Friday, 28 June 2013

كيك جوز الهند

مقادير كيك بمبروش جوز هند
هدى

2ونص كوب طحين
1ونص كوب سكر
ثلث كوب او كوب كامل حليب
4بيض
2ملعقة كوب بيكن باودر
1كوب مبروش جوز هند
1ملعقة كوب فانيلية
نص قالب زبد او ما يعادل نص كوب
رشة ملح
نخلط الزبدة الحد ما يتغير لون الزبدة قليلا وتكون الزبدة بحرارة الغرفة
بعدة نضيف السكر بل تدريج ونستمر بالخلط
بعدة السكر نضيف البيض بيضة بيضة ونخلط جيد الحد ما يذوب السكر وتصبح مثل الكريمة
هاي بعد ما خلطت كل البيض وذاب السكر
بعده نضيف كوب مبروش جوز هند
بعد خلط مبروش جوز هند بهاي المرحلة نشغل الفرن على درجة حرارة140ونشغل الشعلى التحت ونبدي نضيف الطحين على العجينة بتدريج مع الحليب وكمية الحليب تختلف من ثلثل كوب الى كوب حسن نوعية الطحين واخر شي نضيف البيكن باودر ونخلط العجينة اخر شي
اني استعملت ورق الزبد في تغليف القالب الي وضعت بي الكيكة الي اتحب تستعمل الطريقة الاعتيادية تدهنون القالب بالدهن ونرشا بالطحين
هاي المسافة الي اخلي بيها الكيكة بالفرن تكون في الوسط وما يحتاج تشغلين الشعلة الفوق من الفرن هيا تتحمر على الحرارة والي فرنها ما ايحمر زين من تستوي الكيكا ممكن تعلك الشعلة الفوق حتى يتحمر الوجه
هاي بعد تقريبا من20الى30دقيقة اسوي تجربة ادخل سكينة اذا طلعت نضيفة يعني استوت الكيكة ومعلومة مهمة جدا الفرن ما ينفتح قبل20دقيقة
اترك الكيكة تبرد تماما ابدي اسوي التلبيسا عبارة عن
كوب كريمة الخفق واذا ما متوفر باكيت قشطة
و200غرام شكلاتة
2ملعقة كوب باودر كاكاو
نخلطها كلها ونذوبها على نار هاذئة
هنا ذابت الشكلاتة نتركها تبرد جيدا
بعد ما بردت الكيكة والتلبيسة الكاكاو ندهن الكيكة بالتلبيسة
وهاي زينتها با مبروش جوز هند وفستق اخضر مطحون
ملاحظة الي ما ايريد ايسوي التلبيسة ممكن يستغني عنها والي ايحب يضيف بودرة الكاكاو الى عجينة الكيك ممكن يضيف والي ما يحب مبروش جوز هند ممكن يستغنا عنا ويضيف مكنها نصف كوب طحين
ان شاء الله تعجبكم

الوصفات الشائعة

counter

Flag Counter

 

أشترك معنا عن طريق الايميل

X