Sunday, 14 April 2013

الصمون الفرنسي

الصمون الفرنسي من صديقتنا
randa osama
السلام عليكم حبيباتي
اليوم رح اشرككم بطريقة عمل الصمون الفرنسي ولااروع ولااطيب منه نبدي 
المقادير:

١ كوب حليب سائل 
نصف كوب ماء
ربع كوب زيت
٤ اكواب ونصف طحين
١ ملعقة كبيرة خميرة
٢ ملعقة اكل سكر
١ ملعقة كوب ملح
بيضة واحدة
العمل: نخلط الحليب السائل والمي والزيت ونخليهن سوة بجدر ع النار ندفيهن بس مو تسخين ديروبالكم
نخلط المواد الجافة ع صفحة مع البيضة ونضيف عليهن المواد السائلة الدافئة ونبدي نعجن واذا طلعت العجينة تلزك بالايد نضيفلها رشة طحين ونضل نعجن ونضرب العجين بقوة لمدة ١٠ دقائق (مهم جدا الخطوة الاخيرة السابقة) بعدها نترك العجين ترتاح لمدة ربع ساعة فقط وهذا شكل العجين بعد ماارتاحت لمدة ربع ساعة وهنا اني ضاعفت المقادير

هنا قطعت العجين طبعا بده يختمر واتضاعف حجم القطع


هنا اخذت اول قطعة ومديتها بالشيبك على شكل اسطوانة بعدها ابدي الف العجين مثل الرول(مهمه جدا جدا هاي الخطوة لانها تساعد على دخول الهواء الي رح نشوفه بالصور الجاية)


بعد مالفينها للعجينة وصارت على شكل اسطوانة ندخل اطرافها الي الداخل بأصابعنا بحيث متبين


وهنا سويت على شكل دوائر




بعدها نخلي القطع بصينية الخبز ونغطيها بمنشفة خاصة بالمطبخ ونعوفها تتخمر لمدة ساعة اذا كنتو ببغداد والجو حار واذا ببلد بارد فوق الساعتين


هذا شكل الصمون بعد مااختمر


نبدي نمسح قطع العجين بالحليب وارش السمسم (يكون الفرن حامي ع درجة ٢٠٠)

هنا بعد مارشيت السمسم وصارت جاهزة انها تدخل للفرن

بعد الشوي يميييييييييي

هنا صورة من بطن الحدث هههههههههه لو تلاحضون صاير من الداخل على شكل طبقات وهاي فائدة لف العجينة الي ذكرناها بالسابق




الوصفات الشائعة

counter

Flag Counter