Friday, 14 June 2013

كبه البطاطا


مساء الخير على عيونكم الحلوه ،، ماكو واحد او وحده ميحب كبه البطاطا ،، والاغلبيه يحبوها واني وحده منهم ههه ،، واحنه نسميها بتيته جاب ،،
المقادير /نصف كيلو لحم مفروم /بصلتين مفرومه ناعم / نص او اقل بشويه معدنوس مفروم ناعم/ابطاطا كيلو ونص /نص كوب نشا/ ونص كوب فتات الخبز مطحون او قرشله / البهارات / ملعقه اكل كمون / ملعقه كوب بهار حلو او كبابه / فلفل اسود وملح حسب الذوق/ /زيت للقلي ،،
الطيقه كدامكم بالصور حبايب واخيراً باركولي صار عندي هذا البرنامج حتى تسهل عليكم الطريقه هههه ،،، بالصوره الاولى حمست اللحم المفروم والبصل وتبلت بالبهارات //بالصوره الثانيه // صفيت الحشوه بعد ما تستوي لان الكبه هايه بالذات حساسه اذا اكو باقي بالحشوه شويه ماي او زيت راح تفتح عدكم بالقلي // صوره رقم ثلاثه برشت البطاطه بأيدي بعد ماسلقتها طبعا ورشيت عليها النشا وفتات الخبز والملح وكمون وشويه لازم تكون دافيه البطاطا وعجنتها الى ان صارت عندي عجينه متماسكه // صوره رقم اربعه حشيتها // وصوره رقم خمسه قليت الكبه كل الكميه والسبب انو هذا النوع من الكبه اذا ناوين تسون منها كميه فلازم تقلوها لان البطاطا متتحمل تبقى بالفريزر مده طويله لان تلم ماي اقصد ثلج فهايه نصيحه مني الكم // والصوره الاخيره يكون هذا شكلها حبايب والف عافيه ( ملاحظه بعد ماتقلوها وتخلون تحتها ورق المطبخ وتنشف من الزيت وتبرد تماماً ترصوها بأطباق الالمنيوم المربعه او المدوره هههه وتغلفوها بالبلاستك وتحفظوها بالفريزر وتتحمل لمده شهرين وهي هاي الطريقه مال المطاعم وانشالله تعجبكم الفكره وعافيات من مطبخ ،،،شيفتكم ميم

الوصفات الشائعة

counter

Flag Counter

 

أشترك معنا عن طريق الايميل

X