Friday, 12 July 2013

بردة بلاو

بردة بلاو بعجينة البف باستري

عجينة بف باستري جاهزة ،٢ كوب تمن ، شعرية، ،١ بصلة مفرومة ناعم ،  فطر مقطع شرائح  ، جزر ، بزاليا ( اني استعملت كيس جزر وبزاليا مشكلة مجمدة ) ، ٢ بطاطا مقطعة قطع صغيرة  ، ملعقة كبيرة بهارات مشكلة ، ١ ملعقة صغيرة كمون ، ١ ملعقة صغيرة نومي بصرة ، ١ ملعقة هيل ، ١ ملعقة صغيرة كاري ، ١ ملعقة صغيرة دارسين ، ١/٢ ملعقة صغيرة كبابة، ملح ، دجاج مفلس او ممكن الاستغناء عنه والاكتفاء بالكفتة ، ٣ بيض مسلوق ، كشمش ولوز او صنوبر 
الكفتة عبارة عن لحم مثروم وبصلة وبهارات مشكلة 
اول احضر الحشو احمس البصل والبطاطا والجزر والبزاليا والفطر والملح الى ان تستوي 
واطبخ التمن احمس الشعرية اولا واضيف التمن والماء والملح  واطبخه كالمعتاد 
اضيف الحشو وجميع البهارات المذكورة الى التمن واتركه يتهدر ومن يستوي اخبط المكونات جيدا 
احضر الكفتة افرم البصل ناعم واضيف اللحم وشوية طحين وملح وبهارات مشكلة واعجنها وابدي اشكلها اني حشيتها بالبيض اقطع البيض الى اثمان واحشي كل ثمن بداخل كفتاية ومن اخلص الكمية قليتها او ممكن تشووها 
احمس الكشمش واللوز واتركه على صفحة 
ابدي افتح العجينة برش اسفل العجينة وفوقها بقليل من الطحين وابدي افردها بالشيبك واسويها شوية خفيفة 
اني استعملت قدر عميق لان اريدها تطلع كبيرة وعالية لان عندي خطار انتوا تكدرون تستعملون البايركس او اي قالب حسب ما متوفر عدكم 
اشيل العجينة وادخلها القالب واترك اجزاء من العجينة خارج القالب حتى اغطيها بالاخير 
ابدي اضيف التمن المشكل وفوقه ارش الدجاج المفلس وكمية من الكشمش واللوز 
وارجع اضيف كمية من التمن المشكل وفوقه اصفط الكفتة وهم اضيف الكشمش واللوز 
واخر طبقة تمن مشكل ودجاج وكشمش ولوز 
ارجع اغطي الحشوة بالعجينة الباقية التركتها على الاطراف وادخلها الفرن الى ان تحمر العجينة 
طبعا يفضل استعمال البايركس حتى تشوفون احمرار العجينة وتتحكمون بيها والف الف عافية ...... شمس 















الوصفات الشائعة

counter

Flag Counter

 

أشترك معنا عن طريق الايميل

X