Saturday, 29 June 2013

لحم بعجين بس بدون لحم


 ....حلوة مو؟
لحم بعجين بس بدون لحم

هدى
اول شي نحتاج
طماطة وبصل وكرفس او معدنوس وفلفل اخضر قليل من معجون الطماطة وملح وفلفل اسود.........كميات الخضروات على حسب الكميا الي انتوا ناوين تسوها والعجينة اني استعملت نفس العجينة الي موجودة بالبومي ممكن تستعملون اي عجينة انت متعودين عليها
قبل ما نبدي بالثرم نشغل الفرن الشعلة الفوق والتحت على حرارة عالية وطبعن احنة امحضرين العجينة قبل فترة ومختمرة نبدي نثرم الخضروات بست البيت او نبرشها المهم تكون ثرم ناعم جدا بعد ما ثرمت جديع الخضراوات اضيف المعجون طماطة والملح والفلفل
وهاي الخليط بعد ما ضفتلة كل المكونات

نقطع العجينة قطع صغيرة يعني نشنكها ونتركها قليل ترتاح ونبدي نفتحها خفيف كلش
وبعدها نضع العجينة في صينيت الفرن ونضع الحشوا عليها ونساويها وندخلها الفرن وما تاخذ وقت طويل اقل من10 دقايق
وتقطع وتقدم مع شرايح ليمون ومعدنوس ....نعصر الليمون عليها ونضع المعدنوس بداخل ورهيبا ان شاء الله تعجبكم

الوصفات الشائعة

counter

Flag Counter

 

أشترك معنا عن طريق الايميل

X