غم شوكولاتة حلويات غامقة
كوب ونص سكر بني او ابيض
4بيض
3/4كوب حليب بدرجة حرارة الغرفة
فانيلا
2ملعقة صغيرة بيكنك باودر
رشة ملح
ربع ملعقة صغيرة بيكنك صودا
3/4كوب كاكاو غامق
اول خطوة نخفق البيض مع السكر لمدة عشر دقائق الى ان يتضاعف حجم البيض 

على جهة ذوبت الشوكولاتة مع الزبدة بحمام مائي


بعد خفق البيض والسكر


اضيف شوكولاتة مذوبة مع الزبدة


والطحين يخلط مع بيكنك باودر وبيكنك صودا وابدي اضيف مع الخلط بالخفاقة بخفة

 ونضيف بقية المواد الكاكو والحليب بالتناوب

ادهن القالب وارشة طحين او كاكاو
واضع خليط العجين
ملاحظة
دائما اشغل الفرن من اكمل خفق البيض مع السكر يعني تقريبا خمس دقائق او اكثر

شوية قبل مااكمل بقية الكيكة

اضعه بفرن حرارة 180 تقريبا 40 الى 45 دقيقة وبعدها تبرد الكيكة




احضر تلبيسة الكيكة للتزين


3/4 كوب كريمة سائلة

 مع ملعقتين كبار زبدة على النار الى ان يسخن و تذوب الزبدة



بعد ماتسخن الكريمة  وتذوب الزبدة اضيف 100غم شوكولاتة حلويات مر


واتركها الى ان تتذوب


شكل الشوكولاتة  مبين بالصور بعد ماذاب ارجع الشوكولاتة على نار هادئة وابدي 

اضيف سكر بودرة تقريبا 3/4 كوب مع الخلط ونار هادئة جدا ارفعها من النار بعد 

ماانخلطت واتركها تبرد الشوكولاتة راح تثخن مثل ممبين بالصور اغلف بيها الكيكة

 وازينها حسب الرغبة وتقدم بالف عافية  

ايمان




كيكة الشطرنج الملونة

المواد
استعملت الكيك الجاهز 2باكيت
كريمة خفق سائلة بردتها وخفقتها
والوان الطعام الاحمر والازرق
خلطت الكيك مثل ممكتوب على العلبة قسمته الى 3 اقسام
الاول بقيته باللون الابيض والثاني لونتة احمر والثالث ازرق  شويت كل قسم لوحدة  بنفس القالب سويتها 3مراحل لان عندي قالب واحد بهالحجم  بعدها تركت الكيكات الثلاثة تبرد
وبديت اقطعها
استعملت قالب كيك  صغير كقطاعة اولى وكلاص (قدح) القطاعة الثانية وكل كيكة قطعتها مثل ممبين بالصور
ابدي ارتب القطع حسب الالوان وادهن بين القطع بكريمة الخفق بعد ماانتهي من ترتيب الطابق الاول ارتب الثاني والالوان متعاكسة الصقهم بكريمة الخفق والطبقة الثالثة نفس الشي اغطي كل الكيكة بكريمة الخفق وتزين حسب الرغبة
كيكة سهلة وحلوة لأعياد الميلاد
ايمان


بركر لحم بصلصة الفطر

(بركر لحم بصلصة الفطر(المشروم
بركر اللحم
عبارة عن 750 غم لحم عجل مفروم وضفت له قليل من اللية
ملح وفلفل اسود ورشة كبابة وبهارات بركر
نصف كوب بقصم مطحون
فص ثوم مهروس
تعجن المواد كلها سوية ونضعها بالثلاجة الى وقت التشكيل بعدها نشكلها ونشويها اما بالشواية او على الفحم حسب الرغبة
اهنا شويتها على الفحم نكهة اطيب تصير
نحضر صلصة الفطر عبارة عن
ملعقة كبيرة زبدة
2بصل حجم وسط مفروم حلقات
فطر (مشروم )علبة
ملح وفلفل اسود
ملعقتين كبار حليب او كريمة الطبخ
ملعقتين كبار صلصة ورشستر وموجودة صورتها مع تسلسل الطريقة
نحمر البصل بالزبدة الى ان يبدي يتكرمل البصل ونضيف اله الفطر ويقلب وبعدها رشة ملح وفلفل وصلصة والحليب ونتركة دقائق على النار ونرفعه مانبقيها هواية لان اريد يبقى بيه صوص مو ناشف
احضر سندويش البركر واهنا استعملت صمون الباجيت
افتح الصمون واصب بيه من صوص الفطر وادهنة بخليط متساوي من الكاتشاب والمايونيز والخردل واضع خس او جرجير
(وبعدها حلقات الطماطة والخيار والطرشي( المخلل
والبركر وبعدها خليط الفطر والبصل وجبن الشيدر ندخلها دقيقة تحت الشواية يذوب الجبن وتقدم بصحة وعافيةةةةة
ايمان

Friday, 11 January 2013

كيك الشوكولاتة بدون بيض


كيكة الشوكولاتة بدون بيض

مقادير

كوب و3/4 طحين

3/4كوب سكر
ربع كوب كاكاو
ملعقة كبيرة خل ابيض
رشة ملح
ملعقة كوب بيكنك باودر
نصف ملعقة صغيرة بيكنك صودا
نصف كوب زبدة ذائبة او زيت
رشة فانيلا او برش برتقال
كوب حليب او ماء دافئ
واني استعملت حليب الشوكولاتة المعلب

اول خطوة اخلط المواد الجافة سوية

 بعد الخلط  سوية بالمضرب  اليدوي ضفت الخل والمواد السائلةواخلطها سوية الى ان يتجانس عجين الكيك
 شكل العجين الكيك مبين بالصور بعد الخفق
اصبة بقالب مغلف ورق زبدة او مدهون ويرش طحين وادخله الفرن بحرارة 180 تقريبا 35 الى 40 دقيقة
طبعا الفرن اسخنه من اول مبديت الشغل 
بس اطفي الفرن وتستوي الكيكة برشت شوكولاتة فوقه وتركتها تذوب رجعتها الفرن اتركها تبرد واقطعها وتقدم بالف عافية


بس ملاحظة  ممكن زيادة السكر الى كوب للي يحب الكيكة حلوة 

ايمان


الفطير المشلتت بالعسل

الفطير المشلتت المصري بالعسل
3كوب طحين
رشة ملح
كوب وربع تقريبا ماء دافى
2ملعقة كبيرة زيت
وزبدة ذائبة للدهن تقريبا ربع كوب
نخلط الطحين مع رشة ملح ونبدي نضيف الماء مع العجن  الى ان تصبح عجينة طرية وماتلتصق نضيف الزيت ونظل نعجن بيها تحتاج عجن  زين حتى نحصل نتائج جيدة
بعد العجن تغطى ونترك العجينة ترتاح لنصف ساعة  بعدها نكور العجينة الى كور ونمسح الكور بالزبدة الذائدة ونبدي نفتحها على شكل قرص دائري خفيف جدااااا  ونمسح  وجهها بالزبدة ونطبقها وحدة على الثانية  مع مسح الجوانب بالزبدة اثناء التطبيق  نفتح كرة ثانية خفيفة ونمسحها بالزبدة ونضع الاولى الي طبقناها بالوسط ونغطيها بالعجين مع مسح الجوانب بالزبدة الذائبة وهكذا  الى ان تصير 6 او 7طوابق حسب الرغبة شكد نحب ثخن الفطيرثم نتركها 15 دقيقة ترتاح وبعدها نمسح الوجة بالزبدة ونفتحها بشكل دائرة ونضعها على ورق زبدة او قالب دائري مدهون نسخن الفرن  ونضعها بالفرن تقريبا 20 الى 25 دقيقة تبدي ترتفع الطبقات من نشوف ارتفعت الطبقات واتحمرت من جوة نحمر الوجة  وبعد التحمير نرش عليها العسل وتقدم حارةة مع القشطة والف مليون عافيةةةةة
الصور موضحة بالخطوات

ايمان(ام حمزة


Thursday, 10 January 2013

فطائر سبانخ بعجينة البف باستري

فطائر سبانخ بعجينة البف باستري
 نحتاج عجينة البف باستري الجاهزة
قوالب التارت
والحشوة عبارة عن سبانخ طازجة او مجمدة وبحالة اذا مجمدة نضعها بمصفي ونعصرها حتى نتخلص من كل الماء الي بيها
نحمس( نشوح) بصلة على النار بزيت الزيتون وبعدها نضيف الها السبانخ استعملت المجمدة ونحمسها على نار وسط لدقائق نضيف بعدها ملح وفلفل الاسود وسماق وماجي باودر حسب الرغبة  نطفي النار ونضيف للخلطة جبنة الموزريلا   ونخلطها بحالة اذا شفنا بالخلطة ماء نتخلص منه
نفرش عجينة بقوالب التارت ونساويها وبعدها نضع من الخلطة وفوقها رشة جبن موزريلا نقطع بقية العجين الى شرائح بالطول ونغطي وجة التارت ونمسح العجينة بالحليب البارد
ونضعها بفرن حرارتة 180 تقريبا 20 الى 25 دقيقة وطبعا يختلف من فرن للثاني يعني راقبوها
والف عافية
ملاحظة عجينة البف مانفتحها هواية ونشتغل بيها وهي باردة حتى نحصل على نتيجة جيدة ويتضاعف حجمها بالشوي

الوصفات الشائعة

counter

Flag Counter

 

أشترك معنا عن طريق الايميل

X