Friday, 19 July 2013

كنافة بالفستق













كنافة بالفستق شفتها بالنت وجربتها وكلش عجبتهم بالبيت 


١/٤ باكيت كنافة ، ١/٢ علبة من حليب محلى ، فستق اخضر ، ماء ورد، هيل،  ملعقة سكر ، ملعقة كبيرة شيرة (. قطر ، ٢ ملعقة زبد او دهن حر 
اول شي احضر الحشو واضيف عليه شوية ماء ورد او زهر وهيل والسكر وملعقة من الشيرة واخبطها واتركها وابدي احضر الكنافة 
اخذ الكنافة وافتتها باليد حتى تصير ناعمة وابدي احمسها بالزبد او الدهن الحر حتى يتغير لونها الى البني وابعدها عن النار وابدي اضيف الحليب المحلى شوية شوية مع الخلط حتى تتماسك وتتجانس الكنافة مع الحليب احتمال ما نستعمل كل الكمية ابدي هي وحارة اشتغل بيها 
اني استعملت ١/٤ كوب القياسي لعمل القالب وانتوا تكدرون تستعملون المناسب لكم ابدي اضيف الفستق كما موضح بالصورة وفوقها اضع الكنافة واضغط عليها حتى تترتب وتكون قالب واقلبها وادقها مثل ما نسوي للكليجة وراح تطلع كما في الصور قالب وخلصت سهلة وطعمها لا يوصف والف عافية 
طريقتي لعمل الشيرة اضع ٢ كوب سكر و١ كوب ماءوملعقة كبيرة ليمون حامض وهيل وماء ورد او زهر او اي مطيبات ترغبولها واتركها على النار مع ازلة الرغوة البيضاء كلما تكونت وعند فورانها اوطي الحرارة الى الوسط واتركها ١٠ دقائق فقط . 








Sent from my iPad

الوصفات الشائعة

counter

Flag Counter

 

أشترك معنا عن طريق الايميل

X