Wednesday, 27 November 2013

الصمون العراقي


الصمون العراقي

المقادير
5كوب طحين
ملعقة كبيرة ونصف خميرة
 ملح
ملعقة شاي سكر
ماء دافئ تقريبا كوب ونصف الى كوبين حسب حاجة العجين
العمل
نخلط الطحين مع الملح
نضيف الخميرة بالوسط والسكر ونضيف نصف كوب ماء دافى ونتركه لخمس دقائق
راح نلاحظ الخميرة ترتفع نبدي نضيف بقية الماء مع العجن نضيف ونعجن ونشوف ملمس العجين
لازم تكون العجينة طرية بالايد مو قوية وهذا سبب نجاحها اذا عجينة قوية مراح تنجح
تضغطون عليها بالايد طرية تكون
بعد العجن جيدا نغلف الاناء الى بيه العجين كله بنايلون التغليف ومنترك اي مجال فارغ
نتركها بمكان دافى لمدة ساعة تقريبا تتخمر
الصورة 7بعد التخمير  نلاحظ شلون ارتفعت وانفخ النايلون نرفع النايلون وبخفة نلمها العجينة متنعجن فقط نلمها
نرش الطحين على المكان الي راح نشتغل بيه ونبدي نعمل اقراص(شنك) من العجين وحسب الحجم الي نريده
نغطي الاقراص بفوطة نظيفة ونتركها تتخمر 10 دقائق
نفرش فوطة نظيفة ونبدي نشكل الصمون نسحب فقط من الجهتين ونضغط على الوسط بيدنا ونشكلة للصمون ونضعه فوق الفوطة وطبعا يغطى ايضا بفوطة نظيفة  ويترك لمدة 15 دقيقة
اهنا طبعا الفرن نكون فاتحيه قبل نصف ساعة وبااعلى درجة حرارة  250 او حسب درجات الفرن الي عدكم
نبدي نمسح الصمون باللبن المخفف ويكون طبعا بحرارة الغرفة ونضيف السمسم او بدونة حسب متحبون
ونرفع الصمونة باايدنا ونضعها على صينة الفرن بحذر لان الصينية تكون ساخنة جداا
ننتظر تقريبا 10 دقائق او اقل  يرتفع الصمون ويتحمر الوجة
راسا نطلع الصمون من الفرن ونغطيه بالفوطة ونتركة خمس دقائق ويقدم بالف عافية
اطيب صمون عراقي
ايمان(ام حمزة






No comments:

Post a Comment

الوصفات الشائعة

counter

Flag Counter