Tuesday, 18 June 2013

داطلي










داطلي 
المقادير ٢٥٠ مل( ١ كوب) ماء ، ٧٥ مل ( ١/٣ كوب ) زيت ، ٢٥ غم ( ١/٤ كوب ) زبد ، رشة ملح ، ١ ملعقة صغيرة سكر ،فانيليا ، ٢٠٠ غرام ( كوب وربع ) طحين ، ٣ بيض ، ٢ ملعقة كبيرة سميد ، شيرة ( ٢ كوب سكر ، ١ كوب ماء تخلط وتوضع على النار ويضاف لها عصرة ١/٢ ليمونة وهيل او زعفران وماء الورد وعند الفوران تزال الرغوة وتقلل الحرارة الى الوسط وتترك ٨ -١٠ دقائق فقط)  
العمل يخلط الماء والزيت والزبد والملح والسكر معا ويوضع في قدر على النار حتى يغلي ثم نضيف الطحين و السميد ونخلط بسرعة حتى يصبح كتلة واحدة نرفع القدر من النار ويترك ٥ دقائق ثم نضيف اول بيضة ونخلط بالعجانة او الفود بروسسر ثم نضيف البيضة الثانية ونخلط ثم نضيف الاخيرة ونضيف الفانيليا ونخلط وراح تتكون عدنا عجينة طرية نوعا ما كما في الصورة رقم ١ 
الصورة ٢ وضعت قسم من العجين داخل كيس التزيين واستخدمت الراس الموجود بالصورة 1M 
وبديت اقليها على حرارة متوسطة مو عالية حتى تستوي من الداخل واحاول ما اضيف عدد هواية حتى اكدر اقلبها وطبعا نستمر بالتقليب لحد ما تستوي ودتلاحظون الفرق بين الصورة ٣ و ٤ اول ما بديت اقليها رفيعة وبعدين بدت تنتفخ 
من تستوي اكون محضرة شيرة وراسا ادخلها بالشيرة اتركها فد دقيقتين واتاكد تغطت بالشيرة ارفعها من الشيرة واضعها بالمصفي حتى تتصفى من الشيرة الزايدة تترك تبرد وتاكلوها بالف عافية ...... شمس 
طبعا ما اوصفلكم شكد هشة وتخبل وحتى ممكن تحشوها بالقيمر تفتح من الجانب وتحشى 
وللامانة طبعا الوصفة اخذتها من صفحة توتا وفتفوتا  وهي موصية اذا تحبوها مقرمشة  ضيفوا سميد مع الطحين اني ضفت ٢ ملعقة كبيرة سميد بس مصارت كلش مقرمشة زينة بس اذا تحبوها مقرمشة زايد ضيفوا ١/٤ كوب سميد بدل ١/٤ كوب طحين 







الوصفات الشائعة

counter

Flag Counter

 

أشترك معنا عن طريق الايميل

X