Tuesday, 1 October 2013

كبة الجريش



مراحب حبايبي ، هذي طريقتي بعمل بكبة الجريش
بنات بالبدايه اني اخذ خليط جاهز ينباع يمنا مخلوط برغل وجريش ، بس اني مجربه ايظاً بس جريش وناجحه جداً
اول ماابدي بالقيمة عادي احمس بصل والقيمة وملح وفلفل واضيف شويه ٧ بهارات اذا ماعدكم بهارات برياني عادي شويه وازيد الكمون وشويه مي الى ان ينشف المي وتحمس ارفعها واتركها تبرد خطوة ضرورية جداً
بين متبرد القيمة اجيب الجريش اضيفله مي حار واتركة شويه ينفش وارجع اخلي ملح وكمون رشه واضيفله مي حار عالنظر طبعاً الا ان تصير عجينة مايله للنعومة بالتشكيل مو قويه ، طبعاً احب اقسمها للعجينة بالبدايه الى احجام متساوية حتى تصير الكبة حجم واحد ومرتبه
اسوي نموذج للتجربه افتح عجينة بيدي بأصبع الشهادة وضروري يمي شويه مي حتى لتلزك واحشيها ملعقة كوب قيمة او اكثر شويه وابدي اسد واساوي ، هنا اكون خاله عالنار مي وشعريه وماجي بحيث ديفور واذب الكبة دقايق واطلعها اشوفها شونها عجينتها ثخينة او انفلت او لا وعلئ اساسها اداوي تشكيل الكبايه
واحاول المرة الجايه اصور ٣٠ ثانيه فديو شون اشكل الكبايه حتى تشوفوا
هنا ممكن السوب يصير شوربه لان كله مونه واي سؤال اني حاضرة ..... بروقة

الوصفات الشائعة

counter

Flag Counter

 

أشترك معنا عن طريق الايميل

X