Monday, 24 June 2013

كبة برغل وجريش

كبة برغل وجريش
المقادير
2كوب جريش
1كوب برغل
2كوب  او كوب ونص  لحم مفروم صافي
2كوب ماء
ملح وبهارات مشكلة ورشة كمون
الحشوة
تقريبا 3/4كيلو لحم مفروم بيه لية
بصل
بقدونس
بهارات مشكلة وكبابة وفلفل اسود
ملح
لوز وكشمش
ملاحظة اهنا استعملت الكاسة بدل الكوب حتى المقدار يصير اكثر
العمل
اول خطوة خلطت الجريش والبرغل واستعملت البرغل الاسمر ممكن تستعملون العادي نفس الشي
ضفت له الملح والبهارات والكمون ورشة صودا
ضفت اول كاسة ماء وخلطتهم وتركت الخليط لدقائق بعدها ضفت الكاسة الثانية وايضا خلطتها وتركت الخليط لدقائق
ضفت له اللحم المفروم الصافي وخلطتهم ووضعتهم بمكينة اللحم وفرمتهم
ممكن نستعمل ست البيت(محظرة الطعام
بعد ماتصير عجينة وتكون متماسكة وسهلة بالشغل اذا شفنا عجينة شوية قوية نضيف الها قليل من الماء وبعدين  نضعها بالمكينة او ست البيت
نحضر الحشوة
اول خطوة نحمس البصل المفروم ناعم ويضاف له اللحم ويقلب الى ان يستوي ونطفي النار نترك الخليط شوية يبرد نضيف له البقدونس ونضيف الملح والفلفل والبهارات والكبابة (بهار حلو  ونضيف له مكسرات وكشمش حسب الرغبة ونترك الحشوة تبرد طبعا بالبداية لازم نحضر الحشوة  قبل  عجين الكبة
نبدي نفتح الكبة ونحشيها ونشكلها  وبعدها تحفظ بالفريز بصينية الى ان تجمد وتعبى بااكياس
لوقت الاستعمال
عند الاستعمال
تسلق بماء يغلي ونضيف للماء ملح وقليل من الصودا ونسلقها 
وبعدها تقلى او تقددم بدون قلي والف عافية
ايمان(ام حمزة









الوصفات الشائعة

counter

Flag Counter

 

أشترك معنا عن طريق الايميل

X