Thursday, 19 September 2013

صمون بالحليب


مساء الخير عليكم ياحلوين فقرتنا اليوم اسرار المعجنات مع ادمن ووياكم اليوم شموسة وراح انسوي صمون بالحليب هش وطعمه جدا بديع واسوي خصيصا لاطفالي لاحتواء على قيمة غذائية عالية اكثر من الصمون العادي لانه يحتوي بالاضافة الى الطحين البيض والحليب والزبد وسويت من نفس العجينة هذه الاشكال الموجودة بالصورة وممكن تستفادون منه بالمدرسة وسبق وتكلمنا بموضوع اللانج بوكس وهذه احدى الافكار 



المقادير 
٣- ٣ ونص كوب طحين ، ١ كوب حليب ، ١/٢ كوب زبد ، بيضة واحدة ، ٢ ونصف م ص خميرة ، ١/٢ م ص بيكنك باودر ، ١ م ص ملح ٢ م ك سكر 

للوجه بيضة وملعقة طعام حليب و٢ قطرة خل 
العمل 
اخلط ٣ كوب طحين وبقية المواد كلها واعجن واذا احتاج الامر اضيف المزيد من الطحين اضيف شوية شوية واعجن لحد ما تتكون عندي عجينة طرية اغطيها واتركها تختمر ..... شمس 
ملاحظة م ص = ملعقة صغيرة 
م ك = ملعقة كبيرة


طبعا اني ضاعفت الكمية حتى اسوي مختلف الاشكال 
اول شكل هو الصمون العادي اخذ قسم من العجين واكورة واتركه يختمر ويتضاعف حجمه واني افضل اسوي صغار على كد الاطفال حتى لا يبقى منها زايد تشوفون بالصورة ٢ على جهة اليسار عجنت مع العجين جبن وكورتها وسويتها صمون بالجبن هم طيب ومفيد للصبح او ياخذه الطفل وياه للمدرسة

هذا الصمون العادي  صورة 3ممكن تسوين بيه اي نوع ساندويش او تحشي وتكورين العجينة وتتركيها تختمر وتطلع عندج جاهزة محشاية بركر شاورما او اي نوع خضرة وتكدرون تضيفون على وجه الصمون سمسم وحبة البركة براحتكم 

سر اللمعة التشوفوها هي قطرتين الخل الضفناها على البيضة والحليب لمسح وجه الصمون ...



وهذا شكل الصمون بالجبن صورة 4

من نفس العجينة سويت الميني بيتزا سويت كرات صغيرة وفرشتها وضفت الكجب على الوجه والجبن ودخلتها الفرن طبعا الفرن بكل الاشكال هو ٣٥٠ فهرنهايت او. ١٨٠ مئوي ...

والشكل صورة 5 سميته شرانق الصوصج هههههه شفت شكله صار مثل الشرنقة افتح العجين بالشيبك وبالسكين اقطعه شرائح طولية والف هذه الشرائح على الصوصج وامسح الوجه بالبيض وادخله الفرن واني متاكدة اذا سويتوها بنفس اليوم راح تخلص بعد الاطفال عد عينهم يتخبلون على الصوصج ما اعرف شنو السر البيه .....
والشكل الاخير سويته للعصرية اخذت نصف كمية العجين وفرشته بالشيبك وعندي حميس لحم باقي مال الكبة او تحبين تحضرين تحمسون البصل واللحم الى ان يستوي واضيف البهارات والملح واخيرا المعدنوس وافرش الخلطة على طول العجينة الفرشتها وضفت جبن فوقه ولفيتها وتركتها تختمر ويتضاعف حجمها ومسحت الوجه البيض ودخلتها الفرن ومن طلعت قطعتها وقدمتها بالف عافية 
شمس

الوصفات الشائعة

counter

Flag Counter