Monday, 24 June 2013

مناوي كب كيك



مناوي كب كيك

اليوم مناوي سوتلنا كب كيك بس شلون كب كيك يجنن طلع وهش هاي تجربة الثانية الها الاولى جان حجارة ههههه
اني انطيتها مقادير وهي سوتها وطبعا مقبلت الا تخلطها بيدها تكول اذا احطها بالخلاط اني شسوي لعد شنو شغلي هههه
يلة نجي على مقادير مناوي كب كيك 
كوب طحين
3بيض
2ملعقة كوب بيكنك باودر
2ملعقة كبيرة كاكاو
رشة ملح
3ملاعق كبيرة زيت
3/4 كوب سكر
حليب سائل تقريبا 4ملاعق كبيرة
فانيلا
اول خطوة نخلط الطحين والبيكنك باودر والكاكاو سوية بمضرب يدوي او ننخلهم
خفقت البيض مع السكر لدقائق ونضيف له فانيلا ورشة ملح وزيت وخلطته بيدها وتورطت لان تعبت من الخلط ههههه
وراها ضافت الطحين والكاكاو البيكنك باودر المخلوط سوية والحليب حسب حاجة العجين وعجينة ماتكون لينة 
صبتها بقوالب الكب كيك وطبعا شغلت الفرن بدرجة حرارة 180 وتقريبا 25 دقيقة يكون جاهز ويجنن وهش والف عافية 
ام حمزة

الوصفات الشائعة

counter

Flag Counter

 

أشترك معنا عن طريق الايميل

X