Tuesday, 1 October 2013

كليجة


كليجة

المقادير:-
٤٥٠ غم طحين يعني نص كيلو الا شويه
١٥٠ غم زبد بدرجة حرارة الغرفة يعني قالب الاصبع ونص
كوب حليب دافي
م كبيرة بيكنك باودر
م كوب ممسوحة ملح
م كوب مليانة سكر
الطريقة:-
نخلط الطحين والبيكنك باودر والملح والسكر ونسوي حفرة بالوسط نضع الزبد فيها ونبدي نفرك الزبد بالطحين فركاً مبرحاً هههه 
ثم نضيف الحليب ونعجن ونتركها نص ساعه 
للحشوة
تمر منزوع النوى ٤٠٠ غم
هيل مطحون ٣ ملعقة شاي
زبد ٣٠ غم ربع قالب صغير تقريباً 
نحمس التمر بالزبد ونضيف الهيل نقلبه شويه وراها نطفي ونتركة يبرد
نجي نفرش العجين على شكل مستطيل طبقة مو ثخينة كلما اخف اطيب وفوكا التمر نفرشة على كل العجينة ونلفه مثل السويسرول ونقطعه 
او تشكلوها بقوالب اني الحقيقه ماعندي 
يكون بهالاثناء الفرن حامي ١٨٠ 
ندهن الوجه بالبيض وندخلها الفرن مدة عشرين دقيقه تقريباً والسسسسسررر مال احمرار الوجه هووو !!
ورة مندخلها الفرن ب١٠ دقايق ارد اطلعها ادهنها مرة ثانية بالبيض لذلك الوجه يلالي لون ولمعه وتكدرون اكييد بيض مع شويه حليب 
ومليووون عافيه تره تعبت ههههه ..... بروقه

الوصفات الشائعة

counter

Flag Counter

 

أشترك معنا عن طريق الايميل

X