Thursday, 7 November 2013

شوربة الحبوب او الاش


شوربة الحبوب او الاش
المواد

اول شي الحبوب هي فاصوليا بيضاء لوبيا حمرة حمص اني استعملت المعلب ماش عدس اسمر وباقلاء بس اني محطيت اهنا باقلاء

وتكون كلها بكمية متساوية مثلا كوب من كل نوع او استكان نقعتهم قبل ليلة وثاني يوم وضعت  كل نوع بقدروتركته يستوي على جهة لان كل نوع يحتاج وقت يختلف عن النوع الثاني بالاستواء
وطبعا بالبداية سلقت لحم الغنم 

حمست بصلة بالقدر
غسلت السلق وفرمته وضفته على البصل وحمستهم سوى

ضفت ماء اللحم والحبوب المستوية وتقريبا ربع كوب رز  منقوع وطبعا اذا رز عنبر يكون احسن بس اني ممتوفر عندي ضفت رز بسمتي



ضفت اللحم مع الشوربة واهنا طبعا نضيف معكرونة او سباكيتي مسلوق مع الشوربة بس اني مضفت  والملح والبهارات والفلفل اسود والكمون

واللي يحب نكهة اكثر يضيف قطعة ماجي ويبقى على النار الى ان تنهرس البقول جيدا واللحم

احمس على جهة 3بصلات مفرومة واحمرهم زين حتى ازين بيه الشوربه وينطيه هم طعم طيب

وتقدم بالف عافية

0 comments:

Post a Comment

الوصفات الشائعة

counter

Flag Counter

 

أشترك معنا عن طريق الايميل

X