Friday, 17 May 2013

متسابقة 13 myway


مررررررحباااا اهل الدايت
اليوم كان الريوك عبالاره عن كعكايه سوده مو سمره ههههه ووياها شاي الزنجبيل بس طعمه حااار ... والغلده ستيك لحم... والعشا انشالله تفاحه بس من اجوع كلش مو هسه... وتحياتي... اما الرياضه فاني بالليل العب رياضه يعني هم بعد... تحياتي

اليوم الثاني للريجيم.. الريوك كان حليب خالي الدسم و كعكايه سمره وبين الغده والريوك شربت شراب الزنجبيل اكيد... وعالغده انشاء الله تبوله وتونه ..كلش طيبات سوه .. من اسويهه انشالله انزل الصوره بس بعد وكت عالغده..
لكن المشكله الي عندي انه اني اصلا حتى بالايام العاديه اكلي قليل موكلش هوايه..يعني بالايام العاديه ما اكل تمن ولا صمون ولا اتعشه ولا حته اتريك يعني بين يوم ويوم بس اتغده والعصر ويه الشاي هم اكل... بس انشالله ننزل عالمسابقه

اليوم الثالث بالريجيم كان كله تعب وحركه الفطور بس حليب وبعدين رحت للجامعه ولعبت رياضة الهروله للعصر اما الغداء فسويت صاج بركر قليل السعرات واكلت تمرايتين
بالعشه اكلت كبايه صغيرونه


بارحه تغدينه دجاجه مشويه ...
اما اليوم اي هو خامس يوم فالفطور حليب خالي الدسم والغداء شوربه دجاج وفطر وشوفان... العشا انشالله فاكهه


هذا كان غدانا الريجيمي بارحه... صدور دجاج اتبلهه وافتحهه من جهه واحشيهه جبن و فطر ولفيتهه بالخيط حته ماتطلع الحشوه بالحراره... وبعدين اخليهن بالطاوه السحريه مادري شسمهه... وهاهيه... وياها زلاطه
اما اليوم كان غدانا دجاج مشوي عالفحم... اما باجر يمكن نكوم نسوي بقبق بقيييق ونتحول دجاج هههههه
نزول اول اسبوع نصف كيلو
ثاني اسبوع نصف كيلو

 زدت النص كيلو الي نزلته ذاك الاسبوع... ورجعت 80.00 
هسسسسه اخر خبر البارحه وزنت ونزلت نص كيلو... يعني المجموع كلي نزلت كييييلو واحد وصارت زحمه عليه!!!!

الوصفات الشائعة

counter

Flag Counter