Wednesday, 13 November 2013

القيمة النجفية





القيمه النجفيه 

المقادير 
كيلو حمص منقوع 
كيلو لحم شرح 
كيلو بصل جوانح 
معجون طماطه 
عصير طماطه طازج 
البهارات : دارسين . هيل . فلفل اسود . ملح . نومي بصره كلها التوابل مطحونه ويفضل غيبر مخلوطه مع بعضها حتى نحافظ على النكهات اكثر 

بقدر نسلق الحمص حتى يستوي تمام 
نقطع اللحم مكعبات بقد نص كف الايد تقريبا ونسلقها بقدر ثاني 
ونرفع الزفره 
نضيف بصل 2 نقسمه نصفين مع حبات الفلفل الاسود ونتركه على نار هاديه حتى يستوي مضبوط ( اكو يحبون يضيفون ورق غار ودارسين كمون وغير منكهات لكن اني افضل الطريقه الكلاسيكيه الي تعودنا على طعمها ) 
نحضر قدر كبير لعمل القيمه 
نقطع ليه غنم مقدار ربع كيلو او اقل حسب الر غبه الى شرائح رفيعه ونضعها في قاع القدر على النار حتى تذوب ويخرج منها دهن اليه نضيف القليل من الزيت حتى لا يحرق دهن اليه 
نضع البصل فوق الدهن ونحمسه حتى يذبل ويشقر 
نضيف المعجون ونحمسه حتى نشم ريحته 
نضيف عصير الطماطه الطازج ونتركه يغلي 
نخرج اللحم ونريشه ونضيفه للقدر ونصفي ماء اللحم ونضيفه ايضا 
اما الحمص ندقه اشويه بالهاون يعني نكسره مو نطحنه كثير 
ونظيفه للقدر واذا احتاجينا ماء اضافي نستعمل ماء سلق الحمص 
نترك كل المواد تغلي على نار هادئه لمده ساعه مع التقليب كل فتره 
حتى لا تتكون رواسب في اسفل القدر 
الان نضيف التوابل رح ابدي حسب الكميات من الاقل الى الاكثر 
هيل . دارسين . ملح . فلفل اسود .. نومي بصره 
هذه الكميات غير ثابته تعتمد على التذوق 
ونتركه تغلي ايضا مع التوابل ومع التحريك المستمر 
بعد نص ساعه رح تكون جاهزه والتوابل كثير واضحه بيها لان ضفناها بالاخير 
ممكن حمس التوابل مع البصل بالبدايه لكن وضعها بالاخير رح ينطينا نكه اروع 
(ملاحظه المقادير ممكن تقليلها او زيادتها حسب نوع المواد المستعمله ) 

ام جنه



2 comments:

  1. عفوا شنو قصدجب"نريشه للحم" ؟؟
    وعاشت الايادي لان شكلهه يخبل

    ReplyDelete
  2. حبيتبي القصد تسوية شرائح خفيفة تفلسيه بيدج

    ReplyDelete

الوصفات الشائعة

counter

Flag Counter

 

أشترك معنا عن طريق الايميل

X