Friday, 17 May 2013

متسابقة 8 ايمان


ريجيمي الي مشيت عليه هو ريجيم الماء
الصبح على الريق 3الى 4اكواب ماء
بعدها بساعة الريوك وعبارة عن كوب نسكافية مع قطعة توست وبيضة او جبن  او فطر حسب المتوفر مع التغيير حتى لايصير ملل
بعدها بساعتين ماكو لا اكل ولاشرب
قبل الغدا ايضا نفس الشي 3الى 4كوب ماء وطبعا يوميا نزيد شوية  الماء
الغدا حسب الي اطبخة ومرات اسوي الي اكل دايت راح انزل كل الصور الي اسويها ان شاء الله
مع سلطة اكيد وبدون لاخبز ولا رز

العصر شاي ومعه قطعة بسكت او شابورة الرشاقة وراح انزل الكم طريقة الشابورة  كاملة
عشى ماكو ممكن قطعة فاكهه او عصير الكيوي والليمون
وباقي الليل اكضيها ماااااء
مع رياضة المشي حسب مااكدر


عصير الحارق للدهون عبارة عن حبة كيوي ونصف عصير ليمون وقليل من ماء بارد ويخلط بالخلاط ويشرب بعد الغداء او بالليل


وجبة ريوك لذيذة وتغير الكم قطعة توست اسمر وفطر مشوي بالمقلاة التيفال مع رشة ملح وفلفل اسود وبيضة مقلية بالمقلاة التيفال فقط مسحت المقلاة بزيت زيتون وضفت البيضة ورشة ملح وفلفل اسود 

مشيت لمدة نصف ساعة  على جهاز المشي

مشروب الشاي الاخضر والزنجبيل مرة واحدة اشربه باليوم
قطعة زنجبيل طازج مثل ممبين بالصورة اقشرة وابرشة واضعه بقدر تقريبا 3اكواب ماء واتركه يغلي لمدة عشر دقائق تقريبا  وبعدها اصفية وكل كوب كوب من شراب الزنجبيل  اضع بيه كيس من شاي الاخضر لدقائق وبعدها يشرب
هذه الكمية مال 3ايام

الريوك اليوم كان بيضة ونصف صمونة ونسكافية
الغدا  سلطة مع صدر دجاج
العصر 2قطعه شابورة مع شاي بدون سكر
رياضة نصف ساعة وماكو عشى وطبعا قبل الوجبات ماء حسب ريجيم الماء

قبل الريوك لتر ماء
الريوك كاسة كورن فليكس  قمح كامل مع قليل من حليب خالي الدسم بعدها  بساعة شربت نسكافية
الغدا صدر دجاج محشي بالبرغل وسلطة
العصرية وهو عشى كوب شاي بدون سكر مع 2شابورة  ومااء بين الوجبات

يوماتي قبل الفطور لتر ماء
الفطور
   قطعة توست اسمر مع فطر وقطعة جبن قليل الدسم
وكوب نسكافية
الغدا  سلطة  مع صدر  دجاج مشوي  ولبن زبادي
بعد الغدا شاي اخضر وزنجبيل
العصر  شاي + قطعة صغيرة كيك
عشاء ماكو اكلت تفاحة  ورياضة مشيت نصف ساعة وطبعا ماء اكيد

اول اسبوع النزول نصف كيلو طبعا اني وزني 63.5 مو 63 لان وزنت بعد مانزلت صورة ميزاني بالميزان الالكتروني
هذا الاسبوع وزني صار 63



يومياتي
الريوك كورن فليكس وبعدها بنص ساعة نسكافية
الغدا اكلت سلطة لبن قليل الدسم  ومعدنوس وخيار  مااتغديت
بعدها تفاحة
العصر اكلت قطعه كيك وشاي بدون سكر
ومشيت نصف ساعة

يومياتي  الصبح كورن فليكس
بعدها نسكافية
وراها بساعتين تفاحة
الغدا كان محاشي خضار دايت بدون زيت ورز

العصر جاي وشابورة والمشي نصف ساعة  وماء بين الوجبات وعلى الريق

هذا كورن فليكس الي استعملة



يومياتي
على الريق ماء
الريوك سبانخ حمستها بملعقة صغيرة زيت زيتون وضفت الها بيضة ورشة ملح وفلفل وبعدها عصرت عليها نصف ليمونة
بعدها بساعة شربت نسكافية
الغدا قطعة صدر دجاج وسلطة
عشى ماكو
تفاحة
والعصر جاي وقطعة بسكويت
ورياضة 35دقيقة

النزول هذا الاسبوع كيلو واحد
الوزن الحالي 62
يومياتي
البارحة
الريوك  نصف صمونة مع بيضة
الغدا البارحة كان سلطة المشروم
واكلت وياها 2كبة صغار ههههه زوغلت شوية
عشا ماكو
العصر جاي بدون سكر وقطعة شابورة
رياضة ماكو

اليوم
الريوك نصف صمونة ولبنة قليل الدسم وكوب نسكافية
الغدا اكلت قطعة سمك وسلطة
العشى ماكو
العصر جاي بدون سكر وقطعة كيك ورياضة نصف ساعة


الريوك قطعة توست مع شرائح الفطر ورشة فلفل اسود وحطيته بالفرن وبعدها حطيت قطعة جبن قليل الدسم ورجعتها الفرن بس يذوب الجبن
ونسكافية بحليب قليل الدسم
الغدا
2كبة صغيرة برغل مسلوق وسلطة
العصر شاي مع قطعة صغيرة معجنات
عشا ماكو
تفاحة وماء اكيد بين الوجبات وعلى الريق
رياضة اليوم 20 دقيقة فقط

 الاسبوع الثالث ماكو نزول

الوزن نفسة 62

الريوك قطعة توست وطماطة وفطر وبالفرن وبعدها ضفت قليل من جبن موزيرلا ورجعته الفرن مع رشة فلفل اسود
الغدا 2قطعة مثلثه بيتزا
العشا ماكو
العصر اكلت بسكت دايجستف مع جاي بدون سكر
مشي لمدة 20 دقيقة

اليوم الريوك قطعة توست وجبن  كوب نسكافية
الغدا 4ملاعق مرقة باميا وقطعة لحم
العصر جاي بدون سكر و3قطعة بسكت دايجستف
عشا ماكو
تفاحة ورياضة ماكو

يوميات البارحة
قبل الريوك ماء الريوك كان  بيضة وطماطة وفطر  بملعقة زيت زيتون
الغدا كان صدر دجاج
عشى ماكو والعصر شاي وشاابورة
ورياضة هم ماكو البارحة
والماء اكيد بين الوجبات وبالليل

اليوم
ماء قبل الريوك
الريوك كاسة كورن فلكيس مع قليل من حليب و4حبات جوز

نزول الاسبوع الرابع ماكو نزول
 يومياتي الاسبوع
الفطور اما كاسة كورن فلكس وي حليب قليل الدسم او بيضة مع قطعة خبز او قطعة توست وجبن او قشطة
الغدا   من الغدا الموجود بدون رز وسلطة اكيد وبكميات معتدلة
عشا ماكو
العصر اما قطعة كيك مع الشاي او بسكت او شابورة
رياضة مع الاسف صار اسبوع ماكو راح ارجع عليها ان شاء الله

يومياتي الريوك قطعة توست وبيضة عيون بطريقة السلق بدون زيت ونسكافية
ماء قبل الريوك
الغدا سمك مشوي مع سلطة
عشا ماكو والعصر قطعة معجنات مع شاي بدون سكر
والحمد لله رجعت على الرياضة صار يومين

الوزن نهاية المسابقة
62
خسارة كيلو ونص خلال مدة المسابقة

ميزان المسابقة الجديدة


يومياتي بالدايت نفس الدايت مشيت علية وهو ريجيم الماء ومكتوب ليفوك
الريوك  صار يومين قطعة توست مع بيضة وكوب نسكافية بحليب قليل الدسم وقبلها طبعا ماء على الريق
البارحة كان غدا سندويش لان كنا طالعين مع سفن لايت
عشا ماكو العصر شاي وبسكت والباقي ماء

اليوم  الريوك نفسة
غدا ماكو بس العصر اكلت وي الجاي قطعة صمون وجبن
الظهراكلت تفاحة
عشا ماكو بس على الماء
رياضة صار يومين امشي 25 الى 30 دقيقة


يومياتي البارحة
هذا ريوك قطعة توست مع فطر وقطعة جبن
الغدا  تكه دجاج مشوي
عشى ماكو وشرب الماء بين الوجبات وعلى الريك
العصر جاي مع 3قطع بسكت دايجستف
رياضة مشي لمدة 20 دقيقة
اليوم
الريوك بيضة مع قطعة صمون ونسكافية بحليب قليل الدسم
ماء على الريق نصف لتر
الغدا كان صحن معكرونة
العصر زوغلت شوية واكلت قطعة كيك مع شاي ورياضة 20 دقيقة
يومياتي
اليوم
قبل الريوك ماء
الريوك قطعه توست وجبن ونسكافية
وراه بساعة او اكثر اكلت تفاح وماء
الظهر اكلت سمك مشوي قطعة وسلطة
العصر جاي وبسكويت
مشي لمدة نصف ساعة مع الاكثار من الماء

اليوم الخميس
يومياتي الحمد لله جنت صائمة اتسحرت  كاسة كورن فلكس وبعدها شربت جاي اخضر وحبة فاكهه
الفطور جان قطعة صدر دجاج وسلطة ولبن زبادي
بعدها شربت جاي وقطعة كيك

نزول الاسبوع الاول 600غم
اليوم جمعة يومياتي ايضا صايمة الحمد لله
السحور كان كاسة كورن فلكيس  وقطعة فاكهه
الفطور كان كاسة شوربة وقطعة لحم وشوية تمن وسلطة
بعدها بساعتين شرب شاي


اليوم السبت السحور كان فاكهه وكاسة كورن فليكس
الفطور شوربة وسلطة ولبن وقطعة لحم
 بقية الاسبوع
الريوك اما جبن او بيضة مع قطعة صمون وكوب نسكافية
الغدا حسب الموجود   سمك وسلطة
يوم اكلت صدر دجاج وسلطة
او مرقة شوية
العشا ماكو
العصر اشرب جاي وي بسكويت او كيك
رياضة 20 دقيقة مشي
وماء بين الوجبات وعلى الريق

نزول الاسبوع الثاني400غم

الوصفات الشائعة

counter

Flag Counter