Wednesday, 25 December 2013

بهارات وطريقة عمل الباسطرمة





خلطة البهارات الباسطرمه
م اكل كمون -م اكل كزبره مطحونه- م كوب دراسين- م شاي هيل مطحون -م كوب جوزة بوة - م كوب كبابه مطحونه - م شاي فلفل اسود - ملح حسب الذوق - 8 فصوص ثوم مهروس اخر شي تضيفي بعد ما تطحنين تخبطين البهارات ,,,, وصدكوني هاي الخلطه الاصليه اخذتها من ناس عدهم محل مال بسطرمه مشهورين وهمه من اهل الموصل اني جربتها وطلعت رهيبه ,,,
*********
طرقة عمل البسطرمه:- 1كيلو لحم بقر-كيلو ونص لحم غنم ويفضل تطلبوها من اللحام من جهة الخاصره لان تكون دهينه ولينه بنفس الوقت -2 راس ثوم - وخيط مثل هذا الي بالصوره- واني استعمل لتعبئة البسطرمه ولتستغربون جواريب نايلون النسائيه الي هي لحد الركبه الخفيفه ويفضل بلون الجلد - وطبعا مننسى 3 ملعقة اكل من بهارات البسطرمه - والملح شويه زياده يعني كل كيلو من اللحم 2 م اكل مليانه ملح ,,,
طريقة العمل:_ تخلطين نوعين اللحم في وعاء وتهرسين الثوم والبهارات بمينه الثرم لوحدها ومن ثم تخلطيها مع اللحم وبمكينه اللحم تسحبين اللحم مرتين حتى يتجاني انعم اللحم وتتجانس ويا البهارات والثوم ومن بعد تضعيها بالثلاجه لمدة ساعه وتبدين تاخين كره من اللحم وتكون وزنها تقريبا 250 غرام وتعبيها بالجوراب وتسويها على شكل البرمه طويله واخر شي تضغطين عليها باليد حتى يصير شكلها مثل الي بالصوره امامكم وبهاية الجوراب تربطيها بالخيط ,,, كميه اللحم راح تسويلكم 4 باسطرمات ولازم تختارين مكان يتعرض بي الهواء مثلا المخزن او جوه الدرج المهم مو بره وتستغرق مدة التجفيف من 7 الى 10 ايام وتكون جاهزه,,,,, ميمي

No comments:

Post a Comment

الوصفات الشائعة

counter

Flag Counter